1. طيب ياحبايب وش سالفة زبادي مثلج هذي


2. حاقلكم بس لازم اول اخلص قرقرة


3. وهنا اسمحو لي لازم سوي قرقر كتير

بسم الله الرحمن الرحيمتنبيه: اللي عنده شغل يروح يسويه ترى ماعندي غير قرقرة, واللي ماعنده شغل يروح يقرأ قرآن احسن له او يذكر الله ويستغفر

طيب ياحبايب وش سالفة زبادي مثلج هذي

حاقلكم بس لازم اول اخلص قرقرة

طيب خلاص السالفة ومافيها رحت استقبل الوالدة وبعلها من مطار جدة وبعد ما امتطينا صهوة شبحنا (مسكين الناس وصلت بانوراما وانت باقي عالشبح) سالتهم تغديتو قالو اكيد وهل يعقل ويصدق ويدخل الراس ان خطوطنا الشامخة شموخ البساس ماتغدينا خصوصا وان الرحلة ساعتين والوقت وقت غدا. قلتلهم والله وما قالت لكن ابشرو بالعوض قالو مانبغى نكلف عليك الا اذا بالقطة قلت معصي والله ان يموت واجبكم والغدا علي بس امرو, قالو اقرب واسرع شي عشان مانتاخر وباقي قدامنا طريق لمكة. قلت بسم الله واميل على مجمع العرب بما انه على الدرب. ونتوجه على توني روماس TONY ROMAS.

وهنا اسمحو لي لازم سوي قرقر كتير

بصراحة بعد خبرة في المطاعم الفاخرة والمطاعم ذات الطراز الامريكي مثل شلة شيليز وفرايديز وابل بيز وفدركرز .....الى اخر القائمة وبعد خبرة ايضا في مصادر المطاعم بحكم اني كنت صاحب كافتيريا سابقا وعملت مع بعض اصحاب المطاعم والبوفيهات المفتوحة وبعد خبرة اخي بحكم انه مراقب صحي وياما يحكينا ويورينا صور وفديو عن المطاعم والمخابز والبقايل ....الخ صار عندي شبه يقين ان الذوق عندنا انحرف بسبب الخداع الممنهج (والله فيلسوف كبير يابوعلي وليخسا الحاقدون) والمطبق علينا من قبل المطاعم. لازلت اتذكر احد الزملاء -لما كنا طلاب في الكلية الامنية- كان ماياكل ابدا اللحم المقدم لنا (مع العلم انه يذبح طازج) لو يموت فقلت له معاتبا يعني بالعربي الفصيح متتريقا مهزءا مشرشحا ياعيب يابوفلان الدلع هذا وانت ولد قبايل وجاي من الديرة عل الكلية دايركت وش بقيت لنا حنا عيال المدينة فاجاب مفجرا قنبلة لم تكن في البال ولا في الخاطر يابو علي حنا تربينا على غنمنا والله مانعرف غيرها وبطني مايستسيغ غير اللحم الطيب, تذكرت بعدها الوالد وانه ماياكل السواكني او البربري او الاسترالي واذا اضطر واكل الدجاج بطنه يوجعه ولا زلت اتذكر في مرة من المرات دخلنا مطعم شعبي في الديرة وطلبنا مقلقل والمطاعم الشعبية في الديرة لحمها طازج 100% وانا سميت بالله وضربت بالعشر فجاة الوالد وقف وقام يناظر اللحم ويقول حسبي الله عليه ماسمى الله على الذبيحة قلت يابو محمد اذكر الله كيف عرفت قال شوف اللحم اسود قلت والله انه ابيض من لحوم مطاعم مكة اللي تقول ان لحمها طازة قالي قم وحاسب العامل وما اكلنا. وبما ان الشي بالشي يذكر لعلي اذكر تقرير مشرفنا الكريم الاخ الفاضل فهد عن مطعم طيبات اليمن ووصفه للكبدة انها طازجة مع انها واضحة لي تماما ومن الصورة انها مثلجة ولاطبت الطزازة ولا حتى مرت من جنبها.
عودة للمطاعم الامريكية اذا رحتو لها مرة ثانية سوو اللي اقلكم عليه ولا تخدعكم المظاهر وراح تكتشفو بانفسكم.
1. لاحظ طزاجة الاكل راح تلاحظ ان الاكل مثلج او مبرد في احسن الاحوال.
2. في بعض الاحيان لو ركزت قد تكتشف ان الاكل مسخن في الميكرويف اقطع القطعة قبل اكلها وتامل ستجد ان قوام الداخل مختلف عن قوام الخارج مثل الوجبة البايتة لما تسخن.
3. كثير من الوجبات مصنعة وغير محضرة في المطعم حتى كثير من الصلصات ان لم يكن كلها كذلك.
هنا قرقر كلاس (خلاص)
نبدا بالمطعم: (التصوير كان ب GALAXY S)
صور عامة:

يتبع