اهلا وسهلا يامعرسنا وحياك الله ..
مبروك مقدما ونتمنى لكم حياة سعيدة ان شاء الله
اولا : طول بالك .. باقي وقت على شهر 8
وتقدر تطلع على التقارير وتاخذ فكره عامه عن المدن وتختار منها اللي تحب
ثانيا : ماحددت لنا كم فترة سفرتكم ؟؟ وميزانية تقريبيه للرحله .. ومستوى الفنادق المطلوبه .. واذا فيه مدن في بالك ودك تزورها بتركيا .. او عالاقل تقولنا وش طبيعة المدن اللي ودك تقيم فيها ( ساحليه .. تاريخيه ومعالم اثريه .. تسوق .. طبيعه وشلالات )
ثالثا : انصحك تزور ( بالاضافة الى التقارير ) موضوع ( برامج مقترحه .. ) وهو مثبت بقسم الاستفسارات
وابدا لاتحتار .. عندك وقت وحنا معك بنجيبك على اي استفسار تطرحه وببنصحك وبنفيدك بالتنظيم وطريقة التنقلات والسكن وكل شي ,,
الاهم ان تكون سفرتكم حلوة و ذكرى لا تنسى
وبالتوفيق لكم ان شاء الله ..

اشكرك اختي
والله يبارك فيك
انا المده مادري كيف احددها لاني ماعرف تركيا يعني اذا مره راح يكون 15 يوم والميزانيه حدود 20 الف شامله التذاكر والفنادق والمصاريف ومادري تكفي او لا وطبيعه المدن ساحليه وطبيعيه وشلالات وتسوق ولا مانع ان وجد مدن افضل وبالنسبه الى الفنادق ابي افخم وارق فنادق ومادري وش تنصحوني فيه لاني ماعرف شي حتى عن اسعار التذاكر والفنادق والاماكن التي اود زيارتها ولكن هل انتم تنصحوني بتركيا ام في افضل منها
حفظكم الباري ..

اولا الف مبروك وعقبال الثانية
الاخت نجلاء وضحت بما فيه الكفاية وبالنسبة للمبلغ المذكور ممكن يكفي لكن اشوفك تريد افضل الفنادق والمطاعم وهذا طبعا يخليك تقصر المدة
من رأيي انك تكون في اسطنبول وماحولها وعندك تقرير الاخ ابو فراس (ولد جدة )في اسطنبول بالاسعار وكل مايخطر في بالك
بالتوفيق

ام شوف ياخوي ..
اذا كنت تبي ارقى الفنادق ف 20 الف ل 15 يوم مابتكفي مع التذاكر
ممكن تختار فنادق حلوه ومرتبه وتعتبر راقيه ( لكنها مو ارقى شي ) ولكن تناسب الميزانيه ( او ) انك تقلل فترة اقامتكم .. والخيار لكم طبعا ,, وانا افضل الخيار الاول
صراحه كان بودي انصحكم بأنطاليا جميلة وساحرة وتناسب العرسان وفيها طبيعة وشلالات ومنتجعات راقيه جدا .. لكنها في فصل الصيف تعتبر حاره نوعا ما .. يعني تصل درجة حرارتها الى 37 تقريبا مارأيكم ؟؟
انا زرتها في هذة الفنره .. بالنهار حارة نوعا ما وباليل فيه نسمات لطيفه لكنها مدينه ممتعه فعلا .. وممكن تطلع على بعض التقارير لاخذ فكره عنها ..
وهي طبعا تحتاج الى طيران داخلي ,,
وفي حالة ماحبيتوا الطيران الداخلي ممكن تتوزع رحلتكم مثل ماتفضل اخوي ابو احمد ( الهجره ) على اسطنبول وما حولها ( بورصة - يلوا - سابنجا .. )
طبعا المدن الساحليه عندك انطاليا وماحولها ( كيمر - الانيا - بودروم ... )

اشكركم جميعاً :
انا في الحقيقه اود ان اشكرك اختي نجلاء على تواضعك وردك لي في اسرع وقت وهذا ما ادهشني بعكس اغلب المنتديات التي لاتساوي هذا المنتدى العريق بمشرفين متميزين اصحاب الثقه لكي مني كل التقدير والاحترام
اما بالنسبة للفنادق اختار الخيار الأول ونتوكل على الله
والميزانيه راح اغيرها 20 الف ريال من غير التذاكر الاحتياط واجب واما بخصوص المدن مادام انطاليا في فتره الصيف حاره انا لا اود الذهاب لها لاني ارغب في اماكن بارده نوعا ما وبالنسبه لاسطنبول وماجاورها اذا بارد الجو يكون افضل وفي احد الاتراك يقولي تركيا تنقسم الى قسمين مدن في اسيا ومدن في اوروبا وطبعا اسيا ارخص لان اوروبا لانها تتعامل بالدولار ولا ادري مدى صحه هذا الخبر ،،،
لكم مني جزيل الشكر على ماتقدمون من جهد بالفعل جبار ولا يرحمكم من الاجر
أما فيما يخص كلام الاخ عقبال الثانيه ؟
خلينا الان ننتهي مع اللي ماخلصنا منها وتالي نشوف

1. ولاخذ معلومات عن اهم الاماكن السياحيه في اسطنبول تفضل :

ورود الوئام
اهلا وسهلا .. وحياك الله بأي وقت
ولا شكر على واجب اخوي .. ومثل ماذكرت لك من قبل .. اهم ماعندنا ان تكون رحلتكم حلوه وتستمتعون فيها بأذن الله ,,
وحنا والله مانبي الا الدعاء وهذا يكفي
ومنتدى العرب المسافرون في خدمتكم دائما ,,
طيب الحين بنستبعد انطاليا ..
وراح تتزوع الايام ( 15 يوم ) على اسطنبول واللي حولها :
4 ايام اسطنبول ( السكن في منطقة السلطان احمد )
4 ايام بورصه ( ومنها يوم او يومين الى يلوا بالسياره )
3 سابنجا ( او ) ابانت
4 ايام اسطنبول ( السكن في منطقة تقسيم )
وحتى توضح الصوره اكثر تفضل هذي الروابط :
https://artravelers.com/p/re/430435

ولاخذ معلومات عن اهم الاماكن السياحيه في اسطنبول تفضل :

https://artravelers.com/p/re/384418
وبالنسبة للفنادق .. انصحك بالبدايه تطلع على تقارير الاخوان لمعرفة تجاربهم بالسكن ... وكذلك تطلع على موقع بوكينج .. https://www.booking.com
وممكن تختار اكثر من فندق وحنا نساعدك بترشيح الافضل منها
وبالنسبة للكلام اللي قالك عليه الاخ التركي صحيح وللتوضيح بفهمك :
تركيا كلها تقع بالجزء الاسيوي ( عدا ) قسم صغير جدا من اسطنبول يقع في الجزء الاوروبي
وراح توضح الصوره اذا اطلعت على خريطة تركيا
يعني اسطنبول تنقسم لقسمين ( جزي في اسيا وجزء في اوروبا وهو الافضل ) لان اغلب المعالم التاريخيه والاثريه والمجمعات والفنادق والحدائق وغيره تقع في القسم الاوربي
اما القسم الاسيوي من اسطنبول فهو منطقة بزنس اكثر من انه سياحي ..
واهم مافيه :
منطقة كادي كوي .. بأسواقها وشوارعها التاريخيه الجميله والبسيطه واشهر مافيها حديقة ( فنار بخشه ) وبالون كادي كوي الطائر
شارع بغداد ( ويعتبر ضمن حدود منطقة كادي كوي ) وهو شارع جميل فيه العديد من الماركات العالميه والمقاهي ..
وكذلك تل العرائس ( شملجه ) رائع بالنهار وممكن اذا زرته تشوف قسم كبير جدا من اسطنبول الاسيويه ومنظر رائع لمضيق البسفور
قصر بيلار بيه .. وهو تحفة عثمانيه رائعه وجميله جدا .. تجتمع فيها الفخامه مع العراقه
هذا مايحضرني .. واتمنى اكون وضحت لك اللي تبغاه
واي استفسار يواجهك .. مستعدين نجاوبك عليه ,,,

طيب اللي يبي الطبيعه والشلالات ومايبي المتاحف والاثار كيف راح يكون جدوله
يعني انا ابي المتاحف بس مو بكثرة يعني وزوجتي تبي الطبيعه والشلالات وودنا باوزونجول لان شفنا صورها وانهبلنا عليها طيب كيف راح يكون الجدول ياليت تساعدوني اخواني والميزانيه ممكن تزيد عن 20 الف كيف بتقسمونها لي يعني اسطنبول ممكن كم يوم وبعدين رايكم اروح للمدن اللي فيها طبيعه كذا ممكن يكون خيار مناسب وسفرتنا باذن الله ممكن تكون بالصيف مع الاخ كاتب الموضوع معليش اخوي دخلت على موضوعك بس لان طلباتك نفس طلباتي وبنفس وقت سفرتي عشان كذا الفايده راح تكون للجميع والله يوفقنا بسفرة العمر اللي ماننساها ياليت اخواني ترتبولي جدول بالطلبات اللي قلتها وفي حاجه ثانيه سمعت ان تركيا بالصيف ماتنفع بسبب كثرة العرب والخليجين فيها هل هذا الكلام صحيح ؟؟

ابو فراس وفيصل
اهلا وسهلا فيك اخوي ...
تركيا جميله في كل الاوقات .. وراح تحبها وتنبسط فيها بأّذن الله
لكن ماوضحت لي كم راح تكون مدة اقامتكم ؟؟
وهل تفضلون المدن القريبه من بعض او لا مانع من اليران الداخلي ؟؟
بأنتظارك .. وحياك الله دائما

هلا اختي نجلاء تحياتي لكي
اشكرك اخي ابو فراس وحياك الله وسعدت بتواجدك معي بالهموضوع جدا جدا
انا مادري والله بس ابي طبيعه وفله وجو حلو هذا اللي ابيه مابي حر وقلق وابي منتجعات حلوه للمده المذكوره ولا مانع من الطيران الداخلي وان زادت التكلفه نوعا ما