مراحب اخي ماتريكس سيبو مدينه شبيه لحد بسيط لمانيلا المنتجعات ع البحر في مكتان الي فيها المطار وترتبط مع سيبو بجسر
زرت سيبو لاكن ماعجبتني ورحت لمكتان واخذت منتجع ع البحر ب 4000 بيسو لان الاجواء الي افضلها بحريه
وهذي بعض الروابط ممكن تفيدك
https://artravelers.com/p/re/402920

العاطل
يعطيك الف عافية
وانا نزيت اروح بالعائلة الى مدينة سيبو وفي التخطيط ايضا زيارة مدينة باقيو لاني سمعت انها مناسبة للعوائل
سؤالي هل تعرف منتجعات اسعارها تكون معقولة في سيبو وباقيو لانني مخطط اني اول ما انزل مانيلا اطلع على طول لباقيو
او سيبو او يمكن اسكن خارج مانيلا اول ثلاثة ايام عشان ازور فيلا اسكواديرو وشلالات باقسنهان
ياريت تشوف الترتيب المناسب لزيارة هذي الاماكن وهي فيلا اسكواديرو وشلالات باقسنهان وباقيو ومدينة سيبو
ومعليش راح اتعبك معاي اكثر ياريت تقترح السكن المناسب للعائلة في هذي الاماكن
ولكم جزيل الشكر

مرحبا بك مع اني ضد فكرة زيارة العائله للفلبين
في سيبو اسكن في الماريوت رائع وقريب منك مجمع ايالا واذا تبي ع البحر عندك شي ممتاز اسمه بالسابق الهليتون وتغير الان للموفينبيك موقعه حلو بجنبك منطقة انطلاق القوارب للرحلات البحريه سعره بالليله تقريبا 500 ريال وفيه منتجع اخر قريب منه اسمه بي اي سكنته عام 2009 توه فاتح له 3 اشهر ممتاز وسعره تقريبا 90دولار لليله وصوره موجود في تقريري العاطل في احضان الفلبين سيبو مارح تتعب فيها عندهم قناه تعرض يوميا افضل المطاعم والبرامج السياحيه وارقام المكاتب لتنسيق الرحلات وافضل اماكن السهر (متطوره سياحيا ع مانيلا)
باقيو ماسكنت فيها جلست اقل من 24 ساعه ورجعت لاني سبق وقلتلك اجوائي بحريه باقيو فيها حدائق كثيره وواصيك تقرأ هذا التقرير رائع
باقيو ... المدينة التي ستبقى في ذاكرتي https://artravelers.com/p/re/77340
وهذا الرابط لفنادق باقيو
http://hotelsinbaguio.com/
ارجو اني افتدك ولو بالقليل

1. اخوي العاطل

العاطل
يعطيك الف عافية واكيد استفدنا من المعلومات التي قدمتها
وفي البداية انا كنت محتار بين ادنونيسيا والفلبين لكن دخلت بوابة اندونيسيا ولقيت الشكاوي بالكوم والنصب والشحته من
يوم ما تنزل المطار الين تغادر البلد وانا اكرة شي عندي اسلوب الشحتة والاكرامية الي يزعجونك فيها اهل البلد
وغير كذا مشاكل التاكسي في جاكرتا والجبل اغلب الي سافرو لجاكرتا يشتكون من التكاسي لعب في العداد ويجلس
يلفلف بك الين يوص المشوار 100 ريال وهو حقة عشرين والي كرهني فيها زيادة ان الشرطة والمرور مايهتمون بالسائح
بالعكس هناك المرور يتصيد التاكسي الي فية عائلة خليجية وياخرهم عشان يدفعون له البخشيش

اخوي العاطل

بالنسبة لو ابي احجز على بوهول ودافاو من مطار مانيلا على طول تعرف مكتب سياحي مضمون يحجز لك الفنادق والطيران الداخلي في مانيلا لاني خطتي اني اول ما اوصل اطلع على سيبو واحجز لمدة اربعة ايام في Alta Cebu Village Resort او منتجع Alta Cebu Resort وبعدها اطلع على باقيو واسكن يومين في
camp john hay manor او hotel Elizabeth
وباقي الايام في منجع او فلل خاج حدود مانيلا عشان ازور الشلالات والاوشن بارك وفيلا اسكواديرو
اخوي العاطل حجز المنتجعات عن طريق النت جيد للي يعرف المنتجع من قبل لكن ماودي اعتمد على الصور الي في
الموقع وبعدين تكون الخدمة تعبانة او الغرف مو نضيفة
ياريت تعطيني اسماء منتجعات تكون مجربة في سيبو والاسعار ماتتعدى 250 ريال للغرفتين
اعذرنا اتعبناك واشغلناك معانا انا خبرتي داخل مانيلا وفي حدودها ماقد طلعت للجزر
وبعدها

مرحبا بك وعذرا ع التأخير
بخصوص منتجعات سيبو ماعتقد تجد بالسعر الي ذكرت غرفتين
هذا المنتجع هادي ورايق للي يحب الهدوء سكنت فيه 3 ايام Be Resorts Mactan وفيه منتجعات ايضا اذا تحب الهدوء داخل الجزر المقابله تجدها بتقريري الجزر المقابله لمكتان
وبخصوص منتجعك الي ذكرت Cebu Village Resort يعتبر من افضل المنتجعات في سيبو من خلال تصفحي
وهذي طريقتي اذا بغيت احجز منتجع ادور عليه بالمواقع واطالع ع اراء النزلاء من جميع اللغات واترجمها واشوف التقييم ايضا
وانا بالخدمه بأي وقت لايردك الا الكيبورد