قمت بزيارة للدمام واستفدت من هالمنتدى والأحبة اللي فيه ودلوني على مواقع روعة ومطاعم ممتازة ( نوعا ما ) فكانت هذه الرحلة لكن اسمحولي أول مرة أصور وانشر فالصور يمكن كبيره شوي معليش :
1- أولا سكنت في فندق البحيرة لكن للأسف كان أثاثة وسخ وموطيب وانحشت منه ما قعت فيه للكن موقعة ممتاز وهذي صورة للمطل له على البحر :

وبعدين رحت وسكنت في بيت جلا وهو ممتاز وجيد يعني فوق المتوسط بشبرين وسعره لابأس وهذي مسافطه ولوحته :

والممر من داخل :

ورحت لحديقة الدلفين وطلعت روعة بصراحة والأطفال استانسو حيل فيها وأحسن شي عرض أسد البحر والله يا جماعة إني خفت منه شكله مرعب وطوله يمكن 3 متر المهم رعب وبس وهذي صورة صالة العرض :
4- وهذي صورة أسد البحر ولا يغركم صغره تراه يتمدد ويصير أطول منه بالصورة :

وبعدين جابو لنا الدلفين ( يحليله ) وسوا عروض حلوة وبعدين صار يسحب قارب صغير فيه اطفال داخل البحيره وأظن ركوب الطفل ب 10 ريال طبعا غير دخول العرض اللي سعره اذا ما خانتني الذاكرة 35 ريال للشخص :

أما المطاعم رحنا أكثر من مطعم منها مطعم شيزان وصورة لكم طاولة الطعام كاشخ فيها شوي :

طبعا أبو نواس مريناه لكن للأسف أكله بارد !

ومرينا مطعم دارين بس ترى الوجبة ما اكتملت وانصحكم لا تجون الفرع اللي في الدمام ترى لكم عليه شوي وهذي صورة المائدة :

ومرينا بعد ام ملك المندي ولكن من شدة الجوع ما صورت الا بعد الأكل ههه :

ومرينا من الأسواق مارينا مول وهذي صورة عابرة :

على كل سامحوني ترى هذي أول مرة انشر موضوع مصور وأدري لكم عليه بس فيه متعة لكم ان شاء الله تعالى وسلامتكم ..