السلام عليكم ورحمة الله وبركاته
أود أن أشكر كل من ساعدني في التخطيط لرحلتي إلى فرنسا+سويسرا
الحمدلله كانت الأمور كلها تمام بفضل من الله ثم من الأعضاء اللي عطوني آرائهم ومقترحاتهم
في البداية كانت رحلتنا لفرنسا لمدة 5 أيام
في فندق إسمه Rochester Hotel
وكان إختيار هذا الفندق عن طريق المكتب الفندق وايد قريب على الشانز بس مشكلة الفندق غرفة وايد صغير مع إنا حاجزين أكبر غرف ومع ذلك صغيرة
ثم من بعدها إلى سويسرا لوزان لمدة 4 أيام
كان السفر من فرنسا إلى سويسرا عن الطريق القطار وكانت الرحلة أكثر من رائعة
في سويسرا كان السكن في فندق موفينبيك وكان بترشيح من أحد الأعضاء وكان الفندق روعة وموقعة أكثر من رائع
أنصح بالسويس باس اللي عرضه أحد الأعضاء وفائدته بالفعل استفدت منه كثير في التنقلات يعني مب لازم أنتظر وأشتري التذكرة, التذكرة تكون جاهزة عندي
بس قبل لا تستخدمونها لازم تفعلون التذكرة وهذا يكون من محطة المترو اللي بتتنقلون منها ولازم يكون معاكم كل الجوازات للناس الموجوده في التذاكر عشان التفعيل
بس حبيت أنوه اللي من الإمارات تقدرون تشترونها من
الرستماني للسفر والسياحة في دبي
في موظفة إسمها ((أمل)) هي مسؤولية عن هالشي
ومب لازم تروحون لين عندها إذا ما كنتو من دبي هي توصللكم التذكرة لين المدينة اللي إنتو فيها
بس تحولولها المبلغ أول شي
وأخيرا وليس بأخير أقدم شكري مرة أخرى لكل ما شاركني وقدم لي النصائح
بحاول إن شاء الله أنزل صور رحلتي
إلى لقاء آخر