1. والسنه اللي راحت كنا حاجزين على عمان فحصلت لنا ظروف ولا سافرنا


2. هذي هي الكيكه

بسم الله الرحمن الرحيم
بالبدايه أحب أشكر الاخ دوراك ونعيم ولا يهونون الاعضاء الباقين ولجلهم كتبت التقرير >> أخيرراً يا نعيم هههاي
طبعاُ تقريري ماراح يكون شي بالنسبة لتقاريركم .. لانه كله منكم
اول شي بعلمكم وش اللي دخل السفره في مزاجنا ، كنا محتارين وين نسافر قبل سنتين فامي سمعت عن جنوب افريقيا
و راحت تبحث في بوابة الدول الافريقيه وقريت تقارير الاخوان ، وصارت تتردد كثير على المنتدى وتقرا تقارير أكثر >> أحس اننا دلينا البلد من كثر ما نقراعنها،
وبعدين بدت تدخل مزاجها
فقالت للوالد عنها بس رفض لانه سمع انها مو آمنه فما اقتنع وحاولت وحاولت ووافق بالموت بس جت الموافقه متأخره ولا لقينا حجز فسافرنا لاندونيسيا علماً بأننا سافرناها قبل كذا ..

والسنه اللي راحت كنا حاجزين على عمان فحصلت لنا ظروف ولا سافرنا

وهذي السنه رتبنا وظبطنا امورنا من بدري والحمد لله تيسرت .. فصارت حريصة أكثر إنها تجيب المعلومات الوافيه عن كل شي
وراسلنا الاخ دوراك الله يعافيه وما قصر معانا . . علمنا على كل شي .والوالده يوم حست ان السفره قربت والله بدت تخاف انها ما تطلع حلووه وصارت تشيل هم لانها هي اللي اقترحتها على الوالد وبالقوه وافق عليها فخافت انها ما تعجبه
والله مرره كانت خايفه من هالشيء ويوم رحنا هناك وصلنا على جوهانز بيرغ ومنها على كيب تاون وكنا حاجزين فيلا بالكمبس باي والله من يوم مادخلناها مرره أعجبتنا وحتى ان الوالد ابدى اعجابه وراحته فيها
وثاني يوم شفنا كيف الطبيعه والاجواء مرره كانت جنان،و بعدها تطمنت الوالده بالمرره لان طبيعتها مرره حلوه ومافيه زحمه مثل شرق آسيا والشعب راقي يعني بصراحه البلد من أروع ماتكون حتى ان الوالد والله أعجبته الحمد لله لدرجة انه اول مره وحنا بنفس السفره نقول نبي نرجع لها مره ثانيه بالعاده نستمتع بالسفره وخلاص
وزال الخوف بعدها اللي كان بقلب أمي
>>> هذي المقدمة الحين ببدا من ركبنا الطياره لين وصلنا لمطار جده
اح اح >> وهذي قعده
طبعاً من اول حجز لنا الوالد الله يعافيه على الخطوط السعوديه ويوم قربت السفره بدينا نشتاق لها أكثر و نعد الأيام وبدى الوالد يشوف امور السفره
الفيزا وصرف العملات وأشوفه قال ان الصرف من هنا ازين واللي يبي من هناك يصرف من مكاين الصرف
وطبعاً ملابسنا كلها كانت شتويه لاننا عارفين ان عندهم برد بس الحمد لله الفتره اللي رحنا لها ماكان مووت برد
مو مثل الاعضاء اللي راحوا بعدنا .. وأخذنا معنا أكلات خفيفه لاننا ماندري وش يوافينا هناك نلقى بسهوله و
لا لأ .. والوالده طبعاً لازم اول شي يكون معها ترمز الشاي والقهوه علشان لما نطلع نتمشى يتقهوون
وأخذنا احتياطاتنا في المظلات الشمسية .. عشان المطر ..
كانت سفرتنا بتاريخ 8/7/2007 بالليل الساعه 2:30 الاقلاع وطلعنا من البيت الساعه 12:30 والفرحه
تغمرناا
ويوم ركبنا الطياره استقبلونا المضيفين السعوديين بكل سرور وكانت والله الرحله ممتعه والوالد الله يجزاه خير سوا لنا مفاجأه وطلب لنا كيكه مرره كانت حلووه

هذي هي الكيكه

جلسنا في الطياره 3ساعات ونص من اقلاعنا وقفنا في نيروبي وانتظرنا تقريباً ساعه وربع وبعدين كملنا
على جنوب افريقيا ثلاث ساعات ثانيه ووصلنا الصباح الساعه 11:15 يوم الاثنين على جوهانز بيرغ واستقبلتنا الكلاب هناك هههاي اقصد اللي يفتشون بالشنط اوهوو ياكثرهم في المطار وحنا كله نصارخ لامرمن جنبنا واخوي الصغير اللي عمره تقريباً ثلاث سنوات كان يركض وقامت وحده من الامن قالت للوالد لايركض ولدكم عشان الكلب مايجيه لانه الكلاب لماتشوف احد يركض تلحقه >> يعني انتبهوا
على فكره مابيننا وبينهم إلا ساعه حنا متقدمينهم المهم والله الرحله الحمد لله كانت ممعته ومريحه بس
خربت بالنهايه هههاي انه غلطنا ماحجزنا من بدري من جوهانزبيرغ على كيب تاون مافيه أي مشكله بالحجز
لانه كل ساعه فيه رحله على كيب تاون بس الوالد حط في باله انه بيلقى تخفيض لانه بالخطوط وتفاجأ انه
مافيه فتأخر من مكتب لمكتب وراح يسأل وحنا ملينا من الانتظار ..
بس الحمد لله انفرجت وسافرنا بدون تخفيض يؤيؤيؤيؤ اقلعنا الساعه 4 ووصلنا 6المغرب .. وبعدين قابلتنا
مشكلة ثانيه >> تمسخت السفره شوي هههاي نفس الشي
من توقعاتنا اننا بنلقى فان لاننا حنا عائلة 8 أشخاص 4 كبار و4 صغار وتوقعنا بنلقى فان بسهوله يوصلنا بس
للأسف مالقينا أي فانات هناك وياليتنا خلينا سواق الفيلا اللي حجزنا فيها انه يجي افضل لنا وعطيناه
فلوس زياده ولا الانتظار هذا لاننا انتظرنا حوالي ساعه ونص أو ساعتين والواحد توه جاي من سفره دوليه
وتعب وغير كذا ماجينا على طول من السعوديه على كيب تاون لأن السعوديه ماتوصل إلا على جوهانزبيرغ
ومثل ماقلت لكم وش صار فينا في مطار جوهانزبيرغ
وفوق هذا كله حنا ماتجهزنا من اول يوم بالنسبة للملابس يعني اخذنا ملابس عاديه مو شتويه مرره
وكلنا بردنا وبعدين ملينا و سألنا رجل الامن وجاب لنا فان المشكلة والله ان السعر ماكان فيه فرق كبير
يمكن 100 ريال على هالانتظار عشان كذا انصحكم انكم ترتبون حجوزاتكم وتنقلاتكم من بدري حتى لو كان
فيها زياده المهم راحتكم والله ، المهم وصلنا على الفيلا اللي بالكمبس باي وصلنا الساعه 10
دخلنا وكان باستقبالنا واحد بريطاني وواحد فلسطيني يشتغل في المجمع وكانوا فاتحين لنا المدفأه طبعاً حنا جايين ميتين برد وانبسطنا على الدفاايه
وهذا رابط الفيلا ..
l('http://www.capevillas.com/crescent/crescent_tour.htm');
l('http://www.capestay.co.za/crescent/');
ترى اللي بتشوفونه بالرابط بالضبط نفسه اللي بتلقونه هناك ،،
أخذناها ب 1450 راند سعرها على شكلها مره حلو ...طبعاً السكن أخذته من الاخ دوراك
والله مره الفيلا كانت جنان
وهذا المسبح
>> بس حاطته اقهركم ولا المجنون اللي بيسبح بهالجوو
هههاي
والله يسلمهم ماقصروا ابتحلوا بنا شافونا جايين تعبانين وشافوا هالبزارين وارحمونا وماراحوا لين كلموا لنا
ناندوز وتعشينا بس ماكان مرره يعني عادي الصراحه حق ماليزيا أطعم بكثير..
اييه وبس نمنا
باحاول اكمل لكم بكره ان شاء الله اليوم الثاني ..