شوف يا أبو سعود
وأنت ماسك خط الدمام
راح تجيك لوحه قبل الدمام بحدود 130كيلو
مكتوب عليها (جمعة الملك فيصل) أدخل معاه يمين
قبل لا تدخل عب بنزين لإنه طريق مقطوع مافيه إلا مراكز لشركات بتروليه
بعد حدود 130 كيلو راح يجيك مفرق واحد يوديك للحسا
والثاني يوديك للأمارات وعمان وقطر
والله يسهّل عليك
بس علمني
هل راح تريّح في الحسا أو تاكل فيها
أو راح تمسك على طول الخط للأمارات
علشان إذا دخلت الحسا في توصيف ثاني

مشكور اخوي انا بروح على طول للامارات بس اهم شي الطريق سيد واحد ولا سيدين ووين المحطات موجوده

بعض المناطق سيد واحد بس الطريق ممتاز وحياك الله بالاحساء

طيب ليش ماتروح مع طريق حرض ؟
تصحيح الخط من الخرج الى المنفذ خط واحد ومليان شاحنات انا دايم اروح معه وهو اقرب من الاحساء بس بالنهار ومستحيل امشي به بالليل
واقرب بما انك طالع من الرياض
اخوك
عبدالله

ممكن ...
في حالة السفر من الرياض عن طريق حرض الى الامارات ( دبي) ويبغى الواحد انه يريح في فندق بعد الحدود الاماراتية ايش تنصحون فيه بفنادق تكون قريبه بعد الجمارك الاماراتية
بحيث الواحد يقطع خمس ساعات خلينا نقول يطلع الواحد على الساعة الثانية ظهرا وعلى الساعة السابعة مساء يريح في احد الفنادق او الشقق طبعا في الاراضي الاماراتية لان ما اتصور ان فيه سكن على الحدود بالاراضي السعودية كلها محطات ( غير جيده، وغير امانه )
الرجاء ذكر الفنادق او الشقق واسعارها
ومشكورين على المعلومات

نفس السؤال
اي نوع من السكن على الخط

هلا بكم ياأخوان
الطريق والله ولا أحلى منه
ولا يحتاج تريح أمسك خطك ولا يردك ألا دبي
كلها تقريباً 850 كيلو
انا طلعت تقريباً 8 مرات لدبي بالسيارة
أطلع الساعة 5 أكون هناك بدبي على الساعة 2 الليل
والطريق أفضلك بكثير من حرض بحيث ان حرض سيد واحد
والأحساء سيدين ...
فأنصحك أخوي بطريق الأحساء . ..
وكما قال الشاعر (( علييك بالجادة لو طالت وبنت العم لو بارت ))
فأقطع 100 كيلو زيادة ولا أروح مع طريق أقل 100 كيلو لكن خطر
بالتوفيق عزيزي
ورحلة موفقة إن شاء الله

لكن يا عزيزي ما اعتقد ان المسافة بين الرياض الاحساء ( الطريق القديم) ثم سلوى ومن ثم البطحاء ثم دبي 850 كيلو
الي اعرفه ان من الرياض الخرج بعدين حرض ثم البطحاء 500 كيلو وبعدين تكلمه الى دبي حدود 400 كيلو
ملاحظة طريق الاحساء اقرب الى قطر .
طريق حرض اقرب الى حدود البطحاء .
بعدين اذا طلعت من الرياض الى طريق الاحساء القديم ( اعتقد انها ساعة ونصف )الخط خطر بشكل كبير :
ابل سائبه ( منطقة رعي )ومعروف لدى الكثير حوادث الابل
الطريق متهلاك ( بسبب ثقل الشاحنات ) لدرجة ان ممكن انحراف السيارة ، يعني مو كل الخط لكن تشاهد ها الشي
اذا طلعت من الرياض بعدين الى الاحساء طريق الشرقية ( مع مفرق اعتقد النعيرية طبعا النعيرية على اليسار وعلى اليمين تتجه الى الاحساء بيزيد عليك المشوار حدود 80 كيلو يعني ساعة .
مشكلة خط حرض مدت ساعتين فقط ، لكن ينصح بعبور الخط في على الساعة الرابعة او الخامسة عصرا
وتعبي بنزين من اخر محطة تجيك على اليسار ، المنطقة بها تحرك الكثبان الرملية خصوصا بالصيف ، وكذلك ضباب يكون بشكل منخفض وبخصوص الابل ، الطريق لا يوجد به شبك او حاجر للابل لكن المنطقة غير جيد للتنقل بالسيارات الخاصة بمربي الابل ، وعره
وسفر امن ان شاء الله .

لكن يا عزيزي ما اعتقد ان المسافة بين الرياض الاحساء ( الطريق القديم) ثم سلوى ومن ثم البطحاء ثم دبي 850 كيلو
الي اعرفه ان من الرياض الخرج بعدين حرض ثم البطحاء 500 كيلو وبعدين الى دبي حدود 400 كيلو
ملاحظة طريق الاحساء اقرب الى قطر .
طريق حرض اقرب الى حدود البطحاء .
بعدين اذا طلعت من الرياض الى طريق الاحساء القديم ( اعتقد انها ساعتين ونصف )الخط خطر بشكل كبير :
ابل سائبه ( منطقة رعي )ومعروف لدى الكثير حوادث الابل
الطريق متهلاك ( بسبب ثقل الشاحنات ) لدرجة ان ممكن انحراف السيارة ، يعني مو كل الخط لكن تشاهد ها الشي
اذا طلعت من الرياض بعدين الى الاحساء طريق الشرقية ( مع مفرق اعتقد النعيرية طبعا النعيرية على اليسار وعلى اليمين تتجه الى الاحساء بيزيد عليك المشوار حدود 80 كيلو يعني ساعة .
مشكلة خط حرض مدت ساعتين فقط ، لكن ينصح بعبور الخط في على الساعة الرابعة او الخامسة عصرا
وتعبي بنزين من اخر محطة تجيك على اليسار ، المنطقة بها تحرك الكثبان الرملية خصوصا بالصيف ، وكذلك ضباب يكون بشكل منخفض وبخصوص الابل ، الطريق لا يوجد به شبك او حاجر للابل لكن المنطقة غير جيد للتنقل بالسيارات الخاصة بمربي الابل ، وعره
وسفر امن ان شاء الله .