رحله تجنن ماشاء الله ..
منتظره باقي التفاصيل

شوقتنا لرحلتكم
لا تبطي علينا

أنا أشهد إنها حوسة ... ههه طبعاً مزحة ..
سفرة موفقة ماشاء الله ،
أختي الفاضلة ..
بما إن رحلتكم كانت حوسة ، فأنا أبو الحوسة كلها.
فأنا أبقدم على السفارة النمساوية . وعندي عدة استفسارات .

• هل يشترط حضور زوجتي معي ، أم يكفي حضوري لتقديم أوراقي وأوراقها .
• طيب حجز الأنترنت ، إيش أطبع لهم ، وهل هو معتبر لديهم ؟
• هل يلزم أجيب معاي حجز قطار بين زيلامسي وميونيخ ؟

بإنتظار الرد الله يعافيك .
وتشكراتي .

الحمد لله على السلامه
سجلينى متابع

هلا والله بكل اللي حضروا
نورتوا موضوعي
اخوي دكتور واي لا انت صادق انها حوسه لان كل شي صار قبل السفر ب 3اسابيع
بالنسبه لاستفساراتك انت روح السفاره بنفسك بدون مكتب ولا اي شي بس اوراقك نصيحه تكون كامله
عشان مايحسرونك ويرجعونك مليون مره وزوجتك مو لازم تكون معاك

• * لما تحجز بالنت الويب سايت نفسه يرسل لك كونفرميشن عالايميل فيه مدة الاقامه وتاريخها هذا اطبعه
• * اما الحجز من زيلامسي لميونخ اتوقع انك ماتحتاج لان المسافه قريبه بين المدينتين

احنا لما طلبوا حجز كانت المسافه طويله ويدرون مافيه امل نروح بسياره اما انت اتوقع مافيه مشكله
بس الافضل نشوف رأي الاعضاء يمكن احد عنده خلفيه اكبر

كانت رحلتنا من الرياض يوم الجمعه 1-8 الساعه 8 الليل
رحلنا للمطار زي عادة الوالد بدري واحنا ضايقه صدرونا مانبي نطلع مبكرين
بس المفاجاه ان اهل الرياض كلهم مسافرين ذا اليوم انواع الزحمه
وعالوقت خلصنا من العفش والحوسه:27:
وصلنا دبي وطلعنا من المطار عشان نريح وناوين نروح نتمشى بعد مانريح
بس صرنا مانشوف من التعب مدري وش تعبنا منه :016:بس نمنا وماصحينا الا الفجر
وهذي الغرفه ميريديان دبي

رحنا للمطار والرحله الساعه 9 الظاهر وصلنا بحمدلله ل روما اخذنا الشنط وسبقتهم ادور تاكسي
ل8 اشخاص
على طول قابلني ايطالي وقام يرنطن علي ايتليانو قلت اقول بس مدري وش تقول
المهم قال وين بتروحون قلت امبريال هوتل فيا فينيتو قال لي ب 130 يورو قلت شكرا يجيب الله مطر
جاني مصري قال حضرتك من الرحله اللي من مصر قلت لا والله مو منها
قال عاوزين حاقه قلت ابي تاكسي ولاني ملقوفه زي العاده ومااعرف الاسعار كم سألته
التاكسي بكم يودي قال لي من 40 لحد 50
والاتليانو راعي التاكسي يلحقني بكم تبين بكم تبين حسيت اني في العويس
اللي مايعرف العويس هذا سوق في الرياض زي اسواق نايف في دبي والسالميه في الكويت
يعني يمديك تشتري الشي وهو قايل لك ب 50 تاخذ 3 ب50
المهم جاء المصري وقام يكاسر ذا الايطالي عارفين لبعض ووافق يودينا ب90 يورو
وصلنا الاوتيل وانصدمت يوم شفته من برا دخلت سويت تشك ان ورحت اشوف الغرف
وانا في بالي انها انواع الحشرات والحوسه بس الحمد لله صارت تمام
]

جلسنا في روما ست ايام طبعا كان الجو موت:36_1_47: وكنا من الساعه 8 ننزل نفطر ونطلع
يعني ضربة الشمس صكتني لين قلت بس
ريحنا شوي في الاوتيل وطلعنا نتمشى في ال فيا فينيتو ونشوف الاماكن القريبه منا
وهذا صيد الكاميرا الغير مشفر كل الصور فيها خشتي او احد من اهلي
كأني يابانيه كل مكان اصوره

المره الجايه شرح سريع وصور لايامنا في روما
ملاحظه: الموضوع نزلت في النمسا لان الرحله معضمها كان في النمسا هذا اولا
ثانيا لاني من عشاق فيينا :36_3_14::36_3_1:
الى اللقاء في حلقة قادمه
مع تحيات المخرج انا

الحمدلله عالسلامة ورحلة موفقة
بس الصور صغيرة يا ليت تكبرينها
وانتظر رأيك عن برشلونة لأنه يهمني جداً
بالنسبة للسيارة اظنها غاليه 3 ايام 1000 يورو بس مو مهم المهم انكم انبسطتوا ,
وأبي رأيك بزيلامسي هل اعجبتك واعجبت الأهل او لا ؟ وأبي أعرف موقع الفندق اللي أخذتوه لاني ما اعرف وينه؟
وليش موضوعك اسمه رحلة الحوسة ؟؟؟
ونبي رحلتكم بالتفصيل الممل

اهلين خالد
الصور كبيره بس انت اضغط عليها
بس ولا يهمك الصور الجايه بخليها اكبر ان شاءالله
لاتقول السياره غاليه هي جت كذا من الموقع كانت ب 600 يورو
لما وصلنا لمحلهم صار كل شي بزياده تامين ونفيقيشن وخربطه
بس عاد اهم شي وصلتنا زيلامسي
واصبر علي حبه حبه لاني انا كلي حوسه بس ارتب اموري واعلمك عن برشلونا:36_3_13:
وعن اوتيل زيلامسي بس بالدور
اما الموضوع اسمه رحلة الحوسه لانه جد كل شي حوسه صار فجاه انضغط وكأن لي 10 يدين
ادور اوتيلات وطيران ولازم اخلصهم في يومين والا بتروح علي الفيزا
وبكذا صارت حوسه
نورت اخوي
تشاو

soft rose
الحجز من الانترنت ارخص وبدون نصب
المفروض خليتوا احد يحجز لكم من خلال الانترنت ويعطيكم رقم الطلب وبس
بالتوفيق