وعليكم السلام ورحمة الله وبركاته يا بن مرشد.
بالنسبة للاجراءات اللي تتبعها في دبي...فانت تعتبر راكب ترانزيت ...يعني احتمال انك تواصل بنفس الطائره اللي انته عليها بدون ما تنزل المطار...او انك تنزل المطار مع الركاب النازلين لدبي...بس انته تتجه لبولبة الترانزيت بدون تختيم الجواز..وتذهب بعد كذا لصالة المغادره الدوليه وتنتظر موعد اقلاع رحلتك.
طبعا اذا وصلت الى مطار كوالالمبور راح تنزل صاله وبعد كذا راح تركب قطار يوصلك لصالة الجوازات...تختم جوازك وبعد كذا...تذهب للجمارك ..ومن يوم يعرفون انك سعودي او خليجي...ماراح احد يفتشك...بالعكس راح يقلون لك تفضل بالسلامه.
اما مطار لنكاوي وبينانق فتعتبر مطارات داخلية يعني لا فيها لا تفتيش ولا تختيم جوازات....فقط اللهم تفتيش العفش عند المغادره وهذا مطبق في جميع انحاء العالم سواء على رحلات دوليه او داخليه...والتفتيش طبعا يتم على الجهاز.
صن واي لاقون تفتح الساعه 11 وتقفل الساعه 6 عصرا ما عدا ايام العطله الرسميه فتفتح الساعه 10 وتقفل الساعه 6 عصرا.
طبعا فيها سوق ضخم يضم ايضا سينما ضخمه وصالة تزلج.
بالنسبة لي انا ما اعجبتني الصن واي لاقون....وبطلت اروحها في اخر سفرياتي.
بالنسبة للمندرين بصراحه رائع جدا وقريب من ابراج البتروناس...يعني كعابي.