لا طبعا ،،
لازم نفس البطاقة اللي حجزتوا بها تكون معاكم في السفر ،، وقت التشيك ان او التشيط اوت حسب نظام الفندق يتم الخصم من البطاقة ،،
ملاحظة:
بعض الفنادق يطلبون تأمين لذا انتي اساليهم قبل اذا في تامين علشان اذا يبون تامين تقولين لهم انج بتدفعين كاش وتاخذيها لما تعملين تشك اوت ،، لان اذا بالبطاقة راح يعملون حجز للمبلغ واحتمال ما ينفك الحجز الا بعد اكثر من اسبوعين من مغادرة الفندق وبهذي الطريقة يقل المبلغ اللي في البطاقة الائئتمانية واذا تكرر بكذا فندق راح ينحجز مبلغ بالاضافة للمخصوم من الفندق ويخلي الرصيد في البطاقة قليل ويمكن تحتاجون تشترون او تسجحبون كاش ويكون الرصيد ما يسمح ،، لان مثل ما تعرفين كل بطاقة فيزا او ماسترد لها حد معين مثلا بطاقة 1000 دينار والثانية 500 وغيرها 5000 حسب البطاقة اللي عندكم .

ياهلا فيج اختي ليمونة حزينة
انتي تسئلي اش هالحركات ... مع هد راح اجاوبج
في الفندق انتي مخيره تدفعي كاش او بالفيزا .. طبعا نفس الفيزا اللي حاجزه فيها و لازم يكون صاحب الفيزا معكم ادا كانت الفيزا مو باسمج ....
تحياتي

على فكرة تقدرون تدفعون كاش بس يفضل بالبطاقة ينخصم المبلغ احسن لكم ،، لان الكاش يفيدكم اكثر بالسفر خاصة السحب بالبطاقة من بنوكهم راح تكلفكم فائدة كبيرة

انا حجزت وتم خصم المبلغ على طول
والي فهمته انه لايوجود هناك اي اضافات اخرى
بس اطبع الحجز وعلى الفندق استلم غرفتك ...
الا اذا كان فيه علم ثاني لاتحرمونا وانا اخوكم
كل الود

انا حجزت بس بدون خصم مايخصم الا اذا تبقى على السفر يومين اعتقد يسحب فلوس الليله الاولى
اما بالنسبة للكاش او فيزا انتي مخيره هذا ام ذاك
بالنسبة للموقع ثقه أم لا انا حاجز منه جميع سفراتي و سفرات عائلتي منه حتى جيرانه كانوا يخلوني احجز لهم ههه

طيب ممكن مداخله ياصاحبة المووضوع لاهنتي ....
انا حجزت عدد 5 فنادق ببطاقة الفيزا ... لكن فندق واحد بس خصم المبلغ كامل ؟؟؟ وباقي الفنادق ليش ماخصمو .. والمبلغ موجود بالفيزا .. وطبعت برنت من بكونق يقول ان حجزك اوك !!!

يعطيكم العافيه لاني حجزت فنادق بموقع بوكينغ
ولكن في فنادق يتم الخصم منها عند الوصول وفي انخصم المبلغ
بس باجر بفيدكم اكثر خل اشيك على حجوزاتي
لاني استعجلت بصرف كل فلوسي دولارات
ونسيت موضوع الفنادق
يعني اللي في الفيزا كانو ا احتياط وكنت مخليتهم لدبي حق العيد على العموم انا بس حجزت فنادق بالفيزا
والطيران بالماستر وانخصمو وافتكيت
انا كنت حاطه في بالي اني ادفع كل الفنادق كاش
انزين محد فادنيعن شقه في بوكت يا الربع

اليكي في فنادق عند الحجز واختيار نوع الغرف يكون في ملاحظه انه يخصمون ومايردون الخصم او الخصم عند الوصول او في امكانك انك تكنسل الحجز

اختي على حسب الحجز , والبعض يعمل هولد فقط وعند عمل الجيك ان يتم سؤالج هل يخصمونها من الفيزا ام تريدين الدفع كاش ..
وايضا في الدبوزت , وانا اجوف ان الدبوزت تدفعين لهم كاش افضل بكثير لان عند الجيك اوت ستستلمين المبلغ كله وتستخدمينه في فندق اخر , اما حجز المبلغ بعض الفنادق يتطلب الامر يومين لارجاع المبلغ في الحساب ..