وعليكم السلام
ويتجدد اللقاء بعد طول غياب ههه
التنقل بالقطار مريح جدا
اذا انتوا الاربعه كبار ومعاكم 4 شنط فالوضع عادي جدا
كل شخص يسحب شنطته ويركب بيها القطار
الشنط لها كبينه خاصه صغيره بين كل كبينتين كبار الي يكون فيها الكراسي
الشنط بتكون فوق بعض يعني اغراضج واغراض غيرج
القطار ما يفتح الا قبل الانطلاق بوقت قليل يمكن ربع ساعه او ثلث ساعه بس لانه في الغالب ما يكون موجود ( الا اذا كانت اول رحله بينطلق فيها ؟؟)
اهم شي تكونون عارفين كراسيكم في اي كبينه و على طول توقفون يمها
الافضل تكونون قبل مده في المحطه عشان من يوصل القطار توقفون في لكيو عشان تدخلون لانه يصير زحمه

ماقصر اخوي fanda
اي والله تجدد اللقاء انا اتمنى لك رحله ممتعه

مرحبا اختي اموركم طيبه ان شاء الله اذا كل واحد بشنطته
ونفس ماقالت اختي ام ريم
لازم تعرفين انتي بأي كبينه عشان تكون قريبه من القطار
والقطار الي ينتقل من دوله لدوله ينتظر فتره اطول لو كان قطار ينتقل من مدينه لأخرى داخل نفس الدوله
يعني تكونون بالمحطه على اقل تقدير قبل الرحله بنص ساعه
اذا دخلتو الكابينه الخاصه فيكم يوجد نفس الليوان يعني موزع بين الكباين هنا مكان الشنط وبعدها تجلسون في اماكنكم
بالنسبه للحجز يفضل تحجزين قبلها لاتحجزين بنفس اليوم لان من دوله لدوله يعني الاماكن تروح اسرع وعدد الرحلات اقل
وبعد لان السعر المنخفض يخلص وبعدها تنجبرون تحجزون بسعر اعلى
وفي رحلات دايركت من محطه Bruxelles-Midi في بروكسل
الى
محطه Marne la Vallée-Chessy الملاصقه لدزني لاند
موقع القطارات الهولندي
SNCB
https://www.b-europe.com/Travel/Promotions/Booking/BelgianRail?utm_source=belgianrail.be&utm_medium=referral%2B-%2Binternal&utm_content=&utm_campaign=QSM_BEEN&source=BMO&originUIC=008814001&destUIC=008711184&traveltype=OneWay&outbound=31/10/2014&inbound=
بالتوفيق

شكرا جميعا ..
احنا اربعه بينا طفل صغير ومن جذي متردده بسالفه القطار
قاعده احاول اقنعهم نأجر سياره بس خايفين من فكرة السواقه برا
وافكر بسالفه حجز سياره توصلنا بس كأنه اسعارهم وايد

الجو في ديسمبر ما احسه يناسب للسياقه خصوصا اذا مو مجربين من قبل
الطفل اذا شايل عمره ما في مشكله بس اذا في ترولي يعني زحمه زياده مع الشنط
انت اكثر وحده ممكن تقيمين وضعكم لانه ادرى بالي معاج حركتهم شلون ، شايلين روحهم او لا ، .....
انه سافرت من باريس الى بروكسل وبالعكس ومعاي اثنين يهال وشنطه كبيره وترولي ولدي وهاندباج ، انه كان مسؤوليتي اليهال أركبهم وزوجي تكفل بالشنط الوضع كلش عادي كان ما حسينا بربكه ولا تعب مع انه احنا وصلنا قبل لا يمشي القطار بدقائق بسيطه بس

اوكي
محطه paris nord
شلون اوصل لها ؟؟
او بالضبط وين موقعها

اذا بالمترو توصلينهم عن طريق خط رقم 5 او حط رقم 4
او rer b الازرق او d الأخضر
يعتمد على وين سكنكم
المحطة تبعد حوالي ثلث ساعه بالتاكسي من الشانز اذا ما في زحمه

..
ترحون للمحطه بالتاكسي افضل شيء
اذا معكم شنط وعفش ما يشيلها لك غير التاكسي
وابدا لا تخافي من فكره القطار
انا جربته من باريس الى بروكسيل وكان معنا 3 شنط ووحده صغيره
اول ما تدخلين من عربة القطار بتلقين على يسارك مكان للشنط
اهم شيء تكونوا عارفين رقم العربه وهو مكتوب على التذكره
وبمثل حالتنا حبينا نتاكد بس رحنا سالنا الموظفين اللي على قطارنا قبل ندخل ودلونا على عربتنا الصحيحه
واول ما تدخلين بيكون قدامك واحد بعد تقدرون تسالونه عن المقاعد وهالاشياء
ولو تجون قبلها بنص ساعه كافيه
عشان تشوفون قطاركم بيوقف بأي رصيف واذا فيه تاخير ولشيء تكونون موجودين من بدري وعارفين خلاص الوضع كيف

جربي باص بهبانيه
اذا ما تبين قطار ولا قيادة سيارة