-
السلام عليكم ورحمة الله وبركاته
صباحكم خير رواد البوابه التركيه وخبرائها ،،
الام سعادتها تسوى الدنيا ،، عشان كذا قررت اني اباخذ الوالده وثنتين من خواتي ونسافر لتركيا خلال الفتره
Wed 13 Jun 2012 - Return Fri 22 Jun 2012
يعني تقريبا 8 ايام من غير يومي السفر لان الرحله بتكون متاخره بالليل .
انا دخلت على تقارير كثير وماشاء الله من كثر المعلومات والمواقع الواحد مايقدر يشوف الانسب له لانه بيتشتت
انا اتمنى تساعدوني في اسماء المدن والاماكن المناسبه لغرض رحلتي ..
الغرض من الرحله هو الاستجمام بالدرجه الاولى والتسوق بالدرجه الثانيه ..
يعني انا والوالده وخواتي كلنا اشخاص كبار( فوق 21 سنه) يعني ماراح نروح للملاهي ،، او اماكن شهر العسل .
اللي يهمني اكون بمدينه اجوائها حلوه من ناحية الغيوم والامطار .. واعتقد انها حسب ماقرأت في شمال تركيا هي اللي تتمتع بهالاجواء ..
اهم الاماكن الاثريه اللي لازم ازورها لاني انا الوحيد المهتم بهالاشياء وما ابي اضيع وقت على اهلي وهم ماهم مستفيدين منها .. يعني موقعين اثريه او متاحف تكفي ..
الاسواق الشعبيه الكويسه .. والاسواق او المولات اللي اسعارها مناسبه للشراء ..
رحلة الوصول والعوده للوطن كلها عن طريق اسطنبول ..
حسب ال 8 ايام اللي معاي وش الجدول المقترح عشان اكون قضيتها بمدن اجوائها مطر وغيوم ؟ .. وين تنصحوني اسكن ؟ بشمال تركيا عشان الاجواء وكم يوم يكفي
بورصه كم يوم تستحق الزياره وكيف اجواءها ؟
افضل الاماكن اللتي تستحق الزياره بشكل عام ؟
اسطنبول ،، اهم الاماكن بها + كم يوم تستحق ؟
اذا فيه اي رائي مقترح او جدول ياليت تساعدوني فيه .. ان شاء الله اكون وضحت لكم سبب السفر والمعلومات المهمه وان شاء الله ماتقصرون معانا : )
كل الشكر والاحترام لمجهودتكم .