شكرا على الرد السريع بس انا ابي احد يقولي شنو احسن فندق من الي انا ذكرتهم من ناحية الغرف والخدمة

احم احم وين الشباب الي راحو شرم الشيخ يردون علي

قرب موعد السفر ومافي احد رد علي ؟؟؟؟؟؟؟

انا نزلت في فندق هيلتون فيروز
واخذت غرفه تشبه الشاليه جميله جدا
بخليج نعمه وانصح بالاوتيل مع العلم انه 4 نجوم بس ما تحس انه اقل من خمسه
اووف

اخوي انا اعرف شرم الشيخ زين...
وقبل اسبوعين كنت هناك...
خذ العلم...
ترتيب فنادق شرم من حيث الفخامة:
1- فور سيزونز.... وهو اغلى فنادق شرم..بس ما انصحك فيه..لأنه بعيد عن خليج نعمة..ورسمي مررة مررة
2- ريتز كارلتون....ثاني فندق من حيث الفخامة(مصنف سبع نجوم)..موقعه سيئ في الهضبة..يعني اسوأ موقع في شرم.
3-حياة(جراند حياة)..موقعه مش بطال..وفندق فخم جدا جدا
4- موفنبيك-ماريوت-شيراتون...هالثلاث فندق تقريبا مستواها واحد...لكن انصحك بالشيراتون وعن تجربة شخصية...اسكن الشيراتون ولا تشاور احد ابد
صحيح الموفنبيك والماريوت قريبات لخليج نعمة...لكن الموفنبيك ما فيه ولا غرفة مطلة على البحر...الماريوت اطلالة الغرف فيه مش ولا بد..وترا الماريوت مقسوم الى قسمين..قسم ناحية الجبل(مو على البحر)وقسم على البحر..
اما الشيراتون..جميع الغرف فيه مطلة اطلالة ساحرة ساحرة ساحرة وكل غرفة فيها بلكونة كبيرة جدا..وللمعلومية...نظامه مثل نظام موفنبيك بيروت...يعني انت تجي الفندق من فوق(الريسبشن فوق)والغرف تحت..وشاطئه عالمي..باختصار شديد لو ما تطلع من الشيراتون ابد راح تنبسط..واسعاره معقولة جدا...
غرفة سرير واحد= 101 دولار
غرفة سريرين= 107 دولار
غرفة ثلاث سراير=157دولار
الاسعار شاملة الخدمة والضريبة والافطار...وهذي اسعار الفندق مباشرة..يعني يمكن بوكالات السفر تحصل اسعار افضل..
حتى موقعه حليو... سبع دقايق عن المشاية وخليج نعمة
5- هيلتون-سوفوتيل-كراون بلازا.....الخ.....ما انصحك فيها ابدا

انا قبل 5 ايام جيت من شرم الشيخ والصراحه مدينه عالميه وسكنت في فندق سونيستا بيتش ( 5 نجوم ) في خليج نعمه . نظام منتجع يعني مو جاي طوابق . فيه 5 مسابح على البحر مباشره فيه جميع وسائل الترفيه . مليان خواجات . هو بجانب فندق دايز ان .
اما السعر لو اقولك ماتصدق لأني خذيته نظام قروب من عمان ( انا من السعوديه ) 3 ليالي مع الطيران عمان- شرم- عمان 1100 ريال . بس الفندق توب خصوصا مع السعر هذا .
الاخوان هنا يقولون فيه فنادق حلوه . اسمع للي تقتنع بكلامه . لكن انا صراحه اكلمك من خلال الفندق اللي جربته .
لكن نصيحه اخويه لاتاخذ فندق في غير خليج نعمه . كل شي قريب منك .

انا سكنت في الموفنبيك جولي فيل الي في خليج نعمه
مستواه مقبول ولكن مو المطلوب ..
ميزته الوحيده انه في قلب الحدث فقط ..