1. والحين القبول و الآي توني معي من كل المعهدين


2. هل السفارة بتسمح لي أقدم طلب الفيزا بثنين آي توني ؟؟

السلام عليكم ورحمة الله وبركاته ،،
أنا ناوي أدرس لغة في هالصيفية وعندي استفسار أتمنى ألقى جوابه عندكم ..
أنا في السعودية وأول مرة أروح لأمريكا ومابعد طلعت الفيزا
وناوي أقعد ست أسابيع في معهد EF في سان دييقو ابتداء من يوم 4 July
وأربع أسابيع أو خمس في فورت كولنز في معهد جامعة ولاية كولورادو ابتداء من يوم 15 Auguste

والحين القبول و الآي توني معي من كل المعهدين

هل السفارة بتسمح لي أقدم طلب الفيزا بثنين آي توني ؟؟

واذا السفارة بترفض هل تشوفون انه من الصواب اني أقدم بآي توني معهد EF وما أعلمهم عن سالفة كولورادو وأدرسها في الشهر الزيادة اللي يعطوني اياه بعد ماينتهي الكورس في الفيزا ؟ وهل هو مسموح أصلا اني ادرس في الشهر الزيادة هذا ؟
وهل الفيزا اقدر اروح بها أكثر من ولاية ولا ولاية وحدة بس ؟؟
وهل اقدر مبدئيا اني اقدم على المعهد الأول وهناك أمدد للمعهد الثاني ؟ وهل التمديد متاح وسهل وكيف طريقته؟
يعني ودي أعرف أفضل وأسلم طريقة اني ادرس في هالمعهدين، وياليت الله لا يهينكم تستعجلون علي لأنه مثل ما تخبرون الفيزا احيانا تتأخر ولا معي زيادة وقت ..
وأنا طالب في كلية علوم الحاسب وبدت اختباراتنا ولا يمديني أفر مكاتب الفيز أو أسأل السفارة ولا عندي الا أنتم ...
وأسأل الله أن يفرج عنكم كرب يوم القيامة ويوفقكم في الدنيا والآخرة