مرحبا اخوي
واكيد بنجاوب على كل استفساراتك انت تامر
بنسبة لخريطة والله ماعندي وماعرف واتمنى حد يساعدك بهشغلة
وبنسبة لفندق لافيلا انا الصراحه ماعرفه
ولاكن انا اعرف شقق السراج وكان عندي صديق من الكويت وحجز فيها وهي شقق حلوة والصراحه انا شفتها شخصياَ وسعرها حلو وهي في منطقة ام اغويلينة وهي في نهاية الكورنيش والمنطقة حلوة وقريبه من سوق واقف والستي سنتر ومتحف الفن الاسلامي ومن مجمع المول
وبنسبة للاماكن الي انصحك بزيارتها هي اكيد سوق واقف & ستي سنتر & مجمع فيلاجيو & مجمع الاند مارك & مجمع الحياة بلاز & مجمع الرويال بلازا
وتقدر اتزور فيلاجيو والحياة بلازا مع بعض بحكم قربهم وفي بعد حديقة سباير وهي تعتبر ممشى تقدر تنزل اشوي وتتمشى فيها
وبنسبه لسينما افضل شينما هي الستي سنتر بحكم عدد شاشاتها الي هي 14 شاشة وتقدر تاخذ البروشر واتحدد الفيلم الي تبي اتشوفه وبعد عندك سينما الرويال بلازا حلوة في الشكل ولاكن هي بس ثلاث قاعات يعني لازم اتكون ماخذ البروشر مالهمواتعرف وقت الفيلم عكس الستي سنتر الي ممكن اتحصال افلام وايد بحكم كثرة الشاشات هناك
وعندك متحف الف الاسلامي يستحق الزيارة وتقدر تاخذلك لفه على كورنيش الدوحه بلقوارب الصغيرة الي متواجده على الكورنيش
هاي تقريبا الاماكن الموجوده بدوحه
واي سؤال انا بلخدمه
واتمنى اني ساعدتك ولو بلقليل
وتحياتي

هلا بك اخوي
قل امين
اله يسعدك في الدنيا والاخرة
والله مدري كيف اشكرك
من جد اجابات وافية
ومااشاء الله عليك
جبتها
ان شاء الله بزور المولات كلها اما فيلاجيو
فاصلا انا جيتي خصيصا له
شفت صوره في النت
انجنيت عليه مرة حلو
والله يعطيك العافية
وان شاء الله احد يقدر يجيب لي خريطة
ومشكور للمرة الثانية
وعقبال ما افيدك باي شي لابغيت تجي الرياض

بنسبه الي الخريطه بتحصلها في مجمع الرويال بلازا في مكتب خدمات او ستقبال
في المجمع وعندهم الخريطه لكل مواقه وشوارع قطر بتفيدك كثير في تنقلاتك
وبنسبه الي الفنادق شوف الموقع هاذا بيفيدك في كثير بحكم اسعاره المخفضه
وتعدد الفنادق وممكن تشوف خليطه الفندق الي بتختاره
فندف . كوم http://www.fendeq.com/index.php
وبتوفيق أن شاء الله
وحاضريلك في كل استفسارك
ونصحك في سينمه الرويال بلازه هاذيه وحلوه ومافيها زعاج الستي سنتر فيها زعاج وزحمه شوي

ماراح اتضيعون ان شا الله
الدوحه كلها على بعضها نص الخبر

أختي الكريمة
أولاً حبتج العافية أن شاء الله
ثانياً بتنورون الدوحه وأهلها
ثالثاً الحمد الله الأخوان ماقصروا
رابعا ياليت تحددون تاريخ الوصول والعودة
وتحجزون عن طريق موقع الفندق نفسه بالنت
أو
موقع فندق كوم اللي ذكره أخوي قطر
واذا حددتم أبشري أن شاء الله
بكل خير
فالكم طيب يا أهل الرياض الغالين

مشكور اخوي qatar3333
اجل سيده ع رويال بلازا عشان الخريطة
اذا قدرت يالغالي تجيبها وتنزلها هنا اكون شاكرة لك

يسلم قلبك يالرايق
والله انا موتي قطر
احبها واحب اهلها

• *

يالغلا انا اقدر احجز بالنت وبالراحة
بس حابة اسال اذا احد قد جرب لافيلا ولافيلا بلاس
واي فندق حلو وسعره حلو لان فنادقكم مرة غالية بقطر
ومشكور اخوي ماقصرت

سفيرة كل القلوب
بالنسبة لي لا والله ماجربت
والمشكلة أن بوابتنا تندر من مواضيع الأعضاء
لكن أبشري باللي يرضيكم أن شاء الله بالنسبة للفنادق اللي ذكرتيها
قرروا متى الوصول بس
وأزهليها
فالكم طيب

سفيرة كل القلوب
مادري شقول بس وايد وايد احرجتني
يعني ماشاءالله عليك ومشكور على هدعوه الحلوة
الصراحه استحيت من هلحجي وايد ماقصرت ووالله فرحتني بهكلام
وان شاءالله اتروح وترجع بسلامه واتنور الدوحه بوجودك
وامانه اي شي تبي تستفسر عنه بس اشر واحنا بلخدمة
ولاتنسى اذا تقدر ح لنا تقريير برحلتك
والله يفرحك مثل مافرحتني
تحياتي لك