ماشاء الله من اول ماتطلعون من المنفذ الى مكه موجود لوحات على الطريق ..توضح الى اين وكم بقي..

حياك الله ونتشرف بخدمه ضيوف الرحمن ,,
فيه طريقين من الكويت لمكه المكرمه ,,
الاول من منفذ النويصب - الخفجي - الدمام - الرياض - محل الاحرام السيل الكبير- مكه المكرمه
هذا ميزته انك تمر الدمام وتستريح وتضبط امورك فيها وتمشي للرياض
وكذالك تريح بالرياض وتواصل وبعدها الله يعينك مسافه طويله لمكه حوالي 850 كم
انصحك تنام بالرياض وتمشي بعدها لمكه ولاتشيل هم للتوصيف الدقيق مره اللوحات كثيره
وامن الطرق والناس ماراح يقصرون يدلونك باي شي تبيه ...
والثاني من منفذ السالميه - حفر الباطن - الارطاويه - المجمعه - القصيم-- المدينه المنوره وتحرم منها
ثم -- مكه المكرمه وهذا ممتاز ومنها تمر المدينه المنوره ,,
ان شاء الله قدرت اساعدك وتروح وترد بالسلامه .. وتقبل الله طاعتك

أسأل الله أن يتمم لكم عمرتكم ..
ويتقبلها منكم ..

الله يجزاكم خير جميعاً
ولاحرمكم ربي أجر كلامكم الطيب
أخي (( مستر سلوم )) بارك الله فيك ولاحرمك ربي من أجر وصفك بمثل معتمر...إن شاء الله
ممكن توضيح وأنا أخوك ....
يعني أنا أطلع من النويصيب وكأني متجه للدمام ... قبل الدمام في لوحه أذكرها
تقول الرياض يمين أمشي معاها وأكمل السير لغاية ما أشوف لوحة مكة المكرمه ... (( صح ؟))
وأتبع اللوحات اللي تقول مكه لغاية ما أشوف لوحة (( السيل الكبير )) ..يعني المغاسل
طيب.
.
.
بعدها تكون فيه لوحه تقول مكه منا هنا؟
في إنتظار ردك بارك الله فيك

حياك الله اخوي وعمرة مقبولة انشالله
بعد ان تحرم في السيل الكبير تتجة باتجاة مكة حيث الطريق اساسا فية لوحات لمكة المشوار حدود 40 كم من السيل الى مكة المكرمة وخلك طوالي الى ان تصل الى الحرم

كذلك فيه طريق مختصر من الخفجي - راس مشعاب ثم تلف يسار متجه نحو قرية العلياء - فالرفيعه ثم رماح الرياض
طريق مختصر لكن حاول تمشي بالنهار وسيختصر عليك 400 كيلومتر بدلاُ من الذهاب للدمام ثم الاتجاه لمكه 1000 كلم
اسأل ومن سأل ما ضاع ولا تنسانا من دعائك

بارك الله فيكم وجزاكم خيراً على كل هذه التوضيحات
لاحرمكم ربي الأجر ... والله بأنكم سهلتوا علي الطريق سهل الله عليكم أموركم

أقولكم إلي يبغا يسافر من الدمام إلى مكة
الدمام إلى الرياض حوالي 450 كيلو وإذا تبغون إستراحة تعدو الرياض وتلاقون إي أستراحة والرياض وإلى
الطائف حوالي 720 أحسلك تمر من العقبة 100 كيلو إلى مكة وتكون لك رحلة موفقة

مساء الخير أخوي
إذا كنت ناوي تجي عن طريق الدمام مثل مافهمت من استفسارك الأخير
وتعرف الطريق من الدمام إلى الرياض تمام
الباقي سهل جدا جدا
وهو ياأخي الفاضل بعد ماتوصل الرياض بحفظ الله وسلامته إن شاء الله لا تلف لايمين ولا يسار خلك بدربك اللي هو امتداد طريق الدمام طبعا يسمى عندنا بالرياض ( الدائري الشمالي ) وعموما فيه شقق فندقية راائعة وبكثرة على يدك اليمين إذا حبيت تريح وهو الأفضل
لأن أمامك طريق طويل من الرياض إلى مكة 850 كيلو
الدائري الشمالي هذا فيه لوحات واضحة جدا لطريق مكة لأن طريق مكة متقاطع مع الدائري الشمالي يعني على طول إلى مايجيك طريق مكة
طبعا إذا مسكت طريق مكة على طول لايردك إلى لوحة السيل الكبير للإحرام تجيك على اليمين طبعا بعد 850 كيلو
عموما السفر برا ممتع جدا وآمن بشكل كبير ويوجد الكثير من محطات الوقود أكون دقيق معاك كل 40 كيلو راح تلاقي محطة
وأي استفسار أخوي الكريم كلنا حاضرين وبخدمتكم وراح أتواصل معاك على هذه الصفحة