- لها يمشون معاي على حسب المزاج
- وردينا للكويت
- ملاحظات :
السلام عليكم ورحمة الله وبركاته .. تحياتي لاخواني في هالمنتدى وخصوصآ الاعضاء بوابة المغرب
رحله لم تكتمل هو عنوان رحلتي
الفكره .
راودتني الفكره قبل شهر رمضان المبارك بالسفر الى المغرب من جديد وقلبتها شمال ويمين
وقررت في بداية الشهر انه يكون العيد عيدين بالمغرب .. وبالفعل حجزت اول الشهر الكريم
واتفقت مع بعض الاصدقاء على انه نعيد هناك ... انا اخترت اني اعيد اول يوم بين الاهل وثاني يوم
امشي واثنين من ربعي قرروا انهم يطيرون قبل العيد بيومين تقريبآ .. وأتفقنا اني ألحقهم
ربعي من رابطة محبين الرباط وأنا من رابطة محبين أغادير
زرت المغرب كثير... وكانت زيارتي بالتخصص اغادير ... اسافر وانزل مطار كازا ...حتى كازا اشوفها
من ورا الجام ( زجاج ) المطار وانا انتظر رحلتي الداخليه الى اغادير الهنا والسعاده .
وأتفقت معهم أني اقضي خمس ايام في الرباط وأسير ألى محبوبتي أغادير وأذا كانو يبون مخواتي
لها يمشون معاي على حسب المزاج
حجزت على الطيران المفضل لدي وهو
وكذلك كان توقيت الرحله مناسب جدآ لنا محبين المغرب بالكويت حيث برنامج الرحله كالتالي
3.45 الفجر اقلاع بتوقيت الكويت والوصول الى دبي صباحآ6.10 والاقلاع الى كازا 7.50 صباحآ
واخترت تاريخ 24/10/ 2006 موعد اقلاع الرحله الى المغرب على ان تكون العوده بتاريخ 4/11/2006
كتاريخ عوده أولي .... لأني كنت ناوي أني اجلس اكثر من أسبوعين .
وجلست شهر رمضان كله افكر واخطط وأنظم واحلام شغاله 24 ساعه ومتى يمر الوقت
اللي اعتقد انه وقف .... وأخيرآ وصل يوم
24/10
واقلعنا على جناح الأمارتيه بتجاه المغرب ... ويازين ممشى الارض لو هي مسافات
ما احب ركوب الطيارات اكلت:36_11_15: عشرين حبه بندول نايت عشان انام بسبب
الخوف من الطيارات بس ما نمت الا يمكن ساعه ونصه مجزئه الى الف جزء .
وصلنا بحفظ الله ورعايته الى كازا الساعه 12 وشوي تقريبآ
قبل لا اسافر قلت حق ربعي اب تاكسي ينطرني علشان انا ما اعرف مكان الفيله
وهم يقلون ليش نخلي واحد ينطرك انت من تنزل على طول اخذ تاكسي من المطار وتعال
وتتصل علينا وهواش انا وياهم المهم قالوا تاخذ التاكسي وتقوله حي الرياض وتروح عند
اسواق أسيما ومن تاصلها تتصل علينا ... وانا كنت اخاف يكونون وقتها نايمين .
اخذت تاكسي من المطار اب 650 درهم وطيران الى الرباط
ما وقفنا الا في هالمحطه على السريع سوبرماركت : 
وصلنا الرباط وعلى طول الى اسواق أسيما بحي الرياض اللي قالو ربعي فليلتنا عنها حذفة عصا
وحدس مالم يكن بالكسبان ...... اتصل عليهم بالجوال مره يدق محد يشيله والثاني الجهاز مغلق
وادق 25 الف مره واللي كان يدق صار جهازه مغلق .. الحبابيب بسابع عشر نومه .
وانا والتاكسي نفتر حول اسواق أسيما .... حاولت اكثر من ساعه الا ربع ولكن لاحياة لمن تنادي
أخر شي طفرت وقلت للتاكسي ودني لفندق اي فندق قال نروح الى فندق هيلتون الرباط
قلت ودني دخيلك تعبت وخست روح .... للهيلتون .
ووصلنا الفندق ولله الحمد .. وانزل اسئل عن اسعارهم واخذت غرفه بدون افطار اب 1500 درهم
سعرهم غالي ... بس الفندق فخم وكبير جدآ
وريحت بالفندق ونمنا شوي وبعد صلاة المغرب ألا الدلوخ ربعي يتصلون علي واكلمهم وهواش ووكل واحد
يحط العذر على الثاني .... المهم اتفقت معاهم يجون للفندق بعد ساعه او اكثر ويزفونيمن الفندق
الى الفيلا .... وأطلع من الفندق واروح معاهم للفيلا ...اللي انصدمت منها .. فيلا عاديه جدآ
واول يوم لكنت منتهي مره وتعشينا وتمشينا ومر اول يوم بصدمة الفيلا التعيسه
ثاني يوم الجو واعر بالزاف غيم ومطر وبراد ... واتكلم معاهم على اساس تغير الفيلا
واتفقنا على تغيرها بمجر وصول صاحبنا الرابع اللي يصل في اليوم الثالث
بس يا اخواني .... الشوق والحب للمغرب ما هو هذاك الشوق والحب
والنفسيه شوي لكم عليها رحنا افترينا في شارع اسمه اكدال حسب ما اعتقد اللي فيه القهاوي
ما اذكر الا القهوه الصفراء والمطعم الشامي اعتقد .... بس هم في شي فيني مو مضبوط :118:
واقعد الى اليوم الثالث ووصل صاحبنا الرابع وطلعنا من فيلتنا التعيسه ورحنا ألى فيلا رائعه جدآ
صالات عديده في الدور الارضي سرداب ساقط وثلاث غرف نوم وثلاث حمامات وحديقه كبيره ومسبح
والدور الاول غرفتين وحمام والدور الثاني غرفتين وحمام ... فيلا واعره جدآ وسعره حلو
بالاضافه الى عسس اثنين وشغالتين بسعر 3500 درهم ... احد الاخوان الكويتيين المقيمين في المغرب
اتصلنا عيه نسأله عن السعر قال اخذوها وانتو مغمضين لانه في ناس اخذوها في السابق اعتقد بالصيف
دبل هالسعر . المهم اخذناها وكملنا يومنا الثالث ولكن وقلت يمكن احوال النفسيه تتعدل مع الفيلا
ومع اول ليله في فيلة الاحلام تلقيت اتصال من الكويت من واحد دعله وخبرني بخبر سييء ومحزن
عن احد الاصدقاء .. كتمت شوي ... وقعدت فتره .. يمكن انسى شوي .
ويدش علي اليوم الرابع .... والنفسيه مره خربانه ... وطقطقت في مخي العوده الكويت
ونطلع ونفتر مني مناك ... ونمر سوق مرجان ونتقضى ونرد الفيلا
والحاله النفسيه لا تزال تعبانه .... والله يا اخوان بغض النظر عن الخبر اللي وصلني .. بس استغربت
من نفسي اي ليش ... مو هاذي المغرب اللى كنت تهلوس فيها ... شالسالفه ... الله اعلم
اليوم الخامس صحيت الصبح ... قلت خلاص ما اقدر ..واروح حق واحد من الربع ابي اقوله انا
ماشي للكويت بروح المطار ... واقعد فيه واقعد فيه بس الشباب رايح بسابع نومه ... واقعد شوي
وارد وانام واصحى واكمل اليوم الخامس يالله .. وامسكهم واقولهم انا ماشي باجر للكويت
ويحاولون فيني منا ومنا ...قالوا نروح اغادير ونروح طنجا ... قلت لهم لا تحاولون انا عندي شغل
ضروري جدآ ولازم ارد للكويت ...وأنا كان باستطاعتي اني اطير لأغادير محبوبتي .. بس تضايقت مره
وخفت انه تكمل معاي بعد في اغادير .
وفي صباح اليوم السادس ... جمعت اغراضي وطلبت التاكسي ... واروح لمطار كازا رغم اني على حجزي
القديم وقلت يحلها ربك بالمطار وتحصل لك مكان لو على جناح الطياره تعلق
واراجع مكتب الامارتيه .. وقالي انا اطيرك الى دبي وانت دبر نفسك هناك من دبي الى الكويت
قلت طيرني بس وانا هناك افك نفسي ... واطير ولله الحمد
وردينا للكويت
ملاحظات :
- الرباط ديره واعره بالزاف صادفتنا الغيوم والمطر يمكن يومين والجو كان واعر بالزاف بس اخر يوم من الرحله كان الجو حار شوي
- هل هناك صار معاه اللي معاه ... تكره الديره لله فالله كده ...وانت تموت فيها
- حتى التصوير اول ما وصلت صورت وبعدين مالي خلق مره ويالله اخذت لي كم صوره
- ان شاء الله راح احط صور عن فندق هيلتون الرباط .. وبعض الصور عن الفيلا
- الرحله كانت المفروض اكثر من اسبوعين ..تقلصت الى 5 ايام وفي اليوم السادس شردنا
وشكرآ
وانت مقبل على الفندق بالتكسي تستقبلك هالنافوره
...
..... .........
....