المدينة هاذي في ولاية كلفورنيا غرب امريكا...

الله يعين الضاهر إني توهقت بغليندورا معقوله ما احد يعرفها

1. و ماشاء الله الجامعات هنا مليانة بالخليجيين سواء الشباب أو البنات ..

مرحبا ..
هذي المدينة تعتبر من مدن جنوب كاليفورنيا .. قريب منها كليرمونت و لافيرن و ريفرسايد ..
أنا ساكنة قريب منها ..
المنطقة بشكل عام في حلوة و الجو معتدل أغلب أوقات السنة .. و غليندورا أقرب على الجبال في الشمال من مناطق جنوب كاليفورنيا ..
أهم مدينة قريبة منها هي لوس أنجليس و أتوقع تبعد عنها مسيرة ساعة إلى ساعة و نص بالسيارة ..
طبعاً للمحلات العربية ما في أشهر من مدينة أناهايم اللي تقع بين غليندورا و لوس أنجليس .. لأن أناهايم فيها عدد عرب و مسلمين كبير .. و عندهم سوبرماركت super king هذا فيه منتجات حلال و أشياء غيرها ما تلاقيها في أماكن ثانية .. و عندهم ملاحم و مطاعم عربية ..
كاليفورنيا مدينة فيها عروق مختلطة و فيها كثير مكسيكان .. فما تلاقي فيها عنصرية أبداً .. و المرأة المحجبة عادي جداً محد يقول لها شي .. و بتتفاجأ أول ما توصل كاليفورنيا من كثرة العرب و المسلمين فيها .. فما في داعي للقلق من هذي الناحية ..

و ماشاء الله الجامعات هنا مليانة بالخليجيين سواء الشباب أو البنات ..

ما أدري ليش الأغلبية اللي ما سافروا يخافون من مسألة أن الأمريكان ما يحبون المسلمين ؟! .. ليش هم يعرفون المسلمين أصلاً !! أغلب الأمريكان ما يعرفون شي عن الشعوب الثانية .. ولا يهمهم .. كل انسان له الحرية الشخصية يلبس اللي يريده و يقول اللي يريده .. لكن المسؤولين فقط تهمهم إجراءات السلامة فتلاقي المطار مشددين الحراسة و التفتيشات أحياناً .. و هذي الاجراءات تمشي حتى على الأمريكان ..
السكن و المعيشة في كاليفورنيا اجمالاً تعتبر من الأغلى في أمريكا .. لكن تقدر تلاقي شقة بغرفة و صالة ب 1000 دولار تقريباً .. أو أكثر شوي اذا غرفتين و صالة من 1500 الى 2000 ..
بالنسبة لحضانة الأطفال .. ما أعرف في غليندورا لكن في منطقتي أسمع عن حضانة ممتازة و الكل يمدحها حتى جارتي حاطة بنتها فيها ... أتوقع أن أسعارها معقولة و الأطفال عادي من عمر 6 شهور ..
و ان شاء الله أكون أفدتك بالمعلومات اللي تحتاجها .. و توكل على الله .. أمريكا بلد حلوة و ما في أي داعي للخوف من العيش فيها ..

الف الف شكر يا ميمي والله يوفقك دنيا وآخره