sosowebas
11-12-2022 - 08:10 am
السلام عليكم
كيفكم جميعا هادي اول مشاركاتي في المنتدى القيم هادا
ارجو انكم تساعدوني لاني محتاجه مساعده شديده صراحه
طبعا اختكم غشيمه ماراحت الا تركيا عبر مكتب سياحي والان قررت الاعتماد ع نفسي
وفريت بالنت وجاني الوان الصداع محتاسه وموعارفه كيف ابدا ولا وين انتهي
بعد جهد شديد رضي زوجي نسافر اوروبا بعد شهر من الان باذن الله
طبعا الى سويسرا و ايطاليا وفرنسا ولا تدققو ع الترتيب
والعدل لابد منو قررت 6 ايام لكل دوله
اول شي
الشنغن
1- مدري ليه قلبي انشرح ل ايطاليا حسيت انها اسهل شي ايش رايكم ؟
2- هل ممكن يطول الامر لاسمح الله لاكتر من شهر علما اني لسا ما اخدت موعد من النت ؟
3- هل التقديم ع النت لازم اعبي بيانات لاني لسا ما طلعت جواز لبنتي (سنه)؟
4- بعد الدول بتطلب تعهد ماهو التعهد ومن فين اجيبو ؟
5- لازم التامين لانو ماعندنا تامين وممكن كمان بالمره تامين وهمي ؟
6- كيف اسويي حجز تذاكر وفنادق وهميه ؟
التذاكر
معليش سؤال اهبل
هل لازم ارجع من نفس المكان اللي وصلت منو ؟
بمعنى لو او لشي وصلت مثلا من جده لباريس هل العوده منها او هل ممكن ارجع لبيتنا من روما
يعني هل ممكن اسويي حجزين واحد روحه وواحد رده
او اني لازم انزل في باريس وبعد ما اخلص الرحله ارجعلها تاني
وبعدين سمعت انهم بياخدو 100 ريال لكل شخص عن كل يوم مين بياخدو ولمين نعطيه ومتى ؟
الرحله
بدي الله يسعدكم خطه للرحله من الف للياء فين احجز الوصول والعوده ع الخطوط السعوديه طبعا
بس في مدن واشياء في بالي لازم منها والباقي افيدوني انتو من عندكم سواء مدن او اماكن
في فرنسا : الريف الباريسي ( سمعت عن القرى انها روعه )
الشانزلزيه
ديزني
في ايطاليا :
فيرونا ( مدينه الحب )
فينيسيا
في سويسرا :
جنيف
انترلاكن
وجبال الالب مدري وين تقع
وافضل الاماكن الطبيعيه ولا مانع من الترفيهيه يعني كلو العربي
والباقي ما ادري وماعندي مخطط طبعا قرات عن اشياء جميله بس محتاسه موعارفه اخطط
يعني ابغى رحله بتفاصيلها بليز
ايش افضل الفنادق وانضفها بحدود 500 ريال لليله طبعا افضل الاقامه في الارياف
كيف التنقل من اي مكان لاي مكان يعني من المطار اخد تكسي للفندق ولا كيف وبين المدن وداخل المدينه كيف اتنقل والتكلفه كم ووين المحطه وكيف اروحلها وحتى البقاله كيف ارحلها
اوالقطارات ايش افضلها وكيف ارحلها وبكم وكيف احجز
ايش الاماكن السياحيه في كل مدينه وكيف ادلخها وفي رسوم ولا لا
ايش افضل مكان للشوبينج واي مكان لشراء التذكارات واي مكان للهدايا الجميله والرخيصه تعرفو الاهل غاليين علينا
طيب والاكل كيف في مطاعم في اكل مسلم ولا اخد اكل معاي من هنا
وايش اخد للسفريه بشكل عام
واتصور الجو معتدل ولا كيف في نهاية سبتمبر
الله يسعدكم لا تتاخرو علي مافي وقت ولا ياشماتت ابله ظاظه فيا ( زوجي )
وياريت تحسبولي التكلفه الاجماليه في النهايه كم طبعا باستثناء مصروفنا اليومي
بليز افيدوني اثابكم الله
https://artravelers.com/s/327
هذا قسم التاشيرات بتلقين فيه كل شيء يخصها .
الطيران الافضل تبدأون من دوله واخر مدينه تكونوا فيها تحجزوا العوده منها
و6 ايام قليله على مدنوكثيره على الباقي
مثلا باريس 5 ايام
جنيف يومين او اسكنوا الافضل بريف جنبها اذا بتحبون الارياف
و6 ايام انترلاكن
والباقي يتززع على فينسيا وفيرونا
تطلعون من باريس بقطار الى آنسي وتستاجرون من آنسي سياره وتقضون كامل مدتكم ب سويسرا بالسياره
اخر يوم تسلمونها في جنيف وطيران او قطار ايطاليا
او ممكن من باريس الى انترلاكن واخر محطه في جنيف والارياف جنبها وتختمونها ب ايطاليا
والفيزا شوفوا اكثر دوله بتكونون فيها
وال100 ريال هذي ماقد سمعت فيها ولا هي موجوده ؟
بس يمكن اللي نقلك المعلومه نقلها غلط
لان بالفيزا لازم يكون بحسابكم لكل شخص 100 يورو تغطي كامل المده في اوروبا
او يكون دخل زوجك بالشهر 2000 يورو
وحنا بنساعدك بكل شيء يخص باريس وفرنسا
كل شيء برسوم هناك دخوله
بس ماهي الرسوم الغاليه الا دزني لاند اذا تفكرون فيها
اذا بترحون لدزني حطي ببالك بنتك عمرها سنه اغلب الالعاب ما تناسب انها تدخلها
الاكل فيه مطاعم حلال كثير شوفي موقع ذبيحه
بس المبالغ احيانا مبالغ فيها
وفيه الحي الاتيني اغلبه مطاعم اسعارها كويسه اكلها عربي حلال
شاورما وفلافل وهالشغلات
المصروف يعتمد عليكم ممكن من 75-100 يورو بالكثير للشخص
التنقل في باريس كله بالميترو اسهل واوفر شيء
التكت لشخص 1.40 وتستخدم لمده ساعه ونص من وقت ما تاخذونها
من المطار الى الفندق الافضل تاكسي عشان الاغراض والشنط
التسوق فيه الاوت لت خارج باريس ب 40 دقيقه وجنبه مجمع تجاري اسعاره مناسبه
او ممكن تزورين ميلان في ايطاليا كلها اوت لتات ومجمعات لماركات مخفضه هي الاشهر للتسوق
والتذكارات تلقينهم بكل مكان وكل زاويه
الباقي ما يتوضح الا اذا اخترتوا سكن وحجزتوا