اخي الكريم
اذا طوكيو الى الان ماتسرب لها الاشعاع النووي ولاهدد السكان
فما بالك بسنغفورا اللي تبعد عنها بالاف الكيلو مترات !!
الوضع عادي وتوكل على الله
وقل
لن يصيبنا الا ماكتبه الله لنا
تحياتي

اخوي سترانجر مان
انا صارلي تقريبا اربعة اشهر اخطط على الروحة لليابان مع زوجي والحين لاحجزت ولاسويت ولاشيء والسبب خوفي من الاشعاعات
ماودي اكنسل فكرة السفر مثل ماصار معاي قبل سنتين لما ضخموا سالفة انفلونزا الخنازير
ولا ابي استهين بالاشعاعات واخاف صج انها خطر على صحة الانسان
بالاضافة ان عندهم قصور بالكهرباء والماء ومواد التغذية حاليا
اللي لاحظته ان التذاكر زاد سعرها والين ارتفع واسعار الفنادق ارتفعت ( وهذا عندهم زلزال!)
خطتنا راح تكون في طوكيو واوساكا وكيوتو
والسفرة بتكون في اخر شهر 6 لمدة اسبوعين
حسب خبرتك، شرايك استخير واحجز واتوكل على الله
ولا فعلا اشعاعاتهم خطرة ومن الاولى اني الغي فكرة السفرة

والله بما ان كوريآ بينها وبين اليابان نصف ساعه..
والحمدلله ماجاهم شئ..
توكل ع الله..
و لا تنسى ان كل هذا مكتوب لك من زمان..
لو يكون فيه تأثير في التسرب..
توكل ع الله لا تخاف..

^^
ودي اقنع نفسي بكوريا بس موقادرة
حتى الدول الاوروبية ماودي اروح لها هالمرة هذي
بخاطري اليابان ومحتارة شسوي
اكنسل الفكرة او استخير واتوكل على الله

purple.sky
اختي الى الان الزلازل مستمرة !!
انا من رايي انكم تأجلون فكرة السفر الى اليابان لان وضعهم مايسر
شوفو لكم دولة غير اليابان اذا مصممين تروحون بهالفترة
مثلا دول جنوب شرق اسيا
واذا ماتبونها حولو الى اوروبا
او امريكا !!
تراها ترضي جميع الخيارات وانا من محبينها صراحة

قدر الله وماشاء فعل
اخوي سترانجر مان : كان ودي اروح لاوروبا بس انا متعلقة باليابان حيل بسبب برنامج خواطر و تقاريركم
واحس اني مو متحمسة اسافر لاوروبا هذي السنة على الرغم ان اختي بتروح اوروبا وتحن علي اني اسافر معاها
كوريا: ما اعرف فيها شيء ولا اعتقد ان في وقت ارتب السفرة بالاضافة ان تذاكرها اغلى من اليابان ولا اعرف اي شيء ع الشعب الكوري ولا اعرف كلمة وحدة كورية امشي حالي فيها
باقي شرق اسيا ما اعتقد انه بنفس مستوى اليابان وكوريا وخصوصا اني رحت لتايلند العطلة اللي طافت ولا عجبتني نهائيا
كل شيء خيرة باذن الله

اختي purple.sky
انا بسافر في شهر 7 اليابان وهذي سادس مره اروح
توكلي على الله ما في شي ان شاء الله والاوضاع ممتازه للان
اولادي غير اليابان مايبون يروحين * وايد عاجبتهم ..
والله الي يروح اليابان ما راح يروح غيرها ،،،،،،،،
الي شفتوه في برنامج خواطر شيئ من لا شيئ

جزاك الله خير اخوي بدر
الحمدالله بعد الاستخارة ومتابعة الاخبار ومراسلة بعض المواقع اليابانية
حجزت الفنادق والتذاكر على نفس وقتك تقريبا على اخر شهر 6
حاولت اغير رايي وراي زوجي بس سبحان الله في خاطرنا نروح اليابان
استخرنا اكثر من مرة وتوكلنا وحجزنا على الخطوط الماليزية بس بتشغيل طيران الاتحاد
انزين اخوي ممكن استفسر منك بشغلات
اذا انا بروح من اوساكا لناغويا على القطار ، شلون احجز على نازومي؟
لازم قبلها باسبوع (طبعا هذي مستحيلة) ولا في مقاعد متوفرة بنفس اليوم للحجز الفوري؟
شنو الفرق بين المقاعد ال reserved و unreserved?