اليابان لاتصلح للسياحة من وجهه نضري
ابعدي عن الشر وغنيلة
لقلة المواضيع الي تتكلم عن اليابان
ولعدم رغبة الناس في السفر الي اليابان
وكل تقرير ينكتب عن اليابان لا المس فية شي من السياحة
( وكلن وراية )

https://artravelers.com/p/re/157710 ‏
https://artravelers.com/p/re/210447
واحد من هالتقارير كفيل باعطاء نظرة ملفته عن اليابان وقسم التقارير فيه المزيد
تحياتي لكم

اليابان بلد جميل وحلو
انا زرت اليابان 3 مرات 2007 و2008 و 2009 وان شاء شهر 7 2010
شيبويا ليست منطقة راقية انما هي مخصصة للشباب ( ملابس واسواق تخص الشباب ) يعني بالنسبة للبضائع الموجودة فيها لا تناسب ملابس الخليج ( للنساء )
المنطقة الراقية هي جنزا وفيها تجد جميع الماركات
ومنطقة شنجوكو اسعار البضائع ارخص من جينزا
وتستطيع البحث في المنتدى فيه مواضيع كثيرة عن اليابان وبالتفصيل .

1. اذا تبغون تستانسون حاولو ان المده 3 اسابيع بتشوفون احلى المناطق فيها

اذا تبغون تستانسون حاولو ان المده 3 اسابيع بتشوفون احلى المناطق فيها

طوكيو عندج جينزا هذي ارقى منطقة وفيها جميع الماركات العالميه واسعارها مافي احلى منها يعني اذا انتي تحبين الماركات بتستانسين عليها .. من شهرين كنت في طوكيو لمهمة عمل واخذت شنطه للمدام لويس فيتون مع التخفيض طلعت 1000 دولار ولاني مب مقيم في اليابان اخصمو الضريبه عليها 10 % صارت 900 دولار وصدقيني مب نازله فالخليج الا عقب سنه من واقع تجربة والسعر يكون ضعف المبلغ اللي دفعته ..
اذا انتي هاويه سوق صراحه بتستانسين على طوكيو وسوقها .. في عندج شنيجكوو هذي بعد منطقة اعمال واسواق وكانت إقامتي المره الاخيره فيها وسوقها حلو لكن بالمقارنة بجنزا ارخص ومعقول السعر
اكيهابارا او مثل مايسمونها اهل طوكيو اكيبا هذي اكبر سوق الكترونيات في العالم شي بتتهولون منها يبيلها اكثر من يوم عشان تشوفونها كامله وعلى فكرة اسعارها ارخص عن دبي وبوظبي والاجهزه مثل الكيمرات واللابتوبات فيها عربي
الطبيعة عندج كيوتو وهوكايدو ونارا ومناطق وايده , هذي غير عن المناطق القريبه من طوكيو مثل هاكوني وجبل فوجي
اذا معزمين تروحون حاولو تحددون مدة السفر عشان نتساعد ونسوي لكم برنامج حلو
نسيت بالنسبة للسكن .. فيه فنادق غاليه في وسط شينجكو وصراحه انا ماشوفها غاليه يعني هيلتون على 200 دولار يعني لوبقارن هالفندق في الشانز او اجواد رود مب لاقين سعره اقل من 500 دولار .. فرق شاسع
التنقلات رخيصه ونظيفه وحلوه واللي هي الاندرقراوند
مثل ماقلتلج اختي انتو حددو المدة وان شاء الله بنتساعد على عمل مخطط للرحلتكم جعل الله يكتب لكم السعادة

مشكورين على الردود جميعا ً فردا فردا
في ميزان حسناتكم
لأن بجد مو عارف شي عن اليابان إن شاء الله راح نطلع لها بالصيف شهر 7
واذا عندكم فكره اكثر لاتبخلون علينا رجاءا ً ^_^

مشكور اخوي stranger man
ماقصرت اصراحه

xdell
انا مب عارفه مب مقتنعه من كلامج بالعكس اليابان احلى دولة شفتها في حياتي ومن كثر نظافتها ابصراحه عيني تتمنى تشوفها على الطبيعة ويارب اسافر الها إن شاء الله
وبالنسبه للإخوان الباقيين
في تخطيط صغير مع الاهل
احتمال كبير من بانكوك(تايلند) الى اليابان
بس لاتستغربون من المدة يمكن تكون بس 4 ايام أو 5 ايام بالكثير
لأنه نحن اساسا ً رايحين للعلاج في تايلند ومنه بالمره ترفيه بس فالاخير قررنا نسافر لليابان
وانا ابصراحه وايد في خاطري اسافر لها إن جان الله كتب ترانا بنروح بإذن الله
والسموحه

الر حلة قصيرة جدا اختي مهياوه وماراح تشوفون شي وبيكون عليكم الوضع تعب دام انها علاج !!
انصح تمضية هالايام في تايلند بإحدى الجزر السياحيه فهي تنفع للاستجمام او الذهاب الى كوالالمبور .. واذا جاتكم فرصة في المستقبل ان شاء الله روحو على سعه الى اليابان وشوفها عدل