ام كوكه
13-11-2022 - 09:24 pm
السلام عليكم
اخواني واخواتي
انا بصراحه اخطط لسفر العمر بالنسبه لي اذا الله احياني
بعد الحن والرنه مع السي سيد وافق على السفر ولكن اشطرت ان الوجه تكون
ماليزيا
عندي اساله كثيره وابي الاجابات الشافيه لها
وسامحوني مرات راح تحسون فيني نوع من الغباء بس تحملوني
ماصدقت الباشا وافق
بكتب لكم اختياراتي وساعدوني وناقشوني
الرحله متكونه من شخصين انا وزوجي الحبيب
انا سمعت ناس يقولون التسوق نخيليه بكولا اخر السفر
شنو تنصحوني فيه ؟
والاماكن الي ابيها
(كوالا-لنكاوي-بينانج-كاميرون-سلانجور-صباح-جنتنج)
رحلتي بتكون 21 او اقل على حسب نصائحكم انصحوني شنو اخلي وشنو احذف من المناطق
ورشحولي فندق ب بينانج اسمه بارك رويال شرايكم فيه وبعد غولدشانغريلا شنو الافضل ؟
وبلكناوي قالولي الشيراتون و برجايا لنكاوي قالوا انه نظام اكواخ ؟
و سلانجور قالوا فندق الاحصنه الذهبيه او ماينز؟
اما كوالا حذروني من فندق برجايا فيه ريحة ؟
شرايكم شورا علي وحطولي نصايحكم
بس ماابي فنادق تكسر الظهر بسعرها
ومايمنع لو اخذ مثلا بلكناوي فندق على شكل كواخ وحتى لو سعره شوي غالي بس استمتع ليلتين على الاقل
اي وابي اسال عن جنتنج صح هي قريبه عن كوالا وانقدر نروح لها الصبح ونرجع بليل ؟
وهل هي حديقه ؟وهل تستحق الزياره للكبار؟
ابي رحلتي تكون تشوقين ومغامره وبنفس الوقت ابي اقعد على الاقل يومين وسط الطبيعه الخلابه
ارجوكم ارجوكم
ساعدوني
وجزاكم الله الف خير
أنا أقترح عليكم تقسيم الأيام على النحو التالي :
2 يومين سلانجور - صنواي لاجون سعر الفندق لايتجاوز ( 500 رنقت )
3 أيام لنكاوي وأرشح لكم فندق موتيارا ( أكواخ على البحر وسعره معقول وجيد جدآ )
3 أيام بينانج وأنصحكم بفندق ( البارك رويال ) فندق رائع والجميع يمدحه
3 أيام الكاميرون فندق أكواتريال ( موقعه مميز في أعلى الكاميرون وسعره مناسب والفندق مجدد بالكامل )
6 أيام كوالالمبور ... ولكم الخيار هناك فنادق ( 5 ) نجوم ولايحتاج الكلام عنها مثل الماريوت والويستن والجراند ملينيوم ...
وأيضا هناك فنادق مميزة وبأسعار رائعة ( 4 ) نجوم مثل ( الدورسيت ريجنسي - الرويال شولان - بيكولو ) وأنا أ{شح لكم
الرويال شولان ( فندق جديد جدآ + موقعه على شارع العرب + سعره مناسب لايتجاوز 300 رنقت )
بالنسبة لجنتنغ فهي مدينة ألعاب مرتفعة جدآ وتبعد عن كوالا تقريبآ ( 70 كم ) والوصول لها يستغرق ساعة واحدة فقط
فالأفضل هو تخصيص يوم كامل لها ( من الصباح إلى المساء ) وهي فترة كافية جدآ ... والوصول لها عن طريق باصات
تنتطلق من كوالا بتكلفة ( 41 رنقت ) وتشمل التوصيل ذهابآ وعودة وتذاكر الصعود بالتلفريك للأعلى والنزول وأيضا الألعاب
الداخلية كاملة ... )
وافي بزمن جافي