1. السلام عليكم جميعا وكل عام وانتم بخير يارب


2. اليوم الثاني الخميس


3. الجمعه

السلام عليكم جميعا وكل عام وانتم بخير يارب

في الحقيقه احب اشكر الجميع على كل مايبذلونه من جهود اتجاه المسافرين لسياحه من ارشادات ونصايح مهمه جدا قبل واثناء السفر واحب اوجه شكر خاص الى الاخ الفاضل همس العواطف ( ابو عبدالرحمن ) اللي سنحت لي الفرصه وان قابلته شخصيا في ازونجول والشهاده لله انه رجل مهما وصفته الى ان الكلمات تعجز ان تصفه كرم واخلاق وشهامه واحترام وتقدير فشكر له على جميع المعلومات اللتي وجهها لي وتري قهوتك والتمر حلوين يابو عبد الرحمن الله يسعدك ويوفقك يارب .ايضا شكر خاص الى عمدة ازونجول ابو عاصم وحظيت بأن كنت جاره في السكن الى ان غادر يعطيه ربي الف عافيه لوقفته معي في مواقف ما انساها له الله يوفقه يارب مهما تكلمت فلن اجزي حقه رجل طيب باخلاقه محب للخير ويكفي محبة سكان القريه جميعا لشخصه الله يطول في عمره ويحفظه واحب اقوله ترى رحت مره ثانيه لبحيرة السمك يوم الاحد ههه ولحالي ورجعت الحمد الله وكانت مغامره لن انساها بس ابو عبد الرحمن في موضوع اغراني بالبحيره والثلوج وقلت لازم اطلع واصور والحمد لله رحت صورت ورجعت .اعتذر عن هذي المقدمه ولكن شي في قلبي لهذا المنتدى واحببت ان اعبر فيه ..
عموما ياحبايبي ان رحلتي الاربعاء القادم حوصل اسطنبول 3:15 عصر مادري احس مايمدي اروح لمكان في النهار يادوب اوصل واسكن وتليل بتغرب الشمس فاخترت الاكوريوم بعد المغرب مدري متى يقفل او اذا تنصحون اروج جواهر مول اتمشي واتعشى وارجع ؟

اليوم الثاني الخميس

الساعه 9 الصباح اتوجه الى التلفريك واطلع مقهى بيرولتي وافطر وبعدها على تل العرايس واذا امكن زيارة ميني تورك في العوده احس مرهقه النشاطات بس منتظر توجيهكم اكيد لان يادوب ارجع السكن وارتب الشناط رحلتي الي ارض الوطن 12:54 صباحا السبت.

الجمعه

منطقة السلطان احمد طبعا زيارة حديقة جولهانا وصلاة الجمعه تكون بمسجد السلطان احمد وبعدها متحف ايه صوفيا وخاطري اروح الي صلي بازار في الكاديكوي اتمشي فيه وبعدها ارجع للسكن استعد للذهاب الي المطار احاول الساعه 9 اطلع للمطارمدري اذا فيه مجال اروح رحله للبسفور ؟؟؟
احس الوقت ضيق جدا للعلم احنا عايله 8 اشخاص كبار فما ابغى نتعب وطبعا انا عارف فيه معالم كثيره بس اخترت الانسب تقريبا مع تويجهاتكم اللي منتظرها ويعطيكم العافيه يارب