نشر في الرياض

سؤال عن الحصاة بالقويعيه

امنيه اسافر

05-10-2022 - 01:07 pm

السلام عليكم ورحمة الله وبركاته...
انا ابغى اسئل كم تبعد الرياض عن منطقة الحصاة بالقويعيه
كم كيلوو تقريبا..
وهل يوجد في الحصاة كهرباء ويوجد ابراج جوال عندهم نت.
المهم هل يوجد سكن للمعلمات فيهاا
وهل فيه سيارت للمعلمات توصيل من الرياض للحصاة والا ما فيه .
اي معلومه عن هالمنطقه ياليت احد يفيدني..
والف شكر...

التعليقات (9)

ابن الأزد

05-10-2022 - 03:34 pm

أعانك الله يا أختي .. وحسبي الله على طريقة تعيين المعلمات !!
المسافة تزيد عن 200كم من الرياض إلى القويعية ..
إذا استطعتي السكن في القويعية والذهاب إلى هذه الهجرة يوميا فهذا هو الأفضل .. والله يعيننا ويعينك على قرارات التعيين !!

الاتصال السريع

05-10-2022 - 04:35 pm

القويعية تبعد عن الرياض 200 كم ، والحصاة تبعد عن القويعية تقريباً 150 كم ويوجد فيها ابراج جوال أما بالنسبة للانترنت ما اعتقد الدي اس ال يشتغل عندهم ومالك إلا الكونكت أن كان تبي نت، وبالنسبة للسواقين موجودين وبكثرة من الرياض - الحصاة .. أو من القويعية - الحصاة
اتمنى أني افدتك وأي سؤال حنا في الخدمة

ابن الأزد

05-10-2022 - 05:36 pm

الاتصال السريع
أختي الكريمة ..
انسي اقتراحي !! فالمسافة كبيرة بين القويعية والحصاة !!
والله المستعان !!

امنيه اسافر

05-10-2022 - 06:37 pm

الله المستعان وانا الضحيه في هالمشاوير
طيب ممكن احد يعطي شركة نقل من منطقة الرياض الى منطقة الحصاة وهل فيه احد يعرف بنات يرحو للمنطقه
هذي واضاوع اهلها كيف من جد خايفه
طيب ما تعرفو احد ساكن فيها هل فيه سكن للمدرسات..
الله يجزاكم خير اخواني

sihamad

05-10-2022 - 07:38 pm

من الرياض الى القويعية 160 كيلو ومن القويعية الى الحصاة حوالي 150 كيلو
والنقل متوفرين من الرياض ومن القويعية
الانترنت يا الجوال او موبايلي

الاتصال السريع

05-10-2022 - 08:39 pm

امنيه اسافر
هلا بك ، بالنسبة لشركة نقل مافية لكن فية ناس تسترزق واقترح عليك انك ما تقبلين بسواق بدون محرم ، أما بالنسبة لوضعك انصحك انك تروحين بالسيارة للحصاة أول يوم (وأعتبروها تمشية وتعرف على الديرة) وأول ما تطلعون مع كبري الحصاة أسئلوا وبتلقون من يدلكم وفي أول دوام بتحصلون كل اللي تبون من التعرف على الخدمات والسواقين الموجودين والزملاء كلهم , والله يعينكم

الاتصال السريع

05-10-2022 - 09:40 pm

sihamad
من المزاحمية للقويعية 160 ومن وسط الرياض للمزاحمية تقريباً 35 كم ، يعني من وسط الرياض للقويعية تقريباً 195 كم

المملوح

05-10-2022 - 10:41 pm

من الجسر املق لين القويعية 140 كم
من القويعية الى الحصاة 120 كم سيد واحد طبعا
الديرة ديرة قحاطين وهي تصلح للكشتة وفية نقل من القويعية الى الحصاة

امنيه اسافر

05-10-2022 - 11:42 pm

الاتصال السريع
الله يجزاك خير والله يعطيك العافيه..
مشكور اخوي ما قصررت
والف شكر للجميع
واي احد عنده معلومه اي شي عن هالمنطقه يكتبه هنا
واللي يعرف احد ينقل بالسياره من الرياض للحصاة لا يبخل علي
والف شكر..

الرياض المسافرون العرب

سؤال عن الحصاة بالقويعيه