مرحبا اخوي ... مرحبا فيك في قطر ..و طبعا احنا شعب قطر وايد طيبين و انحب اهلنا اللي في الامارات ..
بخصوص ...
ام بصراحه بدون زعل
اذا قطر قادره انها تسوي اولمبياد واسياد
الامارات قادره على انها تسوي كل بطولات العالم بدون مبالغه
بالعكس مافيها زعل ... من كلامك حسيت انك :112: ههه
بس الحمدالله بلادي اجتازت الاسياد في 2006 ..بكل نجاح بفضل الله و فضل شيوخنا الله يحفظهم.. و بيضنا ويووه اهل الحليج بحكم كلنا بلد وحده و اخواان ...
و ان شاء الله و بأذن الله بنستضيف الاولمبياد 2016
منظر عام من الغرفه مثل ما تشوفون قطر شغاله
اصلا ماشي مولات غير الستي سنتر وهو قديم شوي بس فيه حركه حلو
وفيلاجيو مول على الطراز الايطالي في نص المول في نهر وقوراب
ولاند مارك مول عائلي فيه سنيما وكارفور وهادي وبعيد شوي
الظاهر انه هذه أول مره اتزور فيها قطر...
بصحح لك المعلوومة ...
قطر فيها مولات وايد و أبرزها
1- المول The Mall و هذا موجود على طريق المطار.. صغير بس حلو
2-السيتي سنتر ... طبعا غني عن التعريف.. واكبر من الموجود في دبي ...و موقعه على الكورنيش
3-الاند مارك ..في منطقة دحيل على طريق الشمال
4-فيلاجيو ... احلا مول الصراحة اللي يروح له ما يتملل ..موقع في منطقة العزيزية بجانب استاد خليفه و المنطقه اللي حواليه اسمها سباير زوون.
5-حياة بلازا..بجانب فيلاجيوو.
6-رويال بلازا ..في شارع السد.
7-سنتربوينت ..هذا عائلي يعني كله محلات و العاب للأطفال مافيه مطاعم وايد يمكن ماكدومنالدز و سبارو ..و كوستا كافيه.
طبعا اهم مول في قطر سواء قديماً او حديثاً .. و انا اشوفه يغطي على المولات اللي ذكرتها كلها ... هو (سوق واقف) الصراحة مكان ما ينمل منه .. روعه من روائع الدوحه فديت بلادي والله ..
ع العموم حياك الله في بلادنا ... و اتمنى مره ثانية تستانس اكثر
و اشكرك على التقرير

لا اخوي لا تفهمني غلط
تصدق وانا قاعد احط الصور اشتقت لدوحه واكيد راح ازورها مره ثانيه

الموعود1
وحياك الله في ديار ابومشعل

حياك أخوي في بلادك الثانيه
حتى إحنا القطريين لما نروح الإمارات نحصل نفس المعامله الحلووه

السلام عليكم
مرحبا الساع
صور جميلة
يعطيك الصحة
تحياتي
ايوب

يعطيك العافيه على التقرير والصور الحلوة بس كنت اتمنى انك ماتقارن دولة بدولة ثانية دولة قطر صارلهم فترة ماشاء الله عليهم يشتغلون صح وعسى الله يوفقهم ويوفق كل الدول والشعب القطري شعب عربي اصيل وشعب مضياف وراعي نخوة
وعلي طاري المولات حتى ابوظبي مافيها غير مارينا مول ومركز ابوظبي اللي عند فندق روتانا بيج

مرحبا ملايين ولا يسدن
وان جان سدن فلا باس
الغالي
اهم شي استانست في قطر
ولو تعرف حد جان استانست اكثر
والمره اليايه
عطنا خبر
وعن الصور
تراها طرر
والزوايا اللي خذت منها الصور احلى واحلى
يعني انته لك مستقبل في التصوير
وحياك الله مره ثانيه
اخوك
القطري

انا منحرج منكم شباب
احس اني خبصت بالكلام
بس اسمحولي خاني التعبير

السلام عليكم ورحمة الله وبركاته
موضوع اعجبني وحسيت اني لازم اشارك فيه...
مرحبا بك يا ولد البلاد..
تبغي سيارة موديل 2007 رخيصه خذلك سمارت والا كورولا وعلى فكره شكلك ما اجرت سيارة في البلاد عشان تعرف ان السيايير عدنا غاليه بوايد من قطر
أولاً: بالعافية عليك الكوفي اللي شربته والشي اللي كان في الصحن الظاهر انه عيبك وايد عشان جيه الصحن مغسول ههه
ثانياً: الفندق اللي سكنت فيه فضيع.... وهذا ان دل فيدل على التطور الملحووظ اللي تشهده قطر في عهد ابو مشعل الشيخ حمد الله يطول عمره.
ثالثاً: (منظر عام من الغرفه مثل ما تشوفون قطر شغاله بس في نظري كل شي غلط لانه مافي اساس) تعليقي على هالجملة ودي اعرف اي اساس اللي غلط وهل انت مهندس معماري؟ او قدرت في 3 ايام تعاين المباني؟ يعني يا اخويه احس ان هالجملة مالها معنى..
رابعاً: قطر فيها مولات وايد بس كلامك يدل انك ما عندك علم بمولات قطر اللي احس انها رائعه كفاية ان كل مول تدخله تحس بالبلاد اللي انت فيها لان الطابع القطري يغلب عليها مب مولاتنا اللي نحس انا في بلاد غربيه وهويتنا معدوومه فيها... وبعدين عندي سؤال بوظبي مع احترامي للعاصمة شو عندها من المولات؟؟؟ راس مداكم مولين بس والباقي كله كارفور...
خامساً: (ام بصراحه بدون زعل اذا قطر قادره انها تسوي اولمبياد واسياد الامارات قادره على انها تسوي كل بطولات العالم بدون مبالغه) تعليقي على هالجملة اكيد تقصد ان دبي قادرة تسوي الاولمبياد واسياد الامارات... بس صدقني قطر ما قصرت رفعت روسنا كخليجيين في هالحدث الكبير... ولنا الشرف ان قطر كانت تمثلنا كخليجيين... كلامك ما فيه زعل بس فيه قلة معرفة وقله ادراك للمستوى اللي وصلت له قطر بفضل الله وفضل الشيخ حمد الله يطول عمره لان لو حسبتها بتعرف ان قطر تطورت تطور كبير في فترة بسيطه وايد وهذا انجاز عظيم..
( وهذا الميدان يا حميدان) يلا خل الامارات تتشطر وتسوي الاولمبياد واحنا كشعب وياها وانا متأكده ان قطر بعد بتكوون ويانا وبتشجعنا حكومة وشعب.
سادسأً: (شعب قطر طيب لابعد الحدود وخاصه انهم يحبون الاماراتين ) :x1: هذي احسن جملة كتبتها في هالموضوع وازيد على كلامك ان اذا هم يحبونا فإحنا بعد نحبهم وما نرضى عليهم كله ولا قطر وشيخها وشعبها لو يبون عمارنا نعطيهم وما نتردد... لا تستغرب من كلامي بس انا لقيت في اهل قطر شي ما لقيته في الناس كلها طيبه و كرم واصل ومايرضون بالغلط... أكرمكم الله يا أهل قطر مثل ما تكرمون ضيفكم وما تقصرون فيه... الله يحفظ بلادكم الحبيبة وامير البلاد الشيخ حمد آل ثاني ويحفظ الشيخة موزة المسند ويحفظ الشعب الكريم..
والسموحه لو بدى مني اي قصور...