السلام عليكم ورحمه الله وبركاته
بصراحه من فتره وانا اتابع هذا المنتدى الطيب لكن ما قد شاركت فيه وحبيت اليوم اني اشاركم تفاصيل بسيطه عن سفره سابقه الى سيشل قبل عام تقريبا كانت في شهر ديسمبر من عام 2012
اول شي كانت لشهر العسل .. دوله ماعليها اي كلام شعبها طيب جداً والدوله أمان بشكل عام.
4 ايام كانت في جزيره تسمى براسلين تم السكن في فندق رافلز وبصراحه كانت احلى تجربه في حياتي كلها .. طبعا عندك 4 اماكن تقدر تاخذ فيها شاور في الغرفه بما فيها الحوض الخاص والي يتم تغطيته حسب الطلب بسعف النخيل عشان محد يكون كاشف عليك انته واهلك لما تسبحون..
3 أيام كانت في فيكتوريا والي هي العاصمه في فندق الهلتون بعد كان ممتاز جداً ولاكن لا يقارن برافلز
يعيب الدوله غلائها الفاحش..
لازم تجهز نفسك مسبقاً للأكل يعني تشيل وياك لو اشيا بسيطه مثل تونه ونودلز وهالسوالف ..
لم أجد اكل اسلامي ماعدى الأكل البحري..
لا تنفع الى للعرسان فقط ونصيحه مني بتكون تجربه العمر..
اي استفسارات انا حاضر