- وصلنا لفندق Best Western Premier Hotel Royal Santina
بسم الله الرحمن الرحيم
السلام عليكم ورحمة الله وبركاته
اول شي اتقدم بجزيل الشكر لجميع اعضاء المنتدى خاصة اصحاب التقارير في البوابه الايطاليه والفرنسيه استفدت منهم كثير الله يعطيهم العافيه
ببدا تقريري بعون الله باستخراج التاشيره من السفاره الايطاليه
التاشيره كلفتني 450 ريال تقريبا وطلعتها شخصيا وعلى ما اعتقد ان تكلفتها لو طلعتهاا من مكتب سياحي بتكون مضاعفه
انصح الي ناوي يطلع تاشيره يطلعها بنفسه منها تجربه وخبره لك و تبي توفر نصف التكلفة
وما تاخذ منك اكثر من ربع ساعه ( بدون الطريق طبعا )
اول شي تحتاج تاخذ لك موعد في السفاره ( اصعب خطوه لان المواعيد تخلص اول ما ينزلونها )
الرابط لحجز المواعيد هنا http://www.ambriad.esteri.it/Ambasciata_Riad/Menu/In_linea_con_utente/Prenota_la_visita/
وشروط استخراج التاشيره من السفاره هنا http://www.esteri.it/visti/home_eng.asp
بعد ما سلمت الاوراق المطلوبه عطوني رقم وطلبوا مني اراجعهم بعد اسبوعين وجيت بعد اسبوعين ولقيت الجواز جاهز و معطيني التاشيره لمدة 6 أشهر
استخدمنا في الرحلة كاميرا cannon 30dx والمدام هي المصوره حقت الرحلة الله يسلم ايدينها
كانت الرحلة يوم الخميس 1 سبتمبر الساعة 09:30 صباحا بتوقيت المملكة على الخطوط الجوية العربية السعودية وكلفتني التذاكر 6400 ريال ( الرياض روما - باريس الرياض )
االحمدلله انطلقت الرحله على وقتها المحدد ووصلنا لمطار ليوناردو دي فينشي في روما الساعة 14:30 بتوقيت ايطاليا واستغرقت الرحلة خمس ساعات ونصف
كان التنظيم في مطار روما مهب ذاك الزود والجو في المطار حار , رحنا لمحطة القطار بالاستعانة بالوحات الارشادية وتوجهنا لمحطة التيرمني ( التذاكر ب 28 يورو للشخصين )
ياحبهم للكتابه على الجدران
وصلنا لمحطة التيرمني لكن للاسف طلعنا مع البوابة الخطاء , مفروض اننا طلعنا من البوابة الرئيسيه
شافنا ايطالي راعي تاكسي وحس اننا مضيعين عرض علينا يوصلنا لكن رفضت لان الفندق قريب وما قصر الرجال وصف لنا الله يعطيه العافيه
وصلنا لفندق Best Western Premier Hotel Royal Santina
وهذا الرابط
https://www.booking.com/hotel/it/hotel-royal-santina.ar.html?aid=1300939على بوكينق
الفندق جيد جدا اعطيه 8.2 من 10
موقعه ممتاز , نظيف , فطوره حليل ما عليه , لكن كالعاده في ايطاليا الرسبشين اخلاقهم لك عليها شوي
