- انطلقت الرحله الى محطه بانبون وهى تبعد تقريبا ساعتين عن كرابى
السلام عليكم ورحمه الله وبركاته
دى اول مشاركه ليا فى المنتدى وحبيت انها تكون قويه قدر الامكان وتكون مليئه بالمعلومات عشان يستفاد الجميع
فى البدايه احب اعرف بنفسى اولا انا اسمى احمد حسن مصرى مقيم فى تايلاند متزوج اجنبيه تايلانديه الجنسيه وكل عملى خاص بالكمبيوتر والانترنت عندى 24 سنه
ان شاء الله حعرض زى تقرير بكافه المعلومات لرحله قمت بيها فى راس السنه بين الفتره
من 26-12-2012 الى 3-1-2013
وان شاء الله يستفاد الجميع
فى البدايه التحرك كان من محطه قطار هولابونج فى بانكوك الساعه 10 مساءا قطار متجه الى بانبون تقريبا 8 ساعات الرحله
ملحوظه يجب الحجز قبلها بكذا يوم خصوصا فى الاعياد الرسميه زى رأس السنه نظرا للاقبال الشديد
سعر التذكره تقريبا ذهاب وعوده 1.200 بات
بعض الاشياء قبل البدئ فى الرحله
1- كاميرا جيده قدر المستطاع لتسجيل اللحظات الممتعه فى الرحله
2- من المستحب تكون الحقيبه رياضيه تحمل على الاكتاف لسهوله الحركه
3- لو المسافر بالقطار يجب اخذ غطاء او لبس ملابس طويله لقوه الاير كونديشن فى القطار
صوره داخل القطار قبل الاقلاع
انطلقت الرحله الى محطه بانبون وهى تبعد تقريبا ساعتين عن كرابى
وفى المحطه يوجد سائقين تاكسى متوجهين الى كرابى بس الحقيقه معرفش اجرتهم لان كان فى الى منتظرنى بسياره خاصه
ولانى مكنتش متجه الى كرابى مباشرة روحت لمدينه بانج نجا تقريبا ساعتين ايضا من محطه القطار وهى مدينه على مرتفع جبلى رائع وكانت رحله ممتعه جدا بين الاشجار صعودا على الجبل بالسياره رغم الخطوره وقوه الانحدار
صوره على الطريق الى بانج نجا
واثناء الطريق مررنا بحديقه كاو سوك بارك الدوليه
صوره بجوار شلال كاو سوك بارك
صوره من تصويرى الخاص لفيو بوينت فى كاو سوك بارك
مدينه بانج نجا فيها كتير من المسلمين فيها سوق سياحى ولكنها مدينه عاديه تتميز بالمناظر الجبليه والغابات والشاطئ
انا قضيت فيها ليله واحده والصراحه مش حقدر احط اى فنادق فيها لانى اقمت فى منزل تبع عائله زوجتى
صوره لشاطئ بانج نجا
مبنى توسونامى لانقاذ الناس فى حاله حدوثه لقدر الله على الشاطئ مباشرة
صوره على الشاطئ اصلى من عشاق الشيشه بس بطلت الحمد لله
وبعد قضاء الليله توجهنا فى الصباح لشاطئ كرابى
تقريبا ساعتين من مدينه بانج نجا
صوره على الطريق الى كرابى
صوره على شاطئ كرابى بعد الوصول
بعد كده اجرنا مركب زى الى فى الصوره تقريبا 1.500 بات لزياره 3 جزر فى البحر
صوره على المركب
وصلنا بحمد لله الى اول جزيره وبعض الصور لها
صوره من داخل الجزيره
صوره لى امام الجزيره
مع العلم كل قارب مزود ببدله انقاذ ومزود بنظارات غطس تحت الماء لمشاهده الاسماك
ودى صوره على جزيره تانيه
ودى صوره من تصويرى الخاص لاحدى الجزر
وبعد الرجوع للشاطئ اتجهنا الى ميناء النقل البحرى فى كرابى للذهاب الى اروع المناطق على الاطلاق
جزيره بى بى الساحره
صوره لمدخل جزيره بى بى
صوره لى امام جزيره بى بى
ملحوظه هامه قبل الدخول للجزيره الرائعه بى بى اعلم تماما ان مع روعه الجزيره ترتفع الاسعار خصوصا فى الهاى سيزون
وللعلم التايلانديين العاملين على الجزيره قمه فى الجشع المادى وحتى الكلام معهم بفلوس يعنى متسالش حد على مكان حاجه لان حيطلب فلوس تمن السؤال
يوجد على الجزيره مطاعم وفنادق وكل شئ وفى الهاى سيزون بيصل سعر الغرفه بالمكيف تقريبا 1200 بات بحد اقصى فردين بالغرفه
صوره للمسجد واعتقد انه الوحيد على الجزيره لصغر حجمها
مطعم للاسماك بالجزيره
وعند المساء وما ادراك المساء على بى بى تأتى الحفلات الليله على الشاطئ
صوره فى حفله ليله على الشاطئ
بعض عروض الالعاب الناريه
القفز على حبل النار
وده فيديو للحفله على الشاطئ
وفى صباح اليوم التالى اجرنا قارب لزياره الجزر القريبه من جزيره بى بى
ويكون سعر القارب تقريبا 2000 بات لليوم باكمله وزياره جميع الجزر
صوره من تصويرى الخاص لجزيره بى بى
ثم بعد ذلك قمنا بالحجز من ميناء جزيره بى بى الى بوكيت وسعر الحجز تقريبا 500 بات للفرد
والمده ساعتين فى البحر
صوره من على المركب فى الطريق الى بوكيت خروجا من بى بى
وصلنا بحمد الله الى بوكيت ولكن للاسف كل الى فى الرحله اهلكنا تماما ومكنش حد قادر يستمتع اكتر من كده بالشواطئ ولا الاماكن السياحيه فاختصارنا بعض الاماكن وزرنا بعض الفيو بوينتس فقط فى بوكيت كالاتى
صوره من تصويرى الخاص من فيو بوينت فى بوكيت
صوره من تصويرى الخاص من فيو بوينت فى بوكيت
وبعد كده رجعنا على بانج نجا ومنها على محطه قطار بانبون ومنها على بانكوك ومنها على البيت ونوم لمده اسبوع بعد البهدله دى كلها بس كانت الامتع على الاطلاق
للاسف انا عارف ان فى بعض التفاصل انا مش ذاكرها بس انا مرحب باى استفسار فى الكومينتس واتمنى اكون افدتكم على قدر المستطاع واكون ضيف خفيف عليكم
والسلام عليكم ورحمه الله وبركاته
سجلني من المتابعين لابداعك الجميل .
بارك الله فيك ،
منتظرين منك معلومات اكثر دقة عن تايلند و خاصة انت مقرب منهم ، قصدي متزوج تايلندية و بكل تاكيد سوف نستفيد منك .