الله يشفيه ويعافيه ويطيل بعمره ويخليه لكم

مشكور عبدالله وجزاك الله خير

أخوي أنا سكنت في فندق Zenith Hotel الفندق جيد جداً ومستوى النظافة ممتاز ، وحسب ما عرفت من أغلب سكانه من إخواننا الإمارتيين وخاصة كبار السن أنهم يتعالجون في المستشفى الأمريكي يعني بديهيا المستشفى قريب من الفندق ، وعسى الله الله يشفي مرضاكم

سلام عليكم
فندق زينيث قريبا جدا من المستشفى الامريكى
دعواتى بدوام الصحة والسلامة

السلام عليكم
اخوي الفندق قريب جدا من المتستشفى ويبعد مسافة ثلاث دقائق مشي فقط واغلب سكانه من الخلجيين وخصوصا من اهل الامارات واللي اعرفه بانه يصعب ايجاد حجز فيه وهذا عن تجربه ، وهو فندق ممتاز ونظيف وموقعه ممتاز جدا جدا جدا ويقابله مطعم مصري يسوي اكلات طيبه ، ولكن انصحك ان تسكن في الشقق الفندقيه الخاصه بالمستشفى وهي مخصصه لمرافقي المرضى وتعتبر هذي الشقق من اجمل الشقق واكثرها نظافه واقل من سعر الفندق اللي ذكرته وهي ملاصقه للمستشفى بالظبط وانا اعرف شاب اماراتي كان مرافق لوالده المريض ، كان يسكن في هذي الشقق ويمدحها كثير ويمكنك ان تتصل في المستشفى وتبلغهم برغبتك في السكن بالشقق وان شاء الله تكون رحله موفقه والله يشفي مرضانا ومرضاكم ومرضى جميع المسلمين اللهم امين .

اكيد فندق zenith تمام وقريب منالمستشفي الامريكي بس هو 3 نجوم
واتمني لأبوك الشفاء العاجل

انا سكنت فزنث يوم كنت مسافره علاج مع الوالده ... صراحه وايد قريب من المستشفى الامريكي و حذاله مطعم مصري ونظيف بس فطورهم مش ولا بد و خدمتهم الصراحه زفت و تعاملهم مهب اوكيه مع السياح ... اذا كنت رايح علاج فزنث اقرب شي للمستشفى و انصحك فيه بس اذا كنت رايح سياحه انصحك بفندق راديسون خدمتهم ممتازه و غرفهم واسعه و فطورهم ممتاز على حسب ما عرفته من صاحب مكتب السفريات ...
و السموحه عالقصور ..

يا سلام على المنتدى الرائع
الواحد يحس انه مسافر مع تفاعلات المشاركين
بس ودي اسال ايش العلاج لكبار السن لان عندي والدي يشتكي من رجوله ما يقدر يمشي إلا شي بسيط جدا (من الروماتزيوم) عفاكم الله هل اجد علاج هناك
مع شكري وتقديري لرواد هذا المنتدى

اخوي الله يشفي والدك ويعافيه ، الحقيقه انا التقيت مع شاب خليجي هناك وقالي انه جايب والده الكبير بالسن وتم تبديل ركبه له والحمدلله والده الحين بصحه وعافيه