للدرجة هذي السؤال صعب؟

ما ادري لكن سعر الطيران مناسب اما الفنادق فكأن اسعارها غاليه على الرغم ان هناك ما هو افضل منها بكثير واسعاره اقل مثلا في كوالا هناك فندق البرنس موقعه ممتاز وجديد و5 نجوم خذته العام ب245 بالفطور والفندق ممتاز وهناك الموتيارا اظن سعره حوالي 300 وفندف نيكو وهو فندق رائع جدا جنب البرجين انصح المتزوجين حديثا به سعره ب340
اما بينانغ فالهوليدي ان 400 واجد عليه وبالامكان التغيير لبارك رويال او موتيارا لكنه بعيد عن مجمع الفنادق لكنه فندق حلو
لنكاوي لا يسكن بغير شيراتون لنكاوي حيث الجو الرومانسي الرائع وبصراحه انا ما اسكن الا فيه ولا يضاهيه شي سوى بلانغي بيتش وشيراتون بردانا
وكل هذا وجهة نظر خاصه قابله للاخذ والرد

اعتقد انها خيارات متوسطه لكن سعر الهوليدي إن مرتفع اتوقع سعره بحدود ال 250
وبصراحه اعجبتني اجنحة التايمز سكوير بكوالالمبور وانصح المسافرين لماليزيا فيها وموقعها جميل تقع بالقرب من منطقة البوكيت بنتانج حيث يوجد بها ايضا مجمع تجاري ضخم ومطاعم ومدينه العاب وسينما ايضا

السلام عليكم ...
حياك الله أخوي K.F.U.P.M. ....
وآسفين على التأخير ...
في البداية الأسعار اللي ذكرت للفنادق مرتفعة جداً .. حتى مع إرتفاع الأسعار هالسنه أقدر أقولك هذي الأسعار زايدة حبتين ...
تعال نفك الطلاسم أول شي وبعدين نكمل .... البرنامج كما ذكرت يكون :
كوالا - فيدرال
لنكاوي - موتيارا بوراو باي
بينانق - هوليدي إن
ضواحي كوالا - بيراميد تاور وهو الفندق الجديد في صن واي لاقون ولصيق منتجع صن واي ( وهنا Jaya هي جزء من إسم المنطقة اللي موجود فيها صن واي لاقون وتكتب Petaling Jaya )
جنتنق - جنتنق ريزورت
كوالا - كوروس
رأيي :
فنادق كوالا اللي مختارينها ليست الخيار الأمثل وفيه أفضل منها وبنفس السعر تقريباً ... وخذ عندك
طبعاً أول يومين أرشح له فندق الخيول الذهبيه لو يقدر يزيد 100 على كل ليله من السعر اللي ذكر ... واذا ما يقدر ....
الأفضل يغير ليلتين بيراميد تاور يخليها أول ليلتين .... وهالليلتين اللي في الأخير يضيفها لأيام كوالا ..
فنادق كوالا الممتازة :
في شارع العرب :
ويستن - ماريوت - ريجنت
قريب من البرجين :
ماندرين أورينتال - شانقريلا - ريسنيسانس - نيكو
في لنكاوي : موتيارا بوراو باي
3 نجوم وخيار جيد للميزانيه المتوسطة ... واذا يقدر يبحبح الميزانية شوي يختار :
لنكاوي لاقون - شيراتون بيردانا أو مثل ما قال أخوي توفيق شيراتون لنكاوي
في بينانق :
هوليدي إن جيد ... ولكن فيه اللي بنفس سعره ويمكن أقل وأفضل منه مثل :
بارك رويال - باي فيو بيتش
بالتوفيق إن شاء الله

سمعوا كلام أبو ميسم ترى خبرته زينة وما راح تضيعون وانا متفق معاه في كل إختياراته

توفيق الصالح - هولاكو
ما قصرتوا وشكرا جزيلا على تعليقكم ومروركم
أخوي أبو ميسم
تراني قلت له كل الفنادق زينة وما عليها كلالالالام
لانه ماشي بكرا وما ودي اخرب عليه
بس جاء دوري الله يعينكم علي ابحجز هاليومين
وعندي طن فنادق خيارات قدامي ودي اختار منها
كوالا : ماندرين - ريجنت - استانا - ماريوت - ويستن

السلام عليكم ...
أزين ما سويت أخوي K.f.u.p.m. أنا لو داري إنه دافع ولا يمديه يغير كان خليت فيدرال أحسن فندق في كوالا ....
أمزح ترا لحد يصدق ....
نخش في موضوعك .... في البدايه بس أبي أعرف إنت رايح شهر عسل والا شباب والا انت والمدام ومعكم أطفال أو لا ... وبعدين كيف الميزانية
وكم يوم تبي الرحله .... لأن كل هالعوامل تأثر على إختيارات الفنادق ...
بس خلنا نكنسل كم فندق ... وش رأيك
وترا هذا رأيي الخاص يمكن الإخوان لهم رأي آخر ...
ريجنت و ماريوت وإستانا نلغيهم ونكتفي بويستن .... الموقع اذا عن شارع العرب أفضل من الريجنت وإستانا ونفس الماريوت ... بس يتميز عنهم كلهم بأنه جديد وأعلى في الفخامه ....
في بينانق :
نكنسل راساساينق لأنه مقفل للإصلاحات ... مع إنه كان خياري المفضل ...
في كاميرون :
لم ينجح أحد
خلك على إكوتوريال ......
يصير باقي عندك : ( المتأهلين لدور الأربعه )
في كوالا :
ماندرين - ويستن
ضواحي كوالا :
الخيول والصن واي
لنكاوي :
نفس الثلاثي المرعب .. الأخوان شيراتون و لنكاوي لاقون
بينانق :
موتيارا و بارك رويال ...
عطنا تفاصيل رحلتك ؟؟؟ وإن شاء الله نتدارس هالخيارات ونطلع بالأفضل والمناسب لك ...
تحيتي

أبو ميسم ما شاء الله عليك
شكلك متغدي بالمنتدى مثلي اليوم
الرحلة شبابية عدد 2 نفر
المدة 14 يوم فقط من الجمعة للجمعة
الميزانية توب ان شاء الله و الفنادق 5 نجوم فقط لا غير
مدري ليش متحمس للنكاوي كثير
عندي اسئلة ممكن اسدحهم أرضا؟
ودي بجت سكي وحركات , و طيران شراعي وين افضل مكان لهم
وفيه ولايه اسمها Perak
تطرق لها اخونا سمسم على هالرابط : https://artravelers.com
حسيت ان ودي اسير عليهم بس 14 يوم مدري وش بتكفي
وش رايك قلبت الطاولة عليك بكثرة الاسئلة؟
الله يعينك

وتراني ما حبيت سيلانجور وضواحي كوالا ولو كانوا الافضل
ما احب الهدوء بعيد عنك , اموت بشي اسمه زحمة
ولذلك افضل وسط كوالا قريبا من شارع العرب