هلا أخوي
بالنسبه للفندق عادي والغرف جدا عاديه انا أحلى شئ عجبني في الفندق اللوبي ولا الغرف لا تعليق يمكن يعجب غيري على العموم انا أشوف كثير ياخذون فيها يعني ممكن عاجبه نااس ونااس لا بس مو لدرجة انو الفندق سئ لا والله بس عاادي
موقع الفندق هادئ ويبعد عن الشانز حوالي ربع ساعه مشي بس انا كنت اوصل ب 10 دقايق مشي
في قدامه الكونكورد لافييت ويوجد فيه محلات وسوبر ماركت ومقهى نسيت اسمه وصيدليه
اما الأماكن الحلوه اللي تبون تزورونها كثيره على حسب انتم وش تميلون
يعني ممكن تزورون برج ايفل مع أخذ جوله في نهر السين
متحف اللوفر
قصر فرساي
الحي اللاتيني
منطقة المونمارت
ودزني لاند طبعا
عموما شوف الرابط هذا فيه أهم الأماكن اللي في باريس مع صورها
https://artravelers.com/p/re/170642

شكرا على النصحية بس هل تعتقد انه مناسب من حيث الامان ونظافة الغرف لان صاحب المكتب ينصح فيه واعطني ليلة مجانا انا راح اجلس خمس ايام

اهليين اخوي من ناحية الامان والنظافه ان شاء الله انو امان الاوتيل بس دايما احرص على السكن قريب من الشانز والكنكورد لان باريس مره متعبه بالمشي والباصات والميترو مو امان ابدن انا شخصيا انسرق مني مبلغ وقدره وكثيير غيري يعني انتبه لبوكك وحطه في شنطه جوا لبسك ونفس الشي المدام تنتبه لشنطتها وتاخذ شنطه الكروس اللي على جنب لكنها رغم ذلك مدينه رائعه والتسوق فيها يجنن والعضوه الرائعه عيني عليها بارده ردت لك رد يبرد القلب وراح تكون ان شاء الله سفرتك من احلى الذكريات لانو باريس ماله شبيه ولها جوها الخاص
hawa911

جنيفين شكرا على المرور الجميل وشكرا على النصحية الثمينة
اعتقد الفندق قريب من الشانز لانه مشي ربع ساعة واذا تعرف فندق اقرب بكثير ياليت تقول علية

لا من ناحية الأمان الفندق آمن ان شاءالله ومليان عرب وخليجيين
ونظيف
وتعقيبا على كلام جنيفين عن السرقه في المترو عموما المترو غير آمن من بعد 9 مساءا يعني الواحد يحاول يتجنبه بهالوقت وخاصة اذا كانوا عوائل وساعات الواحد يشوف مناظر غير لائقه
اختك paris 4ever

الله يجزاك الجنة ويرزقكم يارب شكرا لكم