بالنسبة للنقاب ما فيه اي مشكلة !!
المشكلة في البيبي بيعطلكم كثير وبيتعبكم في الطائرة وماراح يخليكي تاخذي راحتك في اورلاندوا خاصتاص في الالعاب !!
الا اذا احد منكم مسكه هناك والاثنين الباقيين لعبوا !!
اتمنى لكم التوفيق

ويمكنكم البحث عن بعض الفنادق التي بها خدمه رعايه الاطفال او البحث عن day care مثل الاتية https://artravelers.com/p/re/358578
او اصطحاب ال baby باماكن تنقلكم ولا مشاكل بالنقاب ابدا , , , ,

مرحبا اختي..
انا بصراحه ما اشجعج تروحين حرام البيبي بيتبهدل في التنقلات...

إم .. أنا ما أفكر في ألعاب ووناسة
بمسك طفلي ما عندي مانع .. المهم ريلي يرضا ويستانس
أبا أسأل في المطارات ما يلعوزون في التفتيش؟!!

اختي ابي انصحج نصيحه ذهبيه ههه اذا كانت مدة السفر مب طويله خلي ولدج عند امج فيها الخير والبركه ههه و صدقيني ان جنة الاطفال منازلهم انا ولدي فعلا فقدته يوم رحت عنه المالديف و كانت رحلتي كلها 10 ايام وكان بعمر ولدج او اكبر منه بشهر بس توني رحت معاه قطر تجربة 5 ايام تجربة مريره مع ان معاي مربيته بس لابي اعابل الولد ولابي اعابل هالخدامه و المكان تغير عليه يومين ما نام على ما تعود على الفندق, قالولي السفر مع اليهال عذاب ما صدقت بس الحين ههه باروح امريكا و باخليه عند امي حوالي 25 يوم ههه لانها سفرة عمري وهو ما يفطن واصلا عقب ما وديته قطر تعلمت درس بالتجربه عمره ما ينقال بالكلام .. و الراي لج

red strawberry
رأي سديد والأطفال في السفر تعب, الأفضل يبقى عند جدته وهو في هالسن مايتذكر ولا يفطن وتعبه أقل (حليب + نوم :d لوول )
إستغلي الفرصة وروحي فلوريدا بها أماكن ألعاب ومجمعات وتسوق وطبيعة
بالتوفيق

اختي ودي ولدج وياج ما عندج مشكله ان شالله ... اصلا اليهال في هالعمر شو يبون غير التبديل و الرضعه و النوم ! بالعكس عاد امريكا موفرين اماكن للأمهات و اليهال وين ما تسيرين تلقين غرف الأطفال في المولات و الحدايق و غيره ... و متفهمين بشكل ما تتخيلينه .. إذا وقفتي في أي طابور حتى لو المطار راح يدخلونج أول وحده و يجدمونكم في كل شي بس عشان عندج ياهل في عربانه ... توكلي على الله و ان شالله تستانسون ...

شوفي ياعزيزتي ...اذا انتي تتحملين انك تحطين ولدك عند امك هذا جدا مريح و بتكونيين مطمئنه
واذا انتي من النوع الي بتروحين و ايدك علي قلبك بسبب ولدك لا خذيه معك لان الرحله بتروح كلها اتصالات و سوال عنه و ماراح تتهنين
و امريكا جدا مريحه بالتنقل و الطياره ماراح تتعبين لانه صغير جدا بيكون طول الرحله نايم اسم الله علي قلبه ....ومثل ما قالو لك بعض الاخوات كل حاجه موفره لك كا ام و للبيبي بعد في امريكا و لا اظن انك بتتعبين ابد و انا عشت في فلوريد سبع سنين حرام تجيك فرصه تزورينها و لا تستغليها ولايه جدا جميله و جوها جدا مناسب لك ولطفلك ... الا روحي واستانسي و نسي زوجك الله يسعدكم جميعن .....رحله موفقه .......
اختك بوكا2....

حبيبتي .. انا حاليا في واشنطن دي سي
ورحلتنا كانت قريبة من رحلتكم يعني اول شي رحنا اورلاندو ومعي بنتي وعمرها 7 شهور طبعا انا صعبانة علي اخليها شهرين فاخذتها معي والحمدلله اني اخذتها اريح لي بكثير , طبعا باورلاندو كنت ناوية اخليها عند حضانة وبحثت عن حضانة وكويسة وكل الامور تمام , بس لما رحت لاورلاندو تغير تفكيري تماما , لان الالعاب اصلا مخصصة للعوائل يعني للكبار والصغار بوقت واحد والحمدلله كان كل شي كويس وبالطيارة لاتخافين عطية دواء كحة وخليه ينام :d
هذي نصيحتي لك وعن تجربتي .. بس اذا بتاخذون الصغير معكم خوذي له ملابس جدا جدا خفيفة ..
لان الجو فيها حر .. انا رايحة لها قبل شهر ونص والجو جدا حار .. فخوذي له من البربتوزات الخفيفة ..
وبالتوفيق يارب ,,