دائما متفائله
11-07-2022 - 01:42 am
السلام عليكم
والله ثم والله اني احب هالمنتدى .. لان فيه روح التعاون
الله يوفقكم انا وزوجي اول مره نجزم وننوي انسافر اوروبا
دايما شرق اسيا والدول العربيه
فقلت لزوجي ترى مافينا نقص عن العالم نبي نروح اوروبا
فقال اختاري الدوله وانا افكر بالموضوع
انا قلت له ابي اشوف سويسرا
الصراحه هو انهبل وقال سويسرا مره وحده !! ..
قلت له ايه وش فيها , ناقصنا يد والا رجل عن غيرنا
الحمدلله الماده وموجوده وبدل مانضيع الفلوس بشرق اسيا هالمره ودي نروح اوروبا
عاد انا بما اني دايما ادخل منتدى سويسرا واقرا مواضيع الناس عرفت من كلامكم ان سويسرا وفرنسا قراب لبعض
فقلت له وترانا على الدرب نبي نمر باريس ..
قال صادقه والا تستهبلين !! .. قلت صادقه وصادقه وصادقه
قال خليني افكر .. خليته كم يوم يفكر وبعدين جاء لي وقال خلاص اقتنعت لان نفس الصرفيه اللي نبي نصرفها بشرق اسيا نقدر نزيد عليها شئ بسيط ونروح اوروبا
كلم زوجي على مكتب سفريات .. وقال المكتب انت جب لي الاوراق الفلانيه وحدد لي الفنادق وتاريخ السفر وتعال اضبطك وان شاءالله كلها اسبوعين وحجزك يكون تمام التمام
عاد زوجي قال لي : المهتوي يقطع المستوي .. انا مالي خلق ابحث وادور
انتي دبري لنا برنامج حلو وانا ماعندي مشكله
عاد الحين الامر بيدي
فتقريبا لي اسبوع وانا احوس بهالقسم .. من موضوع لموضوع .. وحصلت على افكار بسيطه
لكن عرفت بعض من الاشياء الاساسيه .. واتمنى انكم اتشوفونها معي وتعطوني رايكم :
الرحله باذن الله راح تكون 15 يوم فعليه مع يومين الذهاب والاياب
5 أيام جنيف
5 أيام انترلاكن
5 أيام باريس
هذي المدن الرئيسيه اللي راح يكون فيها السكن باذن الله
سمعت كثير يمدحون (( مونترو - لوزان - انسي - فيفي - ايفيان )) هل اقدر اروح لهذي المدن بنفس اليوم وارجع ؟؟
ومن وين اروح لها ؟؟ وكيف ؟؟
الله يعافيكم .. ابي خطه سير كامله .. بأي مدينه ابدا ؟؟ ووين انتهي ؟؟
هل خطتي زينه والا لا ؟؟
باريس يكفيها خمس ايام ؟؟
ابي فنادق بهالمدن تكون حليوه ومكانها قريب لكل شئ وماتتعدى 500 ريال باليوم .. اقدر احصل والا لا ؟؟
مو لازم تكون 5 نجوم .. اهم شئ قريبه لمحطة القطار ونظيفه
وبعد الله لايهينكم
انا عجزت افهم للسويس باس ... قريت موضوع ابو عزيز بس مافهمت وشو المناسب هل هو :
السويس باس او سويس سيفير باس
هل هذي اقدر اخذها من المكتب ؟؟ اريح لنا عشان مانتلخبط بالمطار
الله لايهينكم لازم تعطوني جواب وتعطوني ارائكم .. لاني مااقدر اخطط تخطيط كامل الا بعد مااعرف خطتي هذي صح والا لا ؟؟؟
بليز لاتتأخرون علي بالرد
اول شيء حددي خط الطيران هل هو
الوصول باريس والمغادره جنيف او العكس
الوصول زيورخ والمغادره باريس او العكس
ثم حددي نوع المواصلات التي ستستخدمونها (انا افضل السياره ) لانه بناء عليها يتحدد السكن والبرنامج
ثم حددي العدد وهل معكم اطفال واعمارهم
ثم حددي نوعية السكن شقق او فنادق ومستواها
وان شاء الله الاعضاء ما يقصرون 00 بس خطوه خطوه