**شوكولا**
24-02-2022 - 03:40 am
السلام عليكم ..
الاخوة اعضاء العرب المسافرون ..
حبيت اسألك شوية اسئلة واخترت هالمنتدى بالذات لأني عمري ماسألت عن شي فيه الا الاقي اللي ابغاه وزيادة من اروع المنتديات السياحية اللي شفتها ..
اولا وش افضل موسم للسفر الى ايطاليا من ناحية الجو والاسعار .. وياليت مايكون صيف حر ومرقعة خليجين ..
انا افضل ان الجو يكون يميل للبروده مع وجود امطار وودي لا رحنا تكون الاسعار في المتناول ويكون كل شي متاح .. لأننا ناويين نقضي شهر العسل هناك وعندي استعداد احدد موعد الزواج على اساس افضل المواسم بايطاليا المهم انه في النهاية يكون شهر عسل ماينسى ..
احب ماعلي اني اذا رحت بلد احس ان كل شي فيها متاح سواء الفنادق المطاعم والتسوق .... الخ
فلذالك ابحث ان افضل موسم اسعار بهذه البلد لارتفاع اسعارها ..
وثانيا حابة اسأل عن فندق هيلتون بروما من قد سكن فيه وكيف مستوى الخدمة ونظافة الغرف وهل هو قريب من اهم الاماكن بالمدينة؟؟؟
وهذا موقعه
http://www.hilton.co.uk/cavalieri
بصراحة ماعرفت اطلع الاسعار فياليت تعطوني نبذة عن اسعاره ..
وهذي الصور اللي حصلتها بالفندق
واللي جذبني له جناح شهر العسل مكون من طابقين ويحتوي على جاكوزي خارجي بالبلكونة private
(مو مشكلة يكون طابق واحد بس المهم الجاكوزي والبلكونة
وهذا جناح شهر العسل
وهذي البلكونة المنظر رائع :36_3_13:
هذا عنوان الاوتيل
Rome Cavalieri Hilton
Via Cadlolo 101, Rome 00136, Italy
هل اختياري للفندق موفق؟
واذا كان في شي احسن وبأسعار مناسبة (بس يكون فيه جاكوزي وبلكونة ) ياليت تدلوني عليه وشكرا ..
وانتظر ردودكم ..
**شوكولا**
هاي شوكولا
وعليكم السلام
الفندق رائع بكل شي الخدمه- الغرف-المطاعم فندق راقي وغالي علي مساحه كبيره فوق جبل طريجه علي شكل حلزوني مستحيل تلقين تاكسي بهالمكان التاكسي بالتلفون اهمه يطلبولج كل زاويه فيه مساحتها كبيره مطعم فوق السطح ومطعم تحت بالسرداب فيه الريوق حمام السباحه مكشوف ومغطي فيه حديقه اسواق تفرجي ما انصحج تشترين منها شي لانه اسعارها خياليه وبضاعتها عاديه الفندق بعيد عن سنتر روما والاماكن السياحيه اقدر اقولج بره روما الفندق يطلع باص كل نص ساعه والتجمع العوده في ساحةBARBERINI
الغرف كلها فيها بلكونات تختلف اسعارها غرف او جناح عالحديقه سعرها مختلف عن الي تطل علي قبة الفتيكان الفرق زياده تقريبا 70 او 80 يورو بالليله
كل شي راقي فيه حتي النزلاء نفسهم بتلقين بالرسبشن كتيب للرحلات السياحيه لشركةVastours
كتيبهم موجود بكل الفنادق حتي بفنادق ثلاث نجوم عندهم رحلات للشمال وللجنوب ورحلات ليليه
فندق كافاليري هيلتون عجبني وايد لانه دايما اختياري بالسفر للفنادق الدرجه اولي بعيده عن المدينه والزحمه والازعاج ما اعتقد بيعجبج الموقع لانه بعيد وايد عن روما فندق هادئ الخروج منه لازم بيكون بتاكسي ما تقولين اطلع اروح اتمشي بسوق او مكان لا الفندق علي جبل بالنسبه لي افضله عن فندق BOSCOLO HOTELS اعتقد هذا الفندق بيعجبج
الي بوسط روماPIASA DELLE REPUBBICA
عندي كتيبات للفندق لكن ما اعرف شلون احط الصور بالموقع
افضل وقت لزياره روما شهر يناير وفبراير الجو دافي بالوقت هذا