انا مره اخذت تكسي خاص من بيز ووتر اللي يعتبر امتداد لشارع الاكسفورد والوقت مايقارب الساعه وكسور .. بس مب اكثر يعني مب ساعتين .. بس اهم شي مايكون الوقت وقت زحمة الشوارع .. اما عن التكسي العادي ما ادري كم بياخذ لاني دفعت مايقارب ال 50 جنيه للتكسي الخاص ..

مرحبا بيك أخوى مشعل و إن شاء الله توصل بالسلامة
المهم أكيد فى بديل للتاكسى تقدر تأخذ قطار من الجاتويك الى محطة فيكتوريا والتى تعتبر فى مركز لندن وقريب من شارع الأكسفورد أو الأجورد رود .
بخصوص سعر التذكرة من الجاتويك الى فيكتوريا 14 باوند بالنسبة للقطار السريع تقريبا 25 دقيقة مدة الرحلة ,
أما الاخرى 8 باوند توقف على 5 محطات قبل فيكتوريا زمن الرحلة حوالى 50 دقيقة.
وبعد ماتوصل تقدر بنفس التذكرة اللى موجوده عندك تذهب بها وتستخذم الاندرقروند تركب قطار الخط الاصفر ( سيركل لاين )يوصلك بالسلامة الى محطة الأجورد رود .

مرحبا اخوي
اقترح عليك تجرب باصات تابعه ل(easy jet) الشخص ب8 باوند ..حناجربناها الصيف الي فات من المطار لحد شارع اوكسفورد .. ومايحتاج اقول انها ارخص من التاكسي

فيه الباصات من قتوك حتى محطة فكتوريا ... ب 8 باوند ... وراجع ب 7 باوند
وفيه عندك القطار..
التاكسي مرة مرة غالية يأخذ عليك تقريباً من 700 إلى 900 ريال
يعني 100 باوند تقريباً.
أنا أنصحك بالقطار.
بالتوفيق
مع خالص احترامي