Huda-Swiss
09-03-2022 - 09:12 pm
السلام عليكم ورحمة الله وبركاته
راح زوجي الى ( يورب كار Europcar ) اللي بشارع الستين في الرياض عشان بيستأجر سيارة منهم وطلب منهم سيارة تكون
ديزل وقير اتوماتيكي لشخصين ولمدة 11 يوم وقالو له خلاص راح نحجز لك ارخص شي بالمواصفات اللي تبي بمبلغ 4600 ريال
من دون قيمة التأمين واستلام السيارة من مطار جنيف .
أولا : اي افضل استأجار السيارة من هنا او من هناك وإذا كان من هناك هل اضمن اننا نجد المواصفات اللي نبي .
ثانيا : هل المبلغ معقول او غالي وهل الفرق كبير لو استأجرنا من وسط المدينة ( ويا ليت الموقع او الاحداثية )
ثالثا : هل هذي الشركة زينة ومضمونة او تنصحوني اغيرها .
اخيرا : معنا الرخصة المحلية والدولية وبطاقة فيزا الراجحي ( محفورة ) وليست مطبوعة . هل يطلبون شي ثاني .
أنا اسفة كثرت عليكم الأسئلة بس وش اسوي ابي رحلتي تكون منظمة عشان ما اتهاوش مع زوجي
واشكر كل من كرس جهوده لخدمتنا ............. وشكرا
مبدئيا السعر غالي ، ومن خلال موقع الشركة تم الحصول على سعر 1611 ريال لمدة 11 يوم الاستلام من مطار جنيف القسم الفرنسي والتسليم كذلك شامل التأمين الاساسي.
وفيه معلومات اساسية لا بد من توفرها
1. تاريخ ومدة الاستئجار
2. نوع الفئة (اقتصادية - متوسطة - فارهة) ؟
3. مكان الاستلام والتسليم.
والشركة لا غبار على سمعتها وتعاملها
والمطلوب للاستئجار :
بطاقة ائتمانية محفورة + رخصة قيادة دولية ومحلية + جواز سفر لقائد السيارة