والله يا اخوي ما عندي علم ان الكويتيين يدخلون بالفيزا ؟ البحرينيين دخولهم مجانا لمدة شهر واعتقد الكويتيين واغلب دول الخليج ما عدا السعودية بسبب مشاكل دبلوماسية ،،
تأكد اخوي اول واذا طلبوا فيزا طلعها من سفارة تايلند بالكويت وما انصح من المطار حتى ما تتأخر
والجواز لازم تكون فيه صلاحية ما تقل عن 6 شهور او راح يرجعونك على اول طيارة وما راح تقدر تدخل تايلند ،، حول تجدده

هلا بلكويتي انا صراحه شكيت فيك قلت يمكن مو كويتي بس نكك والصوره تقول كويتي
الكويتي ماعليه فيزا جوازه واسطه ههه لا اضحك ماتطلع فيزا ولا شي اهم شي جدد جوازك اقل من 6 شهور ماتدخل لو ابوك الخرافي ههه انتبه جدد جوازك وعلى طول على المطار

يعطيكم العافية يا ولد البحرين و يابو العلمين الله يهداك اللي صار يسأل عن الفيزا صار مو كويتي ولا مزدوج
خلاص بجدد الجواز
بس الي عنده معلومات عن الفيزا
لا يقصر مو بس يقرى ويمشي

عادة يعطونها بالمطار
بس عن التأخير عادي
تقدر تاخذها من السفارة التايلندية من الكويت
انا مسويتها من قبل
احسن وعن التأخير
وعن الجواز
لازم التجديد
ما تطوف لو ما ادري شنو
القانون قانون عندهم
موفقين

الطلبات
تعبئة النموذج الخاص بالفيزا
صورة التذكرة والحجز
صورة الجواز
و 2 صورة شخصية
واعتقد بعد يوم تستلمها اذا ماكو زحمة

اخوي الكويتي احنا الخليجيين يوم انسافر لتاي ما يحتاج فيزا ((ما عدا السعوديين يقولون عندهم مشاكل ما اعرف كيف بصراحة ))
فبشر سير ونت مطمن بس بيعطونك فالطائرة ورقة البيانات وتعبيها ونتهاء الموضوع ما
يحتاج نسخة من بطاقة الهوية او الجواز او صورة شخصية الى اخر
ونت جية امورك طيبة
رحلة موفقة

الف شكر العاشوري
و للاخ قصة حب تايلندية
بس ماعرفنا احترت في فيزا ولا لا؟
عموما شكلي بروح من غير فيزا
وان طلبوا من عندي الفيزا سويتها هناك
واذا لا فلا
بس اجدد الجواز
واخذ كوبي للجوازات والتذكرة والصور
تحياتي

اخوى جدد جوازك اولا لأن ممنوع دخول تايلند اذا صلاحية جوزك اقل من ستة شهور . بنسبة للفيزة تحتاج فيزة من السفارة التايلندية اذا منت ناوى تقعد فى تايلند اكثر من شهر اذا اقل من شهر ما يحتاج انك تستخرج فيزة من السفارة الفيزة تأخذها فى دخولك عند جوازات المطار فى تايلند صالحة لمدة شهر ويمكنك تجديدها شهر اضافى من مركز جوزات بانكوك او اى مركز موجود خارج العاصمة وسعر تكلفة الفيزة 1900 بات اى من الافضل استخرج الفيزة من الكويت عن طريق السفارة التايلندية اذا كنت ناوى تقعد فى تايلند اكثر من شهر وهى مجانية صالحة لمدة 3 شهور ولكن صالحة لمدة شهرين عند دخول تايلند .

شكرا
east lover
عالمعلومات اتضحت الرؤية والمعلومة اذا اكثر من شهر احتاج لها واذا اقل من شهر بالمطار وطبعا رحلتي اقل من شهر
شكرا للجميع تحياتي