وعليكم السلام و رحمه الله و بركاته
يا هلا و سهلا
الوصول بيكون في محطة ميدي Midi
و في يوم بإمكانك زيارة ساحة Grand Place

و الشورارع المتفرعه منها و شارع التسوق نيو ستريت Rue Neuve

و الساحة فيها عدة متاحف مثل متحف الشوكلاته
و للوصول للساحة من محطة ميدي عليك التوجة لمحطة بورس Bourse خط واحد
بالاضافة إلى ذلك يمكنك زيارة معلم بروكسل المشهور الاتوميوم Atomium
مع العلم أنه يغلق في الساعة 6 مساءا

و بجانبة حديقة برو بارك BruPark اللي فيها معالم أوروبا المصغرة Mini Europe
مع العلم أنها تغلق في الخامسة مساءا

و الوصول لهم عن طريق التوجة لمحطة إيزل Heyzel

أيضا لو تحبون تقدرون تأخذون لفة في الباص السياحي لمدة ساعتين من محطة سنترل ستيشن
و أي استفسارات آخرى نحن في الخدمة
رحلة سعيدة

الف شكر لك
لكن محطه الوصول من فرنسا تكون عند
ساحه الجراند
وان كان لا كيف اصل
مع الشكر

المار
العفو أختي
الوصول بيكون في محطة ميدي Midi و للوصول للساحة عليكم التوجه لمحطة Bourse
خط واحد من محطة Midi إلى محطة Bourse و المدة المستغرقه تقريبا 5-7 دقائق
شوفي الخريطة الخطوط اللي في النص الملونة المحطة اللي تحت Gare du Midi
هي محطة الوصول وفي نفس المسار محطة Bourse المحطة الثالة من ميدي

بالتوفيق و رحلة سعيدة

هلا والله اختلي الريم
كيفك انا حاليا في بروكسل حبيت اسلم عليكم واقولكم الجو خيالي وبرد
ومره عجبتني ...
رحنا اليوم بالباص السياحي المهم وودانا الاوتوتيوم والميني يورب والساحه وهالاشياء
المهم انه ماودانا الباص اللي هو الحدائق الصينيه والمتحف الياباني وقصر ريدينس مع انه ضمن الخطه
هل لان احنا طولنا في ميني يورب او لسبب اخر
واحنا قاطعين التكت ليومين نقدر نروح بكره
ابغى اسال هلهم مهمين وفيهم شي يسوى ونروح لهم بكره ؟؟او اروح بروج وخلاص اتركهم
لان عندنا فرصه نرجع لهم بكره واذا مافيهم شي يسوي مانضيع وقت ؟؟
انتظر ردك >>>عسى تشوفينه اليوم يارب

نقاهه
هلا نقاهه
الحمدالله على السلامة
تتهنو يارب ورحلة سعيدة
بصراحة أنا الحدائق الصينيه والمتحف الياباني ما زرتهم
يعني ما أقدر أقولج إذا يستاهلون الزيارة أو لا
عندي إقتراح
إذا عندكم يوم ثاني و فرصة تزورون بروج مثلا بعد بكرة أو اللي بعدة
أستفيدوا من التذكرة و زورا الحدائق الصينيه والمتحف الياباني
وقصر ريدينس و أيضا هناك القصر الملكي إللي أمام حديقة بروكسل
و يعني زورا بالباص الاماكن اللي يروحلها و ما سنحت لكم الفرصة اليوم تزرونها
و باقي اليوم تسوقوا في شارع النيو ستريت و الساحة و الشوارع المتفرعة منها و متحف الشوكلاته
و بعد بكره إن شاءالله زورا بروج
أما إذا ما عندكم فرصة غير بكرة تزورن بروج أنصحج أتزورينها بكرة بدل الحدائق الصينيه والمتحف الياباني لأن بروج تستاهل الزيارة
رحلة سعيدة

LREEM@
هلا وغلا
الله يجزاك خير ياعمري
انا بقولك باقي عندنا ايام يعني اقدر اروح بروج يوم ثاني
ولكن محتاره اخاف ان الاماكن اللي ذكرتها لك ماننزل لها يعني يمكن نمر عليها مراره بس وانقهر
وعندي سؤال القصر الملكي ندخله والا بس نشوفه من برا؟؟
عالعموم بس بحاول ان شاء الله اني بروح الاماكن اللي ذكرتيها اليوم
وبكره اروح بروج
شكرا لك

نقاهه
يا هلا
حتى لو ما نزلتوا ما بتخسرون شي

و القصر الملكي نعم تقدورن تدخلونة و الدخول له مجاني و هو
أمام حديقة بروكسل التي تتميز بنفافورتيها الجميلتين عند مدخلي الحديقة الامامي و الخلفي
مشاركة مشرفتنا مزون حول القصر المكلي

نقاهه لا تنسين تذوقين الوافل البلجيكي الاصلي أهم شي
حتى البطاطا المقلية في بروج لذيذة أصل البطاطا المقلية هي بلجيكا
و أكيد الجوكلت بتلقين وايد محلات في بروج و بروكسل خصوصا عند الساحة
بالتوفيق و رحلة سعيدة