ياجماعة تراي مستعجل ..رحلتي الاربعاء
وش هالحالة المزرية

ابشر يانسناس الشمال
مع الغرابة في اسمك وموقعك
شمالي ومستعجل
ماتجي ابد
اعتقد انك الارعاء بتسافر للوالدة في اخر الشارع تسلم عليها وتقولها انك بتسافر بعد كم يوم
يا عليكم سعة صدر ماهي طبيعية
ياغالي
اذا كان السكن قد امن فالحمد لله والمنه له
بقي عليك المواصلات والاكل والنثريات والمشتريات
عن الاولى والثانية والثالثة اقول بانه يكفيك يوميا 100 ليرة تركية
وعن الاخيرة فالله اعلم... فهذا عائد لقناعات رفيق الدرب
عموما اخي الكريم
التعامل بالليرة التركية هو الافضل ومن فضل الله عليك انها هذه الايام واصله حدها في النزول
وممكن تاخذها من المدينة او مكه باقل من سعر الصرف الحقيقي لها
ومع النزول في سعر العملة ضلت الاسعار كما هي
فعلى سبيل المثال
كانت القطعة في محل نسائي ب 50 ليرة وكانت تساوي 160 ريال تقريبا تزود ريالين او تقل ريالين
والان القطعة نفسها ب 50 ليرة وتساوي تقريبا 100 ريال الى 110 ريال كاقصى حد
طريقتي الخاصة ونصيحتي هي
خذ ريالك معك واصرفه ليرة
عملية التبديل من الريال لعملة اخرى ثم التبديل الى ليرة تركية يفقدك جزء كبير من اموالك
والا اصرف الليرات ليرة ورى ليرة من هنا من مكه او المدينة
بالتوفيق
وشهر عسل مكرر موفق باذن الله

ههه لا غرابة ياخوي
يعني ترى الافضل اني اصرفها ليره تركية ومن هنا ؟؟
بالنسبة لكلامك اني اصرفها من مكة او المدينة ..انا من سكان الرياض وين اصرفها منه
وياليت بالتحديد الليره كم فيها ريال ؟؟
ياخي سمعت عن موجة الغلاا وحامت تسبدي
عملية التبديل من الريال لعملة اخرى ثم التبديل الى ليرة تركية يفقدك جزء كبير من اموالك
الله يجزاك خير على هالمعلومه ..كنت ناوي اخلي الجزء الاكبر من الصرف بالدولار
واشكرك على طولة بالك وسعة صدرك ..وياليت تفيدني باللي تبقى ..مع العلم ان اللي معي متوسط الصرف ..بالمشتريات وغيره ..ألزم ماعلينا سعة الصدر خ ..لهذا كم تتوقع الميزانية المناسبة

ايه صح ..وبالنسبة للفيزا ..اخذها من المطار هناك ؟؟ ولا ضروري من هنا ؟؟
لأني سمعت شيل وحط فيها ولا ادري صراحه

ابو النسانيس
اصرفها من البطحا بس تأكد كم تساوي
سم هذا رابط سهل يمكن تستفيد منه
والشكر موصول لصاحب السبق بتزويدنا به الاخ يمون-12 ابو باسل
http://www.star28.com/money-converter.php
واما الفيزة خذها من المطار وانت مغمض
واحذر تروح للسفارة بياخذون منك اكثر من 100 دولار للجواز وصور وبتجلس عندهم 3 ايام وبتعبي نموذج وشغله
ومن المطار 20 دولار وانت مستريح 5 دقايق
ألا مسألة وحده وهي بالنسبة للعملة الأفضل استعمالها في تركيا
انت تقول هذا الباقي مافهمته
وجاوبتك عليه
فوش تقصد بهذا الكلام
وياليت تفيدني باللي تبقى
واعتقد انك بتعيش برنس ب 10الاف ريال ولا تسألني عن ميزانية مشتريات وهدايا هذي مالها حسبه
الا اتفاق مع المدام انك تقولها فلوس الفيزا نخليها للتقضي والمشتريات وتفك عمرك اذا خلصت الفيزا خلصنا مشتريات
دمت بود

ممتاز ..عشر الآف معقوله
كل شي جاوبتني عليه الله يجزاك بالخير ويسخر لك ما ينفعك ولا يضرك
الحمدالله ريحتني نوعا ما ..بس هالموقع ماعرفت استخدمه حوسه ههه ابي اطلع العمله ولا قدرت
ألف شكر لك
صح ..بسألكم عن المرجان للسياحه ..كيف تعاملهم ؟؟ نصابين ولا لا ؟؟
انا رتبت معهم بنائا على المعلومات اللي مكتوبه هنا عنهم ..وردت علي وحده اسمها نيفين وادهرت معي وسهلت لي الصعاب ..هل تعاملهم جيد ؟؟ ولا خربوا من تالي ؟؟ ولا وش وضعهم
دمت بود
شكلك تبي تنهي الموضوع بهالكلمه ههه دمت بأحلى شي بهالدنيا
واعذروني جميعا على هالربش اللي سببته لكم

يعطيك الف عافية اخوي وماقصرت ..والله يسخر لك ماينفعك بدنياك ولا يضرك
كاتب رد ولا ادري وين رااح
ماعرفت للموقع حق تحويل العملة ..طلع لي ارقام خرافية ما ادري وش هي
دمت بود
اما دمت بود ههه عقبها كنك تقول لا عاد تسأل ابد
دمت بأحلى شي بهالدنيا

لا ياغالي
حياك الله وابشر بعزك
بالنسبة للموقع
مكتوب لك في الخانة الاولى 1
حطة 1000
والثاني الي تحته خله زي ماهو على العملة السعودية
والثالث
انزل الى ان تجد عملة تركيا وهي عملتين اختر الاولى
ثم اظغط الاختيار
اما عن شركة المرجان
فكثير يمدحونها وكثير يسبونها
وانت جرب معهم ليلة فقط
واذا ما عجبوك دور غيرهم
وانا شخصيا انصح بالحران بشرط ان تذكر له انك عن طريق موقعنا الموقر
دمت بذكر الودود
الى ان ترد علي وتعود

يمال العافية والله
بحاول اتذكر اسمه الحران وبذكر اسم المنتدى
طيب وآي ار تي او القنوات العربية هناك وشلون اشوفها ههه مبارة الهلال والاتحاد ودي اشوفها هناك
ترى عادي لو ماجاوبت لاني احس اني ضيقت صدرك