- وأتمنى أنه ينال رضاكم ان شالله ...
- صورة مكتب سيليكوم الموجودبالمطار
إخواني أخواتي زوار منتدى العرب المسافرون .... السلام عليكم ورحمة الله وبركاته
في البداية أحب أن أعتذر لكم عن التأخير الخارج عن إرادتي في كتابة تقريري ...بسبب بعض الظروف ..
الان والحمدلله تم ترتيب جميع أفكاري لكتابة التقرير ومعرفة طريقة تنزيل الصور ولكل من ساعدني في تعلم ذلك جزيل الشكر ....
مابي أطول عليكم السالفة وندخل في التقرير مباشرة ... "طبعاٌ تقريري متواضع جدا بالنسبة للتقارير الرائعة من الأعضاء الذهبيين في المنتدى" ويعبر عن رأيي الشخصي فقط.
نبدأ بالتقرير
مكان المغادرة ........ مطار الدوحة الدولي
الخطوط الناقلة ........ الخطوط الجوية القطرية
رحلة مباشرة مدة الرحلة ........ 7 ساعات .
عدد أيام الرحلة ......... 14 يوم من 16/2/2007 إلى 3 /3/2007
خطة الرحلة كالاتي :3 أيام كوالالمبور فندق تريدرز سعر الغرفة : 350 ريال غرفة ديلوكس مطلة مباشرة على البرجين مع الفطور
4 أيام لنكاوي فندق برجايا بيتش سعر الشالية 510 ريال شالية مطل على البحر مباشرة - مع الفطور
3 أيام بينانج فندق باي فيو بيتش سعر الغرفة 390 غرفة ديلوكس مطلة على البحر - مع الفطور
3 أيام كوالالمبور فندق رويال بنتانج سعر الغرفة 210 ريال غرفة ديلوكس - مع الفطور
جديد الموضوع :جزيرة pulau payar مفاجأات ومغامرات خصوصاٌ للمهتمين بهواية الغوص والمتعة والمغامرات والعديد من الصور تحت الماء.
طبعا مثل ماقلت مو حابب أطول الشرح كثير لأنه ماشالله أعضاء المنتدى مكفيين وموفيين وجزاهم الله ألف خير لهذا السبب راح يكون تقريري عبارة عن صور مشروحة وبعض النصائح ....
وأتمنى أنه ينال رضاكم ان شالله ...
الجزء الأول : - بعد أن هبطت بنا الطائرة برعاية الله في مطار كوالالمبور توجهنا لمكان أخذ الشنط والجوازات:097: وطبعا بيعد شوي عن مكان دخول المطار ويتم الذهاب إليه عن طريق ركوب قطار سريع ... خذنا شنطنا وتوجهنا لبوابة الخروج من المطار وفجأة واحد خلفي يناديني ويقولي انت رايح أي فندق فأجبتة فندق تريدرز فقال تعال وراي .. وأخذني لمكان حجز التكاسي وقال لي لازم تحجز تكسي من هذا المكان فقط.. طبعا أنا استغربت وقلت يمكن انه نصاب وطنشته ورحت أشتري كرت للجوال لحد ماشوف حل بهالموضوع الجديد ...طبعا توجهنا لمكتب سيليكوم الموجود بالمطار وخذت بطاقتين سعر الواحدة 10 رنقت ومشحون ب5 رنقت ..
صورة مكتب سيليكوم الموجودبالمطار
data_travel/data/500/medium/DSC003855.JPGبعدها قلت لازم أشوف حل لمشكلة التكاسي طبعا طلعت برة المطار وحصلت تكاسي لاكن مافي تكسي راضي يوصلنا يقولوا لازم تحجز من الداخل قلت لاحول ولاقوة ناديت الرجال اللي سألني أول مرة وين رايح ..جاني بسرعة :1279: كأنه كان عارف اني لازم أرجعله ...المهم ذهبت للمكتب وقالولي في نوعين من السيارات اما ميني باص أو سيارة صغير طبعا قلتله سيارة صغيرة قالي راح اعطيك مرسيدس جديدة حلوه وراح تعجبك !! طبعا أنا في عقلي أقول بدا النصب
خذت السيارة ب 180 رنقت مع أني مو مقتنع بس والله لأن الواحد كان تعبان من طول السفر لازم يرتاح ..
صورة المرسيدس الجديده على قولته
الطريق خذ حوالي ساعة وربع لأن الجو كان مطر والسواق مو مسرع ,, طبعا شعور النعس لازم يروح بعد ما الواحد يشوف الخضار والمناظر الجملة ..
وصلنا والحمدلله للفندق وسوينا شيك إن بكل سهولة ويسر والحمدلله ومعاملتهم جداٌ ممتازة
وهة بعض الصور للفندق اللي برأيي الشخصي أكثر من رائع ...طبعا فندق تريدرز تابع لمجموعة شنقريلا العالمية وأكيد تعرفوها ...
صورة الفندق من الخارج
data_travel/data/500/resized111_CIMG0224.jpgصورة مدخل الفندق وطبعا الاستقبال موجود في الدور الخامس
صورة للممرات
صور متنوعة من داخل الغرفة
المنظر من نافذة الغرفةdata_travel/data/500/medium/resized111_CIMG0205.jpg
منظر لحديقة البرجين من نافذة الغرفة
وبعد عناء السفر لازم نعطيها نومه ولاكن قبل النومه ....أكيد لازم نترس البطن بعدين نرتاح ونام
نزلناعلى المطعم الموجود داخل الفندق وطلبنا المنيو ...:icon_stud طبعا مافيها أي شي مفهوم لأنه أطباق صينية ويابانية ..لقينا صورة فيها شي نعرفة في المنيو طلبناه بعد طبعا ما تأكدت انه حلال وصل الأكل......
طبعا شكلة وطعمة غريب بس صراحة جيد والجوعان يشوف كل شي لذليذ وبدينا :36_1_51:
شبعنا شوي والحمد لله بعدها توجهنا للغرفة لأخذ قسط من الراحة لمتابعة المسيرة ....
البقية في الجزء الثاني إن شالله ...
.
.
.
.
.
.
.
.
.
.
والحمد لله على السلامه وفي انتظار بقية التقرير ...