REEM1985
07-11-2022 - 07:26 pm
بسم الله الرحمن الرحيم
اسعد الله ماسكم بالخير اخواني اخواتي اعضاء المنتدى العزيز
انا بصراحه متوتره ومتضايقه وكل شي لاني بطلع ماليزيا انا وامي واخوي الصغير
وامي موكله لي كل شي تقول احجزي وسوي كل شي
رحت لبعض الشركات السياحية في الرياض حصلت عروضهم نار تخيلو عرض 11 ليلة يقول بتذاكر السفر وفنادق 4 نجوم ب 28000
فقررت اسوي كل شي بنفسي بس اتردد اخاف ما عرف
حجز الطيران سهل بس باقي الطيران الداخلي و التنقل الداخلي وهل يحتاج سواق خاص ومن وين احصله وابي نصايح بالأماكن والفنادق النظيفة وكيف احجزها وكيف اتعامل اذا رحت هناك
وهل نحتاج سواق خاص لنا لمشاورينا او تكاسي تكفي
وكيف ارتب جدولنا لأني ابي اروح كوالا وسلانجور ووحدة من الجزر يا لنكاوي يا بيانغ وش احلى منهم وتنصحوني فيها
اختي الموضوع سهل ولا يحتاج لامكتب سياحي ولايحزنون
وان شاء الله نحنا معاكي وحده بوحده
افضل جدول بالنسبة لي
ليلتين سيلانجور
فندق سنوي لاقون او بيرميد تاور او امباير صوبانج او رومز هوتيل
الانتقال إلى بينانج بالباص
3 ليالي
فندق لون بين او جولدن ساندس او بارك رويال او هوليدي ان او بايفيو
الانتقال إلى لنكاوي بالعباره المائية
3 ليالي
فندق بيلانقي بيتش او فرنجي باني او كاسا دي لمار
الانتقال إلى كوالالمبور بطيران اير اسيا
3 ليالي
فندق ميليا او فورما او نوفيتيل او دورسيت رجينسي او تريدرس او رويال شولان
هذا الجدول على افتراض ان رحلتك 11 ليله
اي خدمه نحنا حاضرين
تحياتي