- بنزل لكم تقرير كامل عن (( باريس )) ..
- هاي الخريطه وين مكانه بالضبط عن شارع الشانزليزيه
- الجزء الاول ..
- تاريخ 23 / 6 / 2008
** السلام عليكم ورحمة الله وبركاته ***
شحالكم وشخباركم :.؟؟
العنوان واضح .:12 (43):.
بنزل لكم تقرير كامل عن (( باريس )) ..
بصراحه انا وايد استفدت من ها المنتدى .. واشكر كل اللي في المنتدى بصراحه ما قصرتوا ويانا في اي شي ..
(( اولا:: بغيت اقولكم شي بتلاحظون ان النك نيم اللي ع الصور غير ها النك نيم ... لان انا منزله الموضوع في منتدى ثاني .. وثانياا :: اسمحوللي ع اللهجه لان انا كاتبه باللهجه الاماراتيه والمصطلحات يمكن شوي تختلف بس اللي ما يفهم اي كلمه يقولي ))
الحمدلله الله تمم عرسي على خير .. وعرست تاريخ 19 / 6 / 2008 والحمدلله كان احلى يوم في حياتي..وتاريخ 22 / 6 / 2008 سافرنا شهر العسل إلى (( باريس )) .. وطبعا ما نسيتكم وصورت لكم كل شي .. واتمنى القى ردود حلوه منكم علشان تشجعوني اكمل التقرير وانا بنزل لكم على اجزاء .. مدة الرحله كانت 9 ايام
لاتنسوني من دعواتكم ان الله يوفقني في حياتي اليديده ...
تاريخ المغادره 22 / 6 /2008
تاريخ العوده 30 / 6 / 2008
من مطار دبي .. طيران الامارات .. درجة البزنس ..
مدة الرحله في الطياره تقريبا 6 ساعات ..
كنت استعمل كيمرا Kodak .. وهاي صورتها 12 ميغابيكسل
هاي الخريطه وين مكانه بالضبط عن شارع الشانزليزيه
الجزء الاول ..
وصلنا تاريخ 22 / 6 / 2008 تقريبا الساعه 7 المغرب .. وخلصنا الاجراءات في المطار والحمدلله خلصنا بسرعه وخذنا الشنط وسرنا الفندق :13 (47):.. تقريبا 40 دقيقه من المطار للفندق .. وانا ما كنت ادري بأي شي. وكنت وايد احاتي كيف بنحصل سكن .. بس ريلي الله يطول في عمره كان مرتب الرحله كامله حاجز الفندق ومخلص كل شي ..
المهم وصلنا الفندق وحطينا اغراضنا وارتحنا شوي ونزلنا نستكشف المكان قبل ما يظلم الجو وقلنا بنتعشا في شارع الشانزليزيه .. نزلنا والجو كان روعه و تعشينا في مطعم (( بينو )) وخذنا بيتزا طعمها لذييذ وخذنا بيبسي ..وها المطعم مشهور في شارع الشانزليزيه .. وتعشينا وبعدين تمشينا في الشارع لان الجو كان ما يتفوت بس بارد وايد ,, وع الساعه 12 تقريبا ردينا الفندق ..
تاريخ 23 / 6 / 2008
نزلنا من الفندق وسرنا قوس النصر وتصورنا فيه وطلعنا ولفينا مشي من الساعه 1 لين الساعه 5 العصر كنا نستكشف باريس .. واتجهنا ع الساعه 5 ونص برج ايفل وبصراحه ها البرج فضيع روعه وركبنا من الطابق الاول لين الطابق الثالث والمنظر من فوق ما يتفوت شفنا باريس بكبرها .
اسمحوليانا صورت كل شي من بداية الرحله لين ما ردينا بس الصور اللي في تاريخ 22 / 6 و تاريخ 23 / 6 امتسحت وباقي التقرير كله بيكون بالصور ان شاء الله ..
بس لقيت لكم كم صوره
هاذا قوس النصر
وهاذا برج ايفل ..
تذكرة الدخول لبرج ايفل لآخر طابق ب 12 يورو يعني تقريبا 60 درهم ..
والله يوفقك ويسعدك دنيا واخرة