زيلامسي وميونخ

ALI_Q8_77

23-02-2022 - 05:29 pm

الفنادق ممتازه
الاماكن بزيلامسي مثيره ومنها
جبال كابرون الثلج .. الزحلاقيه الصيفيه بسالفدين .... قمة شمتين هويه .. شلالات كريميل ... بحيرة زيلامسي وسنترها وركوب القوارب .. تلفريك اكسبيرس بوسط زيلامسي ... قى قريبه مثل بادقستن وبادهوفستن .. مدينة سالزبورخ الجميله والتسوق بها ... ممكن زيارة انسبروك .. والخ
ميونخ المارينا بلاتز وشارع كارلز بلاتز للتسوق وشارع الماركات ماكسلمين ستراشا ... غارمش الرائعه ساعه من ميونخ .. الحديقه الاولمبيه .. الحديقه الانجليزيه .. وغيرها
تحياتي

~ كاس عسل ~

23-02-2022 - 06:30 pm

ماقصر الاخ المشرف علي كفى ووفي
بس انا اشوف 8 ايام وايد على زيلامسي .. ضبطي سفرتج على 5 ايام زيلامسي و 3 ايام خليها في سالزبورغ

الاربعاء

23-02-2022 - 07:31 pm

الفنادق ممتازه
الاماكن بزيلامسي مثيره ومنها
جبال كابرون الثلج .. الزحلاقيه الصيفيه بسالفدين .... قمة شمتين هويه .. شلالات كريميل ... بحيرة زيلامسي وسنترها وركوب القوارب .. تلفريك اكسبيرس بوسط زيلامسي ... قى قريبه مثل بادقستن وبادهوفستن .. مدينة سالزبورخ الجميله والتسوق بها ... ممكن زيارة انسبروك .. والخ
ميونخ المارينا بلاتز وشارع كارلز بلاتز للتسوق وشارع الماركات ماكسلمين ستراشا ... غارمش الرائعه ساعه من ميونخ .. الحديقه الاولمبيه .. الحديقه الانجليزيه .. وغيرها
صباح الخير على الجميع هل غارمش على الطريق بين زيلامسي وميونخ يعني لو انا طالع من زيلامسي امرها قبل الوصول الى ميونخ والا اطلع لها من ميونخ افضل 0

الجنيبي

23-02-2022 - 08:32 pm

مرحبا....
أنا كنت السنة الماضية في نفس الأماكن اللي تبغي تزوريها..ابشرك الفنادق ممتازة كثير اللي اخترتيها..وابغي انصحك في مطاعم تركيه جنب فندف المريديان روعة وهي قريب جدا من الفندق...اول ما تخرجي من بوابة الفندق خذي يمين وعند الزاوية اخذي يمين مرة ثانية بتمشي تقريبا 100 متر فيه مطعم تركي حلال وأكله روعه الصراحة ويسوي حتى معجنات فرش انصحك تاكلي فيه..
اما بخصوص زيلامسي فالمطاعم كثيرة ومتنوعة بس انتي اول ما تطلعين من الفندق بتلقي قدامك الفنادق منتشرة وكثيرة وما تضيع بس انصحك بالمطاعم اللي تسوي الأكل الايطالي مثل الاسباغتي والازانيا والبيتزا روعه الصراحة...
بس أهم شي تحاسبي على نفسك لأن الأكل مغري عندهم وإذا عطيتي نفسك اللي تبغيه لما بترجعي ما حد بيعرفك من الوزن الزائد
وبالتوفيق إن شاء الله
وعلى فكرة أنا نفس التاريخ بكون ايضا فالمريديان في ميونخ....

أم حمودي الحلو

23-02-2022 - 09:33 pm

ALI_Q8_77
مشكور

أم حمودي الحلو

23-02-2022 - 10:34 pm

~ كاس عسل ~
والله رأي بعد بتناقش مع أبو حمود أن شاء الله عاد يسمع وما
عاد أنا والله قلت له وايد على زيلامسي بس هو القصد من هالمده الاستمتاع بالطبيعه يعني ما يبي تسوق كلش بس ما بعد عرف أم حمود
ههه

أم حمودي الحلو

24-02-2022 - 12:36 am

ali_q8_77
شكرا على المرور وعلى المعلومات الحلوه

أم حمودي الحلو

24-02-2022 - 01:37 am

الجنيبي
جزاك الله خير على بس بعد الله يسامحك
وصف دقيق للمطاعم وتركي بعد وتبيني اسكر حلجي لا والف لا
شكرا على مرورك الله اسعدني

ميونيخ المسافرون العرب