ابوفهد202
19-05-2022 - 08:29 pm
بسم الله الرحمن الرحيم
والصلاة والسلام على اشرف الخلق محمد صلى الله عليه وسلم ..
اما بعد ..
بصراحه سعيد بشوفتكم من جديد
طبعا كثير من الزملاء بقسم ماليزيا ساعدوني كثير واستفد منهم بصراحه اكثر من البعض الاصدقاء اللي سبق ان راحوا لماليزيا ..
يعني لايهمك بعض اصدقاك او اخوانك او زميلك راح لماليزيا ..
لاول مره يروح وجاي يطقطق عليك بالسوالف .. والنصايح وهو ماعندك احد ههه
هنا بصراحه شباب لهم خبره يسهلون عليك اشياء كثيره ..
ودي اذكرهم
ماجد الفهد ؛؛ متواصل معي ع طول
وافي
الاسفار
شغب
المغادون
والى كل الاعضاء اللي شاركوا وعلقوا
جزاكم الله كل خير والله لا يحرمكم الاجر ..
؛؛؛؛؛؛؛؛؛؛؛؛؛؛؛؛؛
ماودي اطول عليكم
بقولكم بأختصار الفنادق اللي سكنتها
ومدى رضاي عليها
سيلانجور .. صن واي لاقون .. خرافي وخيالي .. يومين
لنكاوي .. طبعا رحت لها عن طريق الطياره خطوط ماليزيه .. حجزت لها عن طريق النت وقبل كم اسبوع كانت رخيصه
الفندق كان (( متيارا )) نظام اكواخ في الغابه ..
اول ماسكنته ووصلت له تحطمت بصراحه لانك جاي من قصر الى ملحق .. قويه
لكن مع اتصالي مع احد الاخوان .. قالي اصبر حتى تتأقلم
بصراحه كان جو خرافي ومتعه ..
بيننق رحت لها بالطياره بعد خطوط ماليزيه .. سكنت بفندق هوليدان بجانب البارك رويال
لكن البوكنينق نكبني بصراحه حجزي في الفندق اللي القديم المقابل.. لكن الحمدلله صار هناك غرفه ودفعة الفرق يمكن 240 وحجزت فيه بغرفه مطله على البحر ..
حلو الفندق لكن عيبه الشباك كبير مره ومطل على البحر ...بس مشكلته الخارج يكشف اللي بالداخل ..
يعني لازم تسكر الستاير .. ؛؛
كوالالمبور .. رحت لها عن طريق باص نايس .. خيال وفله ومتعه ... السكن قراند ملينويم على شارع العرب مقابل
اسواق وشقق فهرنهايت مباشره...
اللوبي حق الفندق خيال وشي مبهر .. لكن الغرف بصراحه من جنبها .. عاديه جدا
لكن سعره مش بطاله مقارنه بالماريوت والوستن ..
بس بصراحه ياليتني ساكن امام البرجين اهدا من شارع البطحاء .. اقصد شارع العرب
عموما .. انا جيت من السفر مزكم وانفلونزا حاده ؛؛ عاداني محمدنور ..
وعندي الركبه اصابه بسيطه في شلالات لنكاوي .. بس عديت على خير ..
انا ادري انكم طماعين ولا تشبعون .. من الاخبار ..والتقارير ..
لكن ؛؛ هناك تقارير واسعه واسلوب افضل مني .. يمكن تكون مناسبه والطف من تقريري ..
عموما
بحاول اجمع اللي في بالي وياليت تحاولون بعد تذكيري ..
ولي رجعه ثانيه ان شاء الله ..
مع السلامه والحمدلله على سلامة وصولي ..
المختصر المفيد ... مقبول منك في الوقت الراهن ...
لكن بعدين وبعد ماتقوم بالسلامة نبي أفلام الأكشن مدعومة بالوثائق والحقائق والأدلة والصور
بانتظار مافي جعبتك الماليزية ...