اذا ميزانية كل شخص 4000 ريال فهي مناسبة من غير طيران دولي وفنادق ،،
اقترح الجدول التالي :
5 ايام بوكيت
4 بانكوك
الفنادق اللي ذكرتها مجهولة ! الفندق اسمه ناقص لان كلمة باتونق لحالها هذي تكون موجودة في اكثر من فندق لانها اسم منطقة في بوكيت اما الفندق الثاني اول مره اسمع فيه او يمكن انت غلطان بالاسم ،
سعر التذكرة ممتاز واعتقد هذا اقل سعر ممكن تلقاه وعلى العمانية الطيران مميز ووسائل الترفيه راح تنسيك مدة الرحلة كلها كم فلم توشفه وانت واصل بالاضافة للخدمة المميزة والاكل المنوع على الطائرة.
شوف تكلفة التاكسي متغيرة في بوكيت التاكسي مرتفع والتوك توك ايضا مرتفع ويساوي التاكسي لذا اذا سكنت في الباتونق بيتش تقدر تقضي مشاويرك مشيا على الاقدام فكل شي متوفر هناك ، اما الرحلات السياحية فهم يوفرون لك المواصلات من والى الفندق ،، اما بانكوك في عدة خيارات غير التاكسي مثلا القطار المعلق ارخص واسرع لك من زحمة الشوارع.
وبالنسبة لاضافة شانقماي او بتايا ،، لا انصح بذلك لان الوقت قصير الا اذا كنت ناوي تستغني عن بانكوك وتخليها مجرد منطقة عبور للمطار تقدر تروح بتايا بدلها ،،
الماركات من ساعات وشنط وملابس موجودة في كذا مكان مثلا في سوق البات بونق الليلي او سوق سوان لو الليلي واسواق شارع العرب ومجمع ام بي كي والسوق الصيني (تشاينا تاون ) طبعا كلها في بانكوك ،، اما بوكيت انصحك لا تشتري هناك خلها للوناسة فقط والرحلات لان السوق هناك غالي بكثير ،،

اهم نصيحة ابي انصحك
اذا كان جوازك لة كم شهر اوباقي سنة
جددة قبل لا تروح
عشان يكون معاك خمسة سنوات تقدر تسافر بدون خوف
وبعد خمسة سنوات اللة يحلها.
انا جوازي منتهي.لة ستة شهور ادور واسطة ما ني لاقي احد يجدد الجواز عشان فية فزت تايلند

يآ إخوآن رشحوآ لي فنآدق
في بآنكوك وبتآيآ وبوكيت ؟
وإبي نصآيحكم بإلفنآدق إلزينه وإللي موقعهآ في حركه وبركه ، مثل إلبآتونق بيتش
ونصآئح عآمة

في بوكيت :

• بامبوري
• توني ريسورت
• بوبا بالاس

بتايا:
جراند هوتيل ( يقع بالتحديد في شارع الولكينق ستريت الشعير )
بابونا بيتش فرونت
سباي ريسورت
في سي
بانكوك:
جراند ان
امباسدور
اماري بوليفارد

كم إسعآرهآ ، وكم نجمه ؟ إلله لآيهينك
وإلطيرآن إلدآخلي كم سعره وكيف إحصله وكيف إلحجز ؟
رحلتنآ رآح تكون 19 مآرس إلى 31 مآرس
ورآح تكون مقسمه على بآنكوك وبتآيآ وبوكيت
طيب إغلى تآيلند ، إو إندونيسيآ ؟

كل الفنادق اللي ذكرتها لك بين 3 و 4 نجوم
الطيران الداخلي تحجز له من النت ولازم عندك كرديت كارد ( ماستر او فيزا ) وراح يخصم منك مباشرة ،، اما السعر متفاون كل ما بكرت بالحجز قل السعر وكل ما تاخرت ارتفع ،، على العموم التذكرة للشخص الواحد ذهاب وعودة ( بانكوك - بوكيت - بانكوك ) تتراوح بين 400 الى 700 ريال .. واقل طيران سعرا ومن افضلهم هو اير اسيا ( http://www.airasia.com )
الحجز طبعا من موقعهم مباشرة اقل واذا بتحجز من كاتب سفر راح يطلع السعر اكثر ..

اخوي للمعلوميه منطقة بتايا تقريبا اخطر منطقه في تايلند .. افسد منطقه يعني .. لكن بالنسبه للمواصلات فيه دبابات تقدر تنقل فيها وكل مشاويرك عليه .. وبيطلع يوميته رخيصه مره ,, وبنفس الوقت ممتع جدا ...
لكن فيه مواقع لحجز الفنادق ,, وافضلها agoda
وموقع اخر..بوكنق ... ورحله سعيده

بخصوص إلبلآك بيري ؟
وإلنت في فألفنآدق ؟ مجآنآ ولآ إيه ؟
وإفضل شركآت إلأتصآلآت ؟ للمكآلمآت إلدولية للسعودية وإلمحليه في تآيلند ؟

افضل شركة اتصالات : 12call
اما بخصوص النت في الفنادق : النت يعتمد على نظام الفندق احيانا مجانا واحيانا تكون له اسعار منخفضة او باهضة حب الفندق وتنصيفه.
البلاك بيري : اعتقد تقدر تركب الخدمة من عند اي شركة اتصالات بسعر مناسب ..