مستر طارق
10-12-2022 - 08:26 pm
السلام عليكم ورحمه الله وبركاته
اول شي احب اشكر كل شخص يرد على استفسارات الاعضاء بقسسم الاستفسارات على راسي والله
طبعا احنا 6 شباب حجزنا من الخطوط السعوديه ب 2480 يوم 10 فبراير
وواحد من الشباب اعتذر بحكم عنده ظرف طاري ,صرنا 5
المهم مادرينا الا واحد من الكويت من الجماعه يدق يقول متى رحلتكم ابي احجز ونعطيه التاريخ ويحجز على
الخطوط الاماراتيه مدري السعر بس بنفس اليوم وترايزنت 3 ساعات في دبي
ومجهزين الشناط والعزبه وكل شي والمعلبات احمد ربي اني قلت للعيال خل ناخذها وفرت علينا شي كثير
المهم تجمعنا ب الرياض السااعه 10 ورحنا للمطار وقصينا البوردينق ونصنا كان خايف ونصنا كان متحمس
وتغيرت البوابه والموعد يعني ركبنا الطياره الساعه 2 وعلى طول طارت ,
ماكان فيها اي زحمه , وجلسنا نتابع الافلام ونتابع الوقت والكيلو وكم باقي من الشاشه وشوي
الا الشباب نامو كلهم ووصلنا مطار جاكرتا 10 تقريبا على ماختمنا على ما اخذنا الفيزا كان شوي زحمه
طلعنا 12 وتغدينا من كنتاكي المطار ,
وقلنا نبي نشوف رحله دبي متى توصل , طلعت الساعه 2 قلنا ننتظر
انتظرنا جت 2 , جت 3 , جت 4 ماجاء خوينا , عادمايعرف انقليزي
ماجاء الا 5 ونص وعلى طول كنا متفقين مع سواق وللجبل واخذنا فيلا في مجمع يانسن ب 500 الف
ع العموم انا لي ساعتين الان جاي من المطار توني واصل ,
اكمل لكم التقرير بكره ان شاء الله ,
لكن شهاده مني طبيعه وخيال وراحه وسسعه صدر لابعد درجه !
مع ان كل الايام قضيناها في الجبل 11 يوم واخر يوم في جاكرتا وصار شوي حوسه
لكن الشباب مقررين طلعه ثانيه ان شاء الله
رحلتي الى اندونيسيا
وقدم الكثير من جهده ووقته في قسم الاستفسارات وشكراً لك أيضاً على إعطائنا من وقتك لنشاركك هذه الذكريات ..
ننتظرك بعد أن ترتاح والحمد لله على السلامة مرة أخرى ..