1. السلام عليكم


2. رايي كثير من الدول افضل بالنسبه للي في باله يتسوق مع قضاء الاجازه )

السلام عليكم

راح احط مشاركتي بجدول رحلتي في ماليزيا واترك لكم المجال بالتعليق او ابدا الراي
رحله سياحيه طبعا اجازه شبيهه بشهر العسل مع الاختلاف في الجدول لاني متزوج من ثلاث سنوات وهالرحله لقضاء اجازه فقط مع تبضع بس للاسف هالدوله مافيها الا تكرمون الاحذيه والجلود والشنط النسائيه وبعض المشغولات النسائيه فقط

رايي كثير من الدول افضل بالنسبه للي في باله يتسوق مع قضاء الاجازه )

وهذا جدولي من اول يوم وصول لي اخر يوم بالرحله مدة الرحلة تقريبا 20 يوم
وصنا تقريبا الساعه 4 ذهبنا الي فندق صن واي لاقون الحجز كان ديلوكس 30 دينار ولاكن موظفة الاستقبال اقنعتني بتجربة الفلل حيث الانعزال التام والخصوصيه بالسكن ورعة الفلا من حيث التصميم الداخلي والخارجي وحمام السباحه الخاص مصغر طبعا قعدنا في الاستقبال وقدموا لنا عصير للضيافه وللراحة لمده نص ساعه وكانت الساعه تقريبا 4 العصر وبعد الاطلاع على الفيلا غسلنا وصلينا طلعنا للمجمع التجاري وتسوقنا شويه وحضرنا فلم لغاية اخر ناس طلعنا بعد العشاء بالمطعم بنفس المجمع ورجعنا للفيلا على حمام السباحه الخاص وعقبها ونوم
عقب هالتعب اليوم الثاني إفطار متأخر ثم بلشنا بداية اليوم بالحديقة المائية ورجعنا للسكن بالفندق الساعه 3وحجزنا لليله الثانية بالدور 19 غرفه تعتبر فوق الممتازة انصح فيها رقم 1902من افضل الغرف لديهم‎ ‎‏( عطونا المفتاح عباره عن كرت صعدنا) اسف هاليوم ماتذكره بس اعتقد طلعنا ... بالليله اكيد نوم
اليوم اللي بعده قعدنا الساعه 9 وتريقنا وعملنا جك اوت وذهبنا للمطار بلموزين من الفندق للسفر لمدينة بينانق بالطائرة الساعة 1:45ماتذكر وصلنا قريب 3ومن المطار لغاية فندق بارك رويال تاكسي المطار ب60 رنقت كنا تعبانين ريحنا ساعه مع شاور سريع ونزلنا ناخذ تاكسي علي بلازا مول وقباله مطعم عند الدوار تعشينا فيه بعد لف ودوران بالمول بعدها تاكسي للفندق ونوم
الصبح قعدنا علي بوفيه الافطار ومنا علي سيارة السائق فاروق لاستكشاف الجزيره ومعالمها حديقه الفواكه ثم حديقه الفراشات واشترينا منها من معروضاتهم بأسعار غالية طبعا شغلات مالها معني بس جذي نشتري ومنها علي البحر لحجز رحلة الغد البحرية ثم لسوق الهنود ما عرف اسمه طبعا بس بضايع هندية رخيصة ولاتلقي اللي يفتح الخاطر ردينا الفندق طبعا وقت المغرب بالغرفة وبعد راحه ساعة نزلنا لبوفيه العشاء بالفندق ب 65 الشخص بعد العشاء سوق اللي حولين الفندق سطرة بياعين بضايع سكه وتقليد طبعا اشترينا منهم ماحبينا نطوف شي رجعنا متأخرين ونوم
قعدنا الساعه 9 وصلينا متأخرين ونزلنا لبوفيه الافطار وقعده بالجو الحلو وتطمش علي هالبشر مع قط نغزات علي بعظهم الساعه 11 يانا مندوب الرحله وخذنا بالطراد مالهم الخايس يقولون انه احسنهم ب 260 رنقت علي فكره الاسعار من 150 الي 300 رحله بالبحر نص ساعه ثم حداق ساعه ونص اعتقد اذا مواكثر ماكو سمك بس جراجير صغار وعندق صغير وبالون فش المهم انها وناسه اذا سلمت من الحر الجو وقتها كان روعه غيم وهوا خفيف بعد الحداق شاطئ القرده ثم يبدأ باربيكيو الشوي عدد 2 سمك شعري يمكن اذا مايشبهه مادري 12 ربيانه 2 ام الربيان 2قباقب 4 قطع خثاق مادري شلون ياكلونه طبعا لوبستر مايحطها الا اذا دفعت 160 زياده الحبه ب 80 اضافه الي توست وموز وزبده وتفاح وانانسه صغيره ومانجا وانواع المشروبات طبعا موكل شي واهو يشوي انت قزر هالوقت بجت سكي وعقب الغدا تمش بالجزيره بس خلك علي الشاطئ ولا بدال مشيك راح تجري طول الوقت تشختك القرود وبعدها راحه علي الجزيره وجت سكي وعوده الي الفندق بالقارب ولماتوصل دام ملابسك كلها مبلله قزرها براشوت عند شاطي الفندق ورد اسبح واذا مافيك قزرها تلفزيون ونوم
اليوم الي بعده طلعه لسوق الصيني وبعدها الي معرض الملابس المصبوغه يدويا وبعدها الجبل ولا تنزل منه الا الساعه 6 علي المول وبعدها سينما حفلة الساعه 9 الساعه 11 ونص وانت بفندقك ونوم
قعدنا اليوم الي عقبه متأخرين الساعه 10 وشي بوفيه افطار وبعدها قعدنا بساحه الفندق نشرب من هالعصير وفواكه وبعدها براشوت وجت سكي وصعدنا الغرفه نغتسل عن ماء البحر وطلعنا للمركز تجاري ماعرف اسمه بس اهو خمس طوابق واغلب محلاته سيديات برامج وافلام وشغلات للسيارات كان فاشل تركناه وطلعنا الجبل مره ثانيه والساعه 7 وصلنا الفندق ونزلنا قبله عند الاشاره الثانيه لنتمشي بالارجل ونشوف شغلات هالبشر اللي عارضينها علي طريق العوده للفندق وبعدها مرينا علي مطعم عارض انواع الاسماك والربيان والاستكوزا اخترنا وجبتنا اسبتاكوزا وزن 1.600 وعدد 7 ربيان جامبو وسيرفس وخبز تنور وانواع الصوص وسلطات ب 230 وطلبنا وتوصيله الساعه 10 لغرفتنا بالفندق وبعد العشا سهره علي التلفزيون ونوم
اليوم قعدنا بعد متأخرين وبعد بوفيه الافطار ذهبنا لمجمع بوه لي ومجمع تنادل رازاك ومجمع بكت جامبل تيسكو الاخير تغدينا اول مادخلنا في بيتزاهت وبدينا فراره بالمجمع وعلي فكره كلها مجمعات فاشله والساعه 6 وربع وصلنا الفندق وكان عندهم باربيكيو عشاء فضلنا نقعد ونتعشي وياهم ونصعد غرفتنا نتابع أيدي مورفي وفلم فكاهي وسهر بالغرفه ونوم
اليوم اللي عقبه استيقاض مبكر الساعه 8 وشاور وصلاة صج متأخره بس شسوي من النوم بعدها نزول لافطار خلصنا 9وشوي صعدنا ترتيب الجناط وعملنا جك اوت والساعه 11 وربع تقريبا وصلنا المطار رحلتنا 12 وخمس دقايق وصلنا 1 و25 وللفندق بعدها بنص ساعه تقريبا 2 وشوي ساكنين بغرفتنا غسلنا ونزلنا للمطعم وطلعنا لحديقه التماسيح فاشله طبعا بتايلند احلي وعقبها لمعرض الاسماك أقوريوم فاشل بعد بالكويت احلي وايد وعقبها مجمع لنكاوي فير المجوهرات غاليه وبطريق العوده الساعه 9 مرينا مطعم سي فود كان زين العشاء فيه وتقريبا 11 الا ربع رجعنا الفندق ونوم
قعدنا الساعه 9 ونزلنا لافطار ولتحديد جدول اليوم واستقرينا علي حديقه الطيور وبعدها رحله بمانقروفسي والريفر وتقريبا رجعنا الفندق لنقاوي فلج وعلي طول حق ال سبا اللي كان حقا لايوصف من استقبال الي حمام الجاكوزي والسكراب بأنواع مختلفه من الخلطات العجيبه والطبيعيه وبعد ذلك المساج وطلعت علي حمام السباحه وبعدها للغرفه بدلت ونزلنا للمطعم وبعدها نوم
اليوم صحينا مبكرين شوي 7 وربع وبعد الافطار ذهبنا لشاطئ بنكرول انشالله ماكون غلطت بالاسم وكان الجو حلو غيم تقريبا شبه كلي المهم حجزنا قارب للذهاب اللي جزيره فيها شاطئ حلو للسباحه وبعدها نطلع علي لنكاوي كورال للسباحه علي سطح الماء وروئية الاسماك والشعب المرجانيه كان شي عجيب وحلو رحله خذت تقريبا كل اليوم ورجعنا للفندق وغسلنا ولبسنا وطلعنا تقريبا الساعه 3 لشاطئ جانون حيث الالعاب البحريه من جت سكي وبراشوت وبعد الغروب ذهبنا للعشاء بمطعم الفندق ونوم
استيقاظ متأخر بسب سهر ببلكونت الغرفه لانه الجو كان حلو ومطر خفيف المهم الاستيقاظ كان الساعه 11 ونزلنا لافطار وكان البوفيه مسكر طلبنا من القائمه علي ماخلصنا صارت الساعه 1 الاربع وقررنا العودة الي كوالالمبور وكان لنا حجز علي طيارة امس ولاكن النسيان لم اتصل لتغير موعد الرحله وقالولي بالفندق التذاكر ماتنفعك لانك طوفت الرحله والحين لازم تشتري غيرها ورحت المطار اشوف اذا يقبلون تذاكرنا قالت لي الموظفه بكاونتر المطار عادي مقبوله وتبي اي رحله وخذت الساعه 3 ورديت الفندق نجهز الجناط لرحلة العاصمه ولفندق رينايسانس قريب من البرجين وصلنا الفندق الساعه 5 تقريبا سكنا غرفه بالدور 21 غرفه حلوه وكبيره مطله علي برج الاتصالات ريحنا شوي بالغرفه ولبسنا وطلعنا للسوق بالبرجين وفراره بالسوق وحصلت محل تصوير وتحميض الافلام عطيتهم المومريكارد ينسخونها علي سيدي وبعدها طلعنا للعشاء بمطعم الطربوش ورجعنا الفندق ونوم
اليوم الي بعده صحينا الساعه 8 ونزلنا لافطار الساعه 9 وشوي وهناك قررنا نروح لسوق بي بي سانقي وانق ورحناله اول ثلاث ادوار كانت محلات بضايع عاديه والرابع والخامس مالت صالونات وتنظيف بشره وبعض المحلات للملابس والاخير روائح مطاعمهم اللي تجيب المرض والعاب وبعدها غدا بمطعم اكلات عربيه وبعدها قررنا اللي تايم سكوير من الساعه 4 الي 10 بالمجمع من العاب وتسوق وبطريق العوده مرينا مطعم تايلندي بجانب بيبي وتعشينا فيه عشاء كله فلفل وردينا الفندق ونوم
واليوم اللي بعده صحينا تقريبا 9 الا ربع وتفطرنا بالفندق وطلعنا للميجا مول بعدها علي سوق بازار بودايا كان حلو عجبتني وايد شغلات فيه وبعدها السوق الصيني بجانب البازار وبعدها تغدينا متأخرين ثم العوده للفندق وطلعنا لابراج فراره بالسوق ثم سينما فلم رعب وبعدها الذهاب للنوم
استيقاض متأخر وبعد الافطار الذهاب الي ماينز وندرلاند الفاشل طبعا وقررت الذهاب الي لوويات بلازا وكان ابرك من ماينز وتقريبا الساعه الي بي بي لشراء موبايل O2‎وعقبها الي سينما
بالتايم سكوير وحصلناها مسكره لان الوقت متأخر بعد العشر وقررنا نروح العشاء بمطعم الطربوش وعقبها نوم
اليوم الي بعده الذهاب لمعرض الساعات اعتقد انه ديوتي فري ساعات سويسريه ويابانيه بأسعار مخفضه جدا وخصومات كانو معرضين الفرق بينهم شارع واسعاره حلوه ومعقوله جدا المنطقه شبه صناعيه بجانبها جبل فيه كهوف تصعد له بدرج 270عتبه وبعدها معرض الاحجار الطبيعيه واللولو شرينا عقد سعره 2200 رنقت بسعر 900 كنت مو مصدق لانه طبيعي مو زراعي يمكن لانه موسم سياح اسعارهم معقوله
وبعدها علي مصنع الجلود لشراء الجناط هديا لاهل وبأسعار معقوله وتخفيضات علي البضايع توصل الي 60 بالميه وبعدها للفندق للراحه وللذهاب للعشاء والسينما imax ‎3dحاجزين حق فلم الدينصورات بس قبلها مرينا ابراجهم التوين لشراء عطور ومكياج وبعد شريت نظاره من شانيل للدام تبي هالماركه شسوي صارلها اسبوع فاصله عليها المهم بعد هذا كله ردينا للنوم
وناوي بكره جنتنق هايلاند لاكن قعدنا تقريبا الساعه 8 وشوي نزلنا نتريق بالفندق قريت اعلان عن معرض بالفندق لجميع العطور والمكياج بخصم 60 بالميه ماخذين جناح بالفندق وحاطين الماركات العرض من الساعه 8 للساعه 3 وبعدها ترد الاسعار للطبيعيه قلنا فرصه نوفر فيها ولكن الزحمه غير طبيعيه في هالمعرض وناس غيرطبيعين يحبون الزحمه ومخامط بهالماركات ولاحظة انهم يدفعون ولايهتمون اقل واحد فيهم يمكن يدفع فوق الالف واغلبهم من العروق الصينيه ولما وصل دورنا بالكاشير حاسبنا 3100 طبعا ربع سعر التكلفه في بلدنا المهم طلبنا تاكسي من الفندق لجنتنق ب 80 رنقت طلعنا تقريبا 11 وصلنا اول شي بلشنا في بالالعاب وعقبها بساعات من اللعب والتجول بالبارك طلعنا للعشاء بمطعم هندي اسمه بريمر بفندق جنتنق وعقبها ردينا فندقنا في كوالا ونوم
اليوم اللي بعده‎ ‎صحينا من النوم 11 وشوي كنت مريض من جنتنق اختلاف الجو ولا طلعنا الا متأخرين بسب التعب قعدنا بالغرفه وطلنبا الافطار ومتابعه للتلفزيون لي الساعه 1 وطلعنا لابراج علشان نشوف المنظر من الابراج وكان وقتها غيم ومطر وردينا للفندق وللغه ونزلنا علي الساعه 7 وكان فيه عرس بالفندق عرس ناس هاي كلاس قعدنا بلوبي الفندق نتفرج عليهم ليما حضرت العروس ومعها العريس والوصيفات وكلهم لابسن لبس ذهبي حتي العروس بس الطرحه لونها ابيض قلنا ندخل الصاله مالت العرس ورحنا لاستقبال مالهم من باب الفي اي بي وحصلنا اهل العريس علي الباب ورحبو فينا وقلنا لهم احنا من الخليج طبعا حددنا الدوله وقلنا انه لنا خاطر نشوف طريقه العرس ورحب فينا حيل ودخل بنفسه والد العريس وقعدنا علي طاوله للشخصيات وكانت الصاله بالحضور صخه حيل صوت الابره تسمعه والاغنيه حاطين طلع البدر علينا من ثنيات الوداع قعدنا نتفرج عليهم ليما وقت العشا وباركنا لهم وطلعنا بالغصب كان يلزمون الا نتعشى وياهم طبعنا احنا متعشين ولا نبي نقعد اكثر وعلى طلعتنا من عندهم صادفت شخص سوادني توه متزوج وياي يقضي شهر العسل بمليزيا بادرت بالسلام عليه على فكره احب اسلم على العرب لما اشوفهم بس بعضهم من يشوفك كأنه شايف مادري منو يتصدد ولا يبي العرب بالديره كلها ياخي خلك عادي وواثق من نفسك ولا يصير عندك شك بنفسك انه الخليجين اخوان ويحبون شوفت العرب المهم انا عجبني السوداني بحرارة استقباله وحسيت انه متوهق بشي قلت له نقعد باللوبي ندردش وخل الحريم يقعدون مع بعض هم يقزرونها سوالف شويه واخذ يسالني عن المناطق طبعا قلتله اللي اعرفه والاماكن اللي مريت عليها وطريقة التعامل واخذ الاحتياط من النصب والاحتيال والتحذير له لاني لاحظت زوجته بما انه توه متزوج تارسه ايدها ذهب قلتله نزل كل الشغلات المهمه بصندوق الامانات بالفندق ليما ترد لبلادك وبعدها طبعا صعدنا للغرفه لان التعب من رحلة جنتنق المتعبة جدا جدا صعدنا الغرفه والنوم
اليوم قعدنا الساعه 9 يومنا الاخير بهالديره ولافيه حجز الا علي القطريه في وقت متأخر بعد منتصف الليل قلنا نقضي نص اليوم بالبرجين وعقبها تايم سكوير وبعدها الفندق نسكر الجناط ونروح المطار وهني انتهت الرحله بالعوده للوطن