نورة الشمري
28-05-2022 - 07:00 pm
انا مسافرة مع زوجي واولادي الاربعة وسمعت ان التكاسي في ماليزيا صغيرة فهل هذا صحيح؟وماذا عن سيارات الميني فان وهل تنصحوني باستئجارها وهل هناك ارقام تلفونات لوكالات تأجير او سائقين ممتازين وتكون اسعارهم معقولة,وماذا عن تكلفة التنقل بالسيارة من صن واي لاقون الى بينانغ ومن بينانغ الى جنتنغ ومن جنتنغ الى كوالالمبور وفي داخل هذه المدن تكفون يالربع ابغى الرد بسرعة لاني مسافرة يوم الثلاثاء القادم والله يعطيكم العافية
حياكِ الله اختي نورة الشمري وابشري بالخير
ولا تشيلين هم شيء وتراها كلها سهالة بأذن الله
تكاسيهم صحيح صغيرة ...مثل الكورولا واوسع شوي
هم يستخدمون صناعتهم واسمها بروتون (اسوارا) .
الله يعينكم في وسط البلد تأخذون 2 تاكسي او فان .
وعاد حسب الساعة او العداد .
بغيتي من كوالا لبينانغ ...
من بينانغ لجنتنغ ...
من جنتنغ لكوالا ...
حلها عندي وانا ادبر لك سيارة فان وسواق صديق
لي تحطونه على يمناكم واكون متابعكم لو بغيتم من
هنا بالاتصالات ولا كأننا مكتب سياحي
ممكن تقولين بكم يودينا خويك ياالشعيبي ؟
ارد عليك بكل قسوة وانا وش دراني
اقول لك كيف تجيبين الاسعار ...انتِ عارفة انه كثير
من جماعتنا توهم راجعين من هناك وفي ناس يراسلونا
ويدخلون المنتدى من ماليزيا فأنتِ الله يسلمك اسأليهم
هالسؤال وبعدها يردون عليك كم الاجرة .
والسعر الي يحطونه امشي عليه وان بغيتي تكاسري
الله يحييك ...ترى ولا ريال داخل جيبي وعساها سم
ان اخذت ريال ولكن ودي اتجمل معاكم ومعاه .
وان بغيتي صديقي وعجبك سعره تحددون فندقكم
ومتى بغيتم انه يجيكم وباليوم وبالدقيقة وبالساعة .
بغيتم انتم تتفقون مع بعض كان وبها ...بغيتم اكون
وسيط بينكم يشرفني لكن تعطوني حقي من دعاء صالح .
فكري فيها وشوفي كيف ...وعرضت هذه الفكرة على
اختنا ساره واخونا الوعيد .
اقول لك مندحين لاتشيلين هم شيء وترى منتدانا
بطران بأهله وناسه ولو بغيتي نوصلك لسلطان ماليزيا
وصلناك وترى ماليزيا لعبتنا اختي ونعجن بها عجن
موفقة اختي ورحلة سعيدة بأذن الله والسلام عليكم