1. السلام عليكم ورحمة الله وبركاته


2. المهم هذي الصورة توضح مكانه

السلام عليكم ورحمة الله وبركاته

هذا اول تقرير في المسافرون العرب وان شاء الله راح يعجبكم ويكون فاتحة خير علي عندكم
طبعا مدينة راس تنورة تبعد عن الدمام حوالي 45 كم وعن الجبيل حوالي 60 كم ... مدينة تعتبر صغيرة مقارنة بالدمام وعدد سكانها ماشاء الله يتجاوزون ال 45000 الف نسمة .... وتفتقر الى المطاعم الفخمة سواء بالديكور او جودة الاكل
وبعد زيارتي الى هذا المطعم اقدر اقول انه ان شاء الله هذي بداية الطريق الى تغيير جذري في نوعية المطاعم صحيح انه متوفر مطاعم كثيرة وبكل الأشكال والألوان ولكن كل شيء له زمانه ووقته
مطعم زاد
اقدر اقول انه الوحيد بهذا الديكور والجودة وبلا مبالغة فهو في نظري جمع جودة اكل المطاعم العالمية واسعار معقولة .. فهو في جودة المطعم المشهور كويزنوس ولكن الأسعار تعتبر النصف
طيب نبدأ بالصور لأن الكلام الطويل مامنه فايدة
هذي اللوحة اللي برى المطعم ويوضح فيها رقم المطعم

وهذي المطعم من برى ويوضح فيه صورة بعض الأكلات ولو ان السيارة مخربة شوي

وهذا المطعم من الداخل يوضح في الاخير جلسة الكوفي وتظهر في صورة ال مقهى 1882 فيرجنانو

وهذي صورة لديكور السقف اهني نفس على الصورة

وهذي الصورة لكراسي جلسة الكوفي ويظهر شعار الكوفي

وهذي صورة مكان تحضير الكوفي

وهذي صورة مقربة

وصورت لكم سيارتهم حقت توصيل الطلبات طبعا مجاني

وهذي صورة العمالة اللي في المحل

طبعا كانت زيارتي للمطعم مع ابو رغد وطلبت لي ترياكي تشكين وهو طلب سيزر تشيكن وهذي صورة الطلب مع ماونتن ديو
وهذا طلب الترياكي التشيكن

وهذي صورة مقربة يعني مسوي اغراء وابي اجوعكم

وهذا طلب خويي

وهذا بعد ماتم القضاء على كل شيء

فطلب خويي شاي اخضر

وكانت فاتورتنا وش زينها 24 ريال بدون البارد والشاهي
ولما كنت في المطعم جاء واحد من الربع وماشاء الله كان مسوي طلب الظاهر حق الجماعة كلهم
فاستأذنته علشان اصور فكان طالب له بروستد على ماتجهز طلباته وهذي صورة له

وطلب بعد صينيتين حفلات وهذي صورة لها

وهذي الصورة من فوق

وهذي بعد ماكمل الدور الثاني

طبعا هذا ماخلص منها وغطاها

وهذا بعد زيادة على طلبه ماشاء الله عليه
سلطات من نوعين نسيت اسمها بالظبط

وهذي الثانية

وهذي في النهاية الفاتورة .... احس اني قاط معاه من جد

طبعا المطعم يقدم وجبات سريعة ساندويتش على بروستد على شاورماعربي وبيتزا بالأضافة الكفي الصغير اللي معاه
بصراحة بحكم تجربتي اكثر من مرة فيه ومع بعض الزملاء او الأهل ... فتقييمي
ناحية الأكل 10 من 10
ومن ناحية النظافة 10 من 10
ومن ناحية الخدمة 9 من 10 فيه بعض الطبئ
ومن ناحية المكان 6 من 10
طبعا للي يجي راس تنورة ووده بمطعم حلو ونظيف انصحه وبقوة في هذا المطعم ويطلب وجبتي المفضلة ترياكي تشيكن ... هي نفسها اللي في كويزنوس اللهم فرق السعر !!! واللي عارف الطعم بيجرب ويشوف
وصف مكان المطعم :
حي الدانة
شارع الرجال او مايسمى شارع 49 له الآن اسم جديد للأسف ماحفظته

المهم هذي الصورة توضح مكانه

وهنا صورة الموقع اللي ماطلعت علشان اللي يبي يعرف الوصف طبعا ياخوان السهم اللي جاي من المدخل معناته اللي داخل رحيمة او راس تنورة " شارع الملك عبدالعزيز " بعد ثالث اشارة " يدخل يسار اللي هو شارع الملك عبدالله بعد ماتتعدى الاشارة الاولى تمشي عاد على الوصف اللي انا حاطه " اجس اني حستكم حوس "
وفي النهاية اقول اسمحوا لي على الاطالة ... والله اني تعبت وانا اكتب ولما سويت معاينة راح كل شيء وكتبته من جديد
واي استفسار انا حاضر لكم .. اخوكم ابو طلال