Lana_vv
22-05-2022 - 06:18 pm
السلام عليكم
بصراحه انبهرت بالمنتدى ومافيه من معلومات مفيده وقيمه اللي مستحيل القاها عن اي احد
انا انشالله ناويه اروح باريس في الصيف ودخلت اشوف الاماكن واستفدت وعرفت الاماكن الكويسه ولكن تشربكت عندي من كثرها ماعرفت اميز واختار
وماقدرت اميز الاسامي عن بعض .. لان مايحفظها ويعرفها الواحد الا اذا راحلها وشافها بعدها يتعود عليها
حبيت استفسر اذا سمحتو عن افضل الاماكن الموجوده يعني انا بروح 5 ايام وابي احلل الايام كلها
يعني ماابي تجي حالة اللي نتوهق ماندري وين نروح وبالاخير نروح نتعشى ونرجع الفندق
وبالنسبه لابو فواز وابو مالك صراحه تقاريركم ولا اروع
بس ياليت تقولونلي شخصيا الاشياء الحلوه اللي تستاهل
وبرضو ابي الاسواق الحلوه والاوت لت !!!!!!!!!!!!
وبالنسه لابو فواز قريتلك رد في احد المواضيع ماشالله كان فيه اغلب الاشياء اللي في باريس لكن في بعضها ماعرفت ايش هي او شي تكون,, ووين أماكنها ... مثل :
البورت مايو ومقاهية
قهوة كريستال معقل المثقفين العرب
قهوة مونت كريستو
مقاهي الريفولي
الفال دي يورب
الروبيبليك
الشاتلية
لي هال
اليزبونا شحاتة الفوكيت
الريف الفرنسي
قرية مسقط رأس نابليون
سان دونيية
بلفييل
المونمارت
سان لازار
ياليت اذا ماعليك امر تقولي وين موجوده وكيف اوصل لها
ومره شكرا واسفه على الاطااله
https://artravelers.com/p/re/360287
اهم الاسواق في باريس الجالاري لا فاييت ، و الاوت لت للماركات المخفضة ، و شارع هوسمان و مونتين للماركات ..
المونمارتر هضبة منها تشوفين كل باريس .. و عندها حي الرسامين .. كله رسامين يعرضون لوحهم ، و ممكن يرسمونك رسم عادي او كاريكاتيري ..
هذا المكان المفضل عندي و لازم ازوره كل ما رحت باريس .. و فيه مطاعم كثير و مقاهي حول الرسامين و بينهم .. و فيه استعراضات ، و حوله محلات رخيصة ..